Tekjurnar koma annarstaðar

Álframleiðsla á Íslandi hófst árið 1969 þegar álverið í Straumsvík tók til starfa. Framleiðslan fyrsta árið var 33.000 tonn. Álverið í Straumsvík hefur síðan verið stækkað og framleiðslugeta þess aukin í 185 þúsund tonn. Á undanförnum árum hafa tvö önnur álver tekið til starfa, álver Norðuráls á Grundartanga árið 1998 og álver Alcoa Fjarðaáls á Reyðarfirði árið 2007. Samanlögð framleiðslugeta þessara 3ja álvera er nú rúm 800 þúsund tonn. Heimsframleiðsla á áli var um 45 milljónir tonna árið 2012 og er því hlutur Íslands tæp 2,0%.

Ljóst er að uppbygging stóriðju á Íslandi hefur umbreytt hagkerfinu hér á landi. Með auknum álútflutningi hefur tekist að draga úr hlutfallslegu vægi annarra útflutningsgreina og skjóta fleiri stoðum undir rekstur þjóðarbúsins. Tilkoma álútflutnings hefur verið til sveiflujöfnunar í hagkerfinu. Frá árinu 1969, þegar álverið í Straumsvík tók til starfa, hefur hlutur áls í vöruútflutningi tæplega fimmfaldast en hlutur sjávarútvegs nær helmingast. Árið 2012 námu útflutningsverðmæti áls tæplega fjórðungi af heildarverðmæti alls útflutnings í hagkerfinu.

Árið 2012 námu tekjur af útflutningi áls 226 milljörðum króna. Þetta svarar til um það bil 23% af útflutningstekjum þjóðarinnar. Til að framleiða þessi verðmæti þurfti að flytja inn súrál fyrir um 63 milljarða króna. Vöruskiptajöfnuður áliðnaðarins á síðasta ári nam um 120 milljörðum króna. Kostnaður sem fellur til vegna reksturs álveranna hér á landi nemur um 40% af heildartekjum þeirra. Á síðasta ári nam þessi kostnaður 100 milljörðum króna.

Sala raforku til áliðnaðar hefur verið með arðsömustu starfsemi raforkufyrirtækja hér á landi um árabil sbr. nýlegar upplýsingar OR og Landsvirkjunar. Sem dæmi má nefna að arðsemi eiginfjár Landsvirkjunar hefur að meðaltali verið um 15% á ári undanfarin 10 ár. Það er nokkru meiri arðsemi en að meðaltali hjá skráðum bandarískum orkufyrirtækjum á sama tímabili samkvæmt skýrslu sem unnin var fyrir fjármálaráðuneytið á síðasta ári. Um 80% af raforkusölu Landsvirkjunar er til stóriðju. Þá hefur Landsvirkjun gefið það út að félagið geti greitt upp allar skuldir sínar á 10-12 árum. Má hiklaust fullyrða að sala á orku til stórnotenda hafi verið forsenda þess að Íslendingar gátu ráðist í virkjun fallvatnanna og þar með nýtt sína helstu auðlind, þjóðinni til hagsbóta.

Því er stundum haldið fram að almenningur hafi niðurgreitt raforkuverð til stóriðju. Slíkt er fjarri  sanni. Stærra og hagkvæmara raforkukerfi með meiri sölu til orkufreks iðnaðar hefur þvert á móti leitt til lækkunar á raforku til almennings. Raforkuverð til heimila hefur að jafnaði lækkað um 25% að raunvirði frá árinu 1997, sem að stórum hluta má skýra með auknu umframafli frá orkufrekum iðnaði sem sinnir afltoppum á almenna markaðnum. Samkvæmt tölum sem birtar voru á ársfundi Landsvirkjunar árið 2010, er raforkuverð til almennings á Íslandi, hið lægsta í Evrópu og þótt víðar væri leitað.  Á fundinum kom einnig fram að ef borið er saman sambærilegt raforkuverð til stóriðju annars vegar og almennings hins vegar, greiða álverin að meðaltali um 70% þess verðs sem heimilin greiða. Nýtingartími álveranna er hins vegar mun meiri, eða 96% að jafnaði samanborið við um 56% hjá almennum notendum. Að teknu tilliti til þessa eru álverin að greiða 24% hærra verð fyrir uppsett afl en almennir notendur.

