Atvinnuréttindi og kvóti

http://www.dv.is/frettir/2011/8/15/hvetur-alla-til-ad-roa-til-fiskjar-kvota/

Jón Gunnar hvetur alla til að veiða án kvóta. Hann telur það vera mannréttindi. Hann er sjómaður og telur sig hafa þá rétt til að sækja sjóinn og veiða að vild.

 

Ég er þeirrar skoðunar að kvóti er nauðsynlegur til að koma í veg fyrir ofveiði. Það sem ég hef skrifað um kvótakerfið hér á þessari síðu hefur ávalt snúist um að ríkið fái greitt fyrir kvótann en gefi hann ekki frá sér. Aldrei hef ég talað á móti kvótakerfinu.

 

Þó að Jón Gunnar sé sjómaður þá gefur það honum engan rétt að mínu mati til að veiða eins mikið og hann getur. 

 

Ef ég læri mannauðsstjórnun. Verð jafnvel með masters eða doktorgráðu í mannauðsstjórnun. Þá er það engin mannréttindi fyrir mig að vera mannauðsstjóri í einhverju fyrirtæki eða stofnun.

Sama með kennara, lögfræðinga, endurskoðendur, félagsráðgjafa osfrv, osfrv.

 

kv

 

sleggjan

 

Athugasemdir

[Stefán Júlíusson (IP-tala skráð) 15.8.2011 kl. 19:15]

Þetta er nú svolítið flóknara en þetta.

Segjum svo að kvótanum hafi verið úthlutað eftir veiðireynslu, þá væru etv. hægt að réttlæta kvótakerfið.  En svo var ekki.  Það voru gerðar alls konar breytingar og skipum var úthlutað af geðþótta í sjávarútvegsráðuneytinu.  Um þetta eru til gögn.

Einnig er til bréf frá umboðsmanni Alþingis, sem þá var merkt "trúnaðarmál", að Sjávarútvegsráðherra hafi ekki heimild samkvæmt lögum að úthluta kvóta á skip.

Ég hef séð þessi gögn.

Ásmundur, sem Jón Gunnar vitnar í,  var með þetta allt saman á hreinu.  Hann lést því miður áður en að málið hans fór fyrir dóm.  Það hefði verið áhugavert að sjá dómsniðurstöðuna í málinu.

[Stefán Júlíusson (IP-tala skráð) 15.8.2011 kl. 19:18]

Þú átt bát og ert að veiða.  Þú færð allt annan kvóta miðað við veiðireynslu vegna geðþáttaákvarðana í Sjávarútvegsráðuneytinu.  Ákvarðana sem umboðsmaður Alþingis telur ólöglegt.

Þú ert kennari til margra ára.  Þú færð allt í einu ekki lengur að kenna vegna þess að ráðuneytið ákveður að þú sért óhæfur þrátt fyrir að umboðsmaður Alþingis telji ráðuneytið ekki fara eftir lögum.  Værir þú sáttur?

Á þetta á að láta reyna.

[Sleggjan og Hvellurinn, 15.8.2011 kl. 22:30]

Var Þorsteinn Pálsson ekki sjávarútvegsráðherra á þessum tíma?

hvells

[Aðalsteinn Agnarsson, 15.8.2011 kl. 22:32]

Jón Gunnar er kool!

Frjálsar handfæraveiðar fyrir heimilin, afléttum oki líú,

krefjumst frjálsra handfæraveiða.