Veiðigjaldið er rökrétt. En ekki bylgingin á kvótakerfinu.

Mér hugnast ekki potta sem er á valdi misvitra stjórnmálanna.

Þetta kerfi er hagkvæmt og það ekki að raska því.

Veiðigjaldið þarf hinvegar að hækka. Til þess að útvegsfyrirtækin greiði sanngjarnan að af auðlindinni.

hvellurinn

Hart deilt um veiðigjöld

Athugasemdir

[Helgi (IP-tala skráð) 3.6.2012 kl. 15:07]

Sæll.

Lykilatriðið í þínum málflutningi er hvaða skilning menn leggja í orðið "sanngjarnt". Hvað er sanngjarnt? Af hverju eiga peningar sem einkaaðilar búa til heima hjá ríkinu?

Sanngjarnt í huga sósíalistanna sem nú stjórna er það há upphæð að mörg fyrirtæki leggja upp laupana. Sanngjarnt í huga núverandi stjórnvalda er svo há upphæð að fleira fólk missir vinnuna. Sanngjarnt er í raun orðaleppur með mjög jákvæða merkingu í huga fólks en í raun enga merkingu.

Menn gleyma því alltaf að útgerðin skilar fé til landsmanna og opinbera geirans jafnvel þótt ekkert veiðigjald væri lagt á.

Sjómönnum eru greidd laun og af þeim launum greiða þeir skatta til ríkis og sveitarfélaga. Þeir kaupa líka hitt og þetta sem greiða þarf virðisaukaskatt af. Útgerðin greiðir líka skatta af sínum tekjum. Útgerðin kaupir viðhald og þjónustu í landi og á þeim viðskiptum er virðisaukaskattur (alltof hár auðvitað) og þeir aðilar sem vinna viðkomandi störf greiða skatta til ríkis og sveitarfélaga. Útgerðin kaupir olíu og þar hirðir ríkið líka vænan skerf. Fólk vinnur auðvitað við að selja útgerðinni olíu. Útgerðin er með fólk í vinnu hjá sér sem vinnur að markaðsmálum fyrir söluvöru útgerðarinnar, það fólk fær greidd laun og það borgar ef þeim launum skatta og skyldur til stjórnmálamanna sem skilja ekkert hvernig er að reka fyrirtæki. Halda þarf skipum við og kaupa veiðarfæri sem skapar störf og aftur hirðir hið opinbera vænan skerf af þeim peningum sem þar skipta um hendur í formi virðisaukaskatts, tekjuskatts, útsvars og tryggingagjalds. Eru engin takmörk fyrir því hve mikið af peningum einkaaðila ríkið má einfaldlega gera upptæka?

Af hverju vita stjórnmálamenn betur hvað á að gera við þessa fjármuni en einkaaðilar? Af hverju mega þeir ekki halda meiru eftir en þeir gera í dag og það er þá hægt að nýta í að skapa störf eða fjárfestingar? Af hverju eiga skussar eins og Steingrímur, Jóhanna og Oddný að ákveða fyrir fólk í hvað peningar þess fara? 

Hvers vegna þarf að leggja enn frekari álögur á útgerðina eða bara fyrirtæki í landinu yfir höfuð? Það er beint samband milli skattlagningar og opinberra afskipta annars vegar og atvinnuleysis hins vegar, sagan geymir ótal dæmi þess.

Svona della viðgengst auðvitað vegna vanþekkingar kjósenda á efnahagsmálum, vanþekkingar sem kemur í veg fyrir að lífskjör almennings í landinu batni. Ef kjósendur væru vel að sér í efnahagsmálum myndu þeir einfaldlega hlæja menn sem koma fram með svona hugmyndir út af sviðinu.