Steypa

Ég var að lesa þessa skýrslu í gær. Hún er frá byrjun til enda algjör steypa. Það er gefið í skyn að það þarf að tvöfalda FME. Það hefur nú þegar fjórfaldað þetta batterí frá hruni og í raun er verið að biðja um að tífalda umfangið miðað við fyrir hrun þegar bankarnir voru margfallt landsframleiðslu.

AGS er bara samtök stjórnmálafólks sem þykist hafa vit á efnahagsmálum. Formaður AGS er sósíaldemókratískur stjórnmálamaður.

Sumir segja að AGS er einhverskoanr frjálshyggjustofnun. Það er fjarri lagi.

Í raun er þessi klúbbur hálfgert djók.

Þessi skýrsla um Ísland er sönnun þess.

hvells

Haldi í umbæturnar frá 2009

Athugasemdir

[Sleggjan og Hvellurinn, 12.7.2014 kl. 01:27]

Hver átti að lána Íslandi?

sl

[Sleggjan og Hvellurinn, 12.7.2014 kl. 01:53]

ég er ekki að gagnrýna lánið

Alls ekki.

Sumar "greiningar" hjá AGS eru útur korti og lykta af vanþekkingu.

Er að pönkast útí það.

hvells

[Gunnr (IP-tala skráð) 12.7.2014 kl. 09:23]

Raun er þetta "common sense" hjá AGS.
Á Íslandi er fjárhagslegt agaleysi enda skipta flokksskýrteini, ættar og kunningjatengsl og hagsmunatengsl meira máli.
Það eru flestir með "kornflekspakka" gráður úr þriðjaflokks svokölluðum háskólum sem eru fullkomlega brenglaðir af innrækt með míkróskópiska akademíu. Raunar eins konar supermenntaskóli og eru með prófessora sem myndu hvergi vera hæfir sem prófessorar og hafa ekki birt stafkrók í alvöru fræði- eða vísindagreinum.
Raunar hefur komið fram að talsvert yfir 90% af alþjóðlegum fræðigreinum koma frá 2 sviðum Raungreinadeild þar á meðal jarðeðlisfræði/jarðfræði ofl ásamt heilbrigðissviði með Læknadeild.
Klárlega er það rugl og bull að vera að fjöldaframleiða lögfræðinga og viðskiptafræðinga.

[Gunnr (IP-tala skráð) 12.7.2014 kl. 09:34]

Menn eru í raun læstir í höftunum og sjá litla von út úr þeim. Það er risa gengisfelling sem liggur í kortunum enda margfaldaðist peningamagn í umferð fyrir hrun og menn skelltu í lás. Klárlega þurfa menn sífellt að herða höftin. Makríllinn kom og ferðamenn en í raun annars hefur lítið gengið að leysa grundvallarvandamálin.
Þjóðin er að eldast og það mun margfalda útgjöld til heilbrigðiskerfis sem og þyngja mjög að lífeyrissjóðum og ekki minnst ríkinu þar sem ekki hefur verið lagt fé til hliðar til þessa og því mun stór og vaxandi hluti skatttekja ríkisins fara í að greiða lífeyrisgreiðslur og þetta er mjög svo fyrirsjáanlegt en hefur verið sópað undir teppið.
Áherslur í menntamálum eru kolrangar það er verið að moka fólki í greinar til að halda þeim frá atvinnuleyisisskrá sem engin þörf er á. Lögfræði, viðskiptafræði, stjórnmálafræði ofl. ofl. Þegar áherslan ætti að vera á raungreinar, verkmenntun og nýsköpun og þróun.

[Helgi (IP-tala skráð) 12.7.2014 kl. 17:07]

Sælir.

@1 og 2: Við þurftum ekki lán. Það er útbreiddur misskilningur. Ég veit ekki alveg hvað við höfum þurft að borga fyrir þessi lán en frá því þau voru slegin höfum við þurft að greiða milljarða í vexti. Þá fjármuni hefðum við frekar átt að nota í annað.

Hvers vegna þurftum við ekki að taka lán? Einfaldlega vegna þess að við hefðum samið við lánadrottna um að lengja í lánunum og eða lækka vexti. Þeir hafa ekki neinn valkost ef við sláum í borðið. Það er nokkuð sem er gert þó ekki fari það nú hátt :-(

@3: Það sem þú segir er meira í ætt við rant en málefnalegan málflutning :-(

@4: Mikið til í því sem þú segir. Vandamálið er risastór opinber geiri. Hið opinbera býr ekki til verðmæti, þar liggur vandinn.

[Sleggjan og Hvellurinn, 12.7.2014 kl. 18:29]

Það er rétt Gunnr. Það er þörf fyrir verkfræðiga, tölvunarfræðinga og menn sem eru menntaðir í tæknigreiranum.

En ég er algjörlega sammála helga. Hið opinbera býr ekki til verðmæti og það er vandamálið. Alltof stór opinber geiri.

Viðskiptafræðingarnir eru allavega að starfa í einkageiranum. Aðalega. Margir viðskiptafræðingar eru að skapa gríðarleg verðmæti í útflurningsgeirum og stofna frábær fyrirtæki.

Ég hef meiri áhyggjur af lögfræðingum. Þeir skapa ekki nein verðmæti og eru gjarnir á að vilja stækka opinbera kerfið og reglufargið og eftirlitsiðnaðinn. Og þar með vinna gegn hagsmunum þjóðarinnar.