Landsvirkjun hefur á undanförnum árum byggt upp traust eiginfjárhlutfall án framlaga frá eigendum sínum og verið fær um að standa  undir afborgunum þeirra lána sem fyrirtækið hefur tekið.  Þar hafa skattgreiðendur ekki þurft að hlaupa  undir bagga.

 samal.is

hvells 

Ekki greitt krónu í tekjuskatt í 10 ár

Athugasemdir

[Sleggjan og Hvellurinn, 20.3.2013 kl. 22:02]

Eru þá álverin stikkfrí út af því að þau greiða fyrir orkuna og gefa starfsmönnum vinnu?

kv

sl

[Sleggjan og Hvellurinn, 20.3.2013 kl. 22:05]

Svo er samal Samtök Álframleiðenda.

Eigum við ekki að leyfa LÍÚ að segja okkur hvað kvótakerfið er gott eða feministafélag Íslands að segja okkur allt um jafnrétti kynjanna?

Skál

kv

sl

[Óli Már Guðmundsson (IP-tala skráð) 21.3.2013 kl. 00:29]

Hvað borguðu álfyrirtækin og landsvirkjun ykkur fyrir þessi skrif.

[Guðmundur Ásgeirsson, 21.3.2013 kl. 02:09]

Eru Sleggjan og Hvellurinn ekki sammála um þetta eða hvað?  :)

[Helgi (IP-tala skráð) 21.3.2013 kl. 05:46]

Sæll. 

Hið opinbera fær meira en nóg í sinn hlut vegna þessara fyrirtækja, við skulum ekki líta framhjá því eins og kommarnir á RÚV.

Þessi fyriræki moka líka gjaldeyri inn í landið. Við þurfum fleiri svona fyrirtæki og mun lægri skatta á bæði fyrirtæki og einstaklinga - þá hyrfi hallinn á ríkissjóði hratt og atvinnuleysi gufaði upp. Vandinn er að vinstri menn vilja það bara ekki.

Það er nákvæmlega ekkert athugavert við þetta fyrirkomulag - nema helst það að öll fyrirtæki þyrftu að fá að njóta þess.

Sorglega fáir vita að með því að lækka skattprósentu aukast tekjur af skattstofnum. Ef þessi fyrirtæki væru skattlögð eins og vinstri menn vildu kæmu þau aldrei til landsins.

Það er hægt að færa fyrir því sannfærandi rök að skattheimta sé þjófnaður en það er önnur umræða sem því miður hefur ekki farið fram hérlendis því menn eyða tíma sínum alltaf í að sjá ofsjónum yfir velgengi annarra sem er auðvitað ekkert annað en öfund sem engu skilar :-(

[Sleggjan og Hvellurinn, 21.3.2013 kl. 08:53]

Helgi

http://en.wikipedia.org/wiki/FairTax

Þetta ekki best?

Óli

Ef ég fengi greitt frá álfyrirtækjunum þá mundi ég skrifa mun ítarlegri og betri pistla... og þeir væri ennþá jákvæðari í garð Alcoa.

Guðmundur

Það er rétt.

Það er skoðanamunur á sleggjunni og hvellinum í einhverjum málum.

hvells

[Sleggjan og Hvellurinn, 21.3.2013 kl. 11:12]

"Við þurfum fleiri svona fyrirtæki og mun lægri skatta á bæði fyrirtæki og einstaklinga - þá hyrfi hallinn á ríkissjóði hratt og atvinnuleysi gufaði upp."

Ef þessi töfraformúla gengi upp, af hverju eru skattar heimsins ekki við núll prósentin?

Er mannskeppnan svo heimsk að hún fattar ekki að Minni skattur= meiri tekjur. Eða býr eitthvað meira að baki?

kv

Sleggjan

[Guðmundur Ásgeirsson, 26.3.2013 kl. 02:25]

Ágætt og heilbrigt að geta haft mismunandi skoðanir.

Þetta var einmitt vel meint, þessi athugasemd, á þann hátt.