En viðskiptafræðingarnir og lögfræðingarnir fá dálítið bágt fyrir í umræðunni. Ég hef miklu  meiri áhyggjur af öllu þessu liði sem nema þau fræði sem skapa engin verðmæit. Kynjafræði, stjórnsýslufræði, stjórnmálafræði, alþjóðasamskipti og aðrar skaðlegar greinar. 

hvells

[Sleggjan og Hvellurinn, 13.7.2014 kl. 09:51]

@Helgi

Ef þeir vilja ekki lækka vexti?

Argentína ætlaði að vera vora sniðug og neita að borga. Eru enn að súpa seiðið, var það svona sniðugt?

[Gunnr (IP-tala skráð) 13.7.2014 kl. 10:00]

Kæru S&H
Ég er ekkert á móti viðskipta-/hagfræði menntun eða því góða fólki sem hefur stundað þetta nám og alls ekkert á móti lögfræði eða stjórnmálafræði eða öðrum humanískum greinum.
Vandamálið er að með örfáum undantekningum er þetta því miður ekki á því stigi sem það á að vera í alvöru rannsóknarháskólum. Í öðrum vestrænum löndum fá rannsóknarháskólar 3-4 föld framlög á við kennsluháskóla sem í raun Bifröst, Háskóli Reykjavíkur og Akureyrar í raun eru.
Það er hrúgað inn í þessa skóla fólki í BA/BS og mastersgráður og að meginstofni eru nánast engar alvöru rannsóknir stundaðar og kennslan er í höndum fólks sem oftast ekki kemur nálagt háskólakennslu sem stundakennarar á algjörum lúsalaunum. Þetta nám kostar lítið sem ekkert og gefur nemunum gráður en er harla verðlaust sérstaklega þegar markaðurinn er löngu stútfullur af þessu enda á þetta fólk afar erfitt að finna vinnu við hæfi bæði innanlands og erlendis nema menn fari í annað og meira nám og án nokkurar alvöru reynslu er afar erfitt fyrir einstakling 30-35 ára þrátt fyrir margar íslenskar gráður.  Það er verið að gjaldfella framhaldsnám á Íslandi með því að það er fjársvelt enda kostar alvöru háskólanám (university). Klárlega er það skortur á forgangsröðun og framtíðarsýn sem ræður þessari forgangsröðun. Ef framtíðarsýn Íslands er ferðamannaþjónusta er það fyrst og fremst láglaunastörf með löngum vinnutíma, tímabundnu vinnuálagi þá mest um sumartíman, einhver tungumálaþekking hjá hluta starfsfólks. Það þarf fólk með meirpróf il að keyra rútur, einvherja leiðsögumenn og síðan fólk í þrif og annað allt meira eða minna láglaunastörf.
Það er brjálæðislega mikið af bankaútibúum og miðað við stærð markaðarins og það að flestir noti netið og að td. að það er í raun enginn alvöru hlutbréfamarkaður og að Ísland er læst í höftum og ofurmannað bankakerfi og í raun opinberi og hálfopinberi geirinn er í raun algjörlega ofvaxinn hagkerfi landsis og sú staðreynd fer varla framhjá neinum.
Framtíðin er að berjast út úr höftunum og byggja upp alvöru útflutningsiðnað með þróun og þú færð það ekki með að mennta fólk í lögfræði eða sölumenn sem hafa í raun ekkert að selja.

[Helgi (IP-tala skráð) 13.7.2014 kl. 14:01]

@7:

Þetta er nokkuð sem hægt er að semja um. Ef lándrottnar okkar sjá að við getum ekki staðið við greiðslur eru þeir auðvitað opnir fyrir samningaviðræðum. IMF og WB hafa undanfarið staðið fyrir skuldaniðurfærslu fyrir um 39 lönd að upphæð 114 milljarðar dollara síðustu örfá ár.

Það var hins vegar reginskissa að taka þetta AGS lán. Hluti ástæðunnar fyrir því að það lán var tekið var auðvitað til að reyna að verja gengið af pólitískum ástæðum - ekki af hagrænum. Sf barði fékk sínu framgengt.

Svo má ekki gleyma því að árið 1991 gátu Sovétríkin ekki greitt af sínum lánum. Bagar það þau núna? Alls ekki. Lánveitendur hafa hingað til komist upp með að bera ekki ábyrgð á sínum útlánum og er það hluti þess vandans. Fjárfestar horfa fyrst og fremst fram á veginn.

Endurskipulagning lána er nokkuð sem á sér stað reglulega og mörg lönd hafa nýtt sér þetta úrræði. Detroit er sennilega nýjasta dæmið en önnur má nefna eins og t.d. Búlgaría 1990 og Egyptaland 1984. Sum lönd hafa nýtt sér þetta úrræði í nokkur skipti t.d. Chile, Brasilía og Þýskaland.

Það gerist auðvitað ekkert nema við reynum og það er nokkuð sem þarf að skoða enda gerist ekkert nema reynt sé. Veistu hvað opinberi geirinn hérlendis skuldar? Þeir sem tókust á herðar þessar skuldir er alveg sama um greiðslu þeirra og þá lífskjaraskerðingu sem þær munu valda. Hve oft og hve mikið hækkaði OR sína gjaldskrá? Þar hefði átt að reyna enda ekkert vit í að ræflar eins og við borgum fyrir risarækjueldi sumra.

[Guðmundur Ásgeirsson, 13.7.2014 kl. 23:19]

Þú ert semsagt sammála því að efnahagsstefna AGS fyrir Ísland hafi verið rugl? Eða skil ég þig rétt?

[Sleggjan og Hvellurinn, 14.7.2014 kl. 02:08]

AGS stefna var góð að vissu leyti.

Niðurskurðurinn var nauðsýnlegur þó að ég hefði gengið mun lengra í þeim efnum.

hvells