BAS - stjórnin

Ég tel að það séu þónokkrar líkur á BAS stjórninni. Þ.e. XB, XA og XS starfi saman. Svokölluð "miðjustjórn" þó að þeir munu klárlega starfa til vinstri.

Ljóst er að Sigmundur fær stjórnunarumboðið frá gamla Framsóknarmanninum og forseta Íslands Ólafi Ragnari. Hann mun ræða við Bjarna sem vill ekki gefa eftir forsætisráðherrastólinn. Svo gæti verið erfitt að starfa saman þegar svona ógnarjafnvægi er í gangi. Flokkarnir með jafn marga þingmenn. 

XB mun vinna "kapphlaupið til vinstri" og mynda stjórn með XA og XS. Eina málið sem getur stöðvað það er ESB umsóknin. Í XB er mikil andstaða en það gæti verið að lendingin sé þjóðaratkvæðisgreiðsla um áframhaldandi viðræður. En þá væru XA og XS heldur betur að svíkja sitt helsta stefnumál, en annað eins hefur maður oft séð í íslenskum stjórnmálum.

hvells

Vill hefja stjórnarmyndun í dag

Árni Páll er leiðtoginn

Árni Páll flutti sannkallaða eldræðu þegar hann hitti stuðningsmenn sína.

Það er klárt mál að Árni Páll er foringi flokksins.

Jóhanna kom XS á botninn og nú er það hlutverk Árna að hífa flokkinn upp.

Ég spái því að XS á eftir að tvöfalda fylgið sitt í næstu kosningum.

 

hvells 

„Þetta fylgishrun varð fyrr“

áhugaverður þáttur um skattundanskot - hvells

Svakaleg spenna á lokametrunum

Mest spennandi kosningavaka sem ég hef upplifað.

Oft hefur þetta verið þannig að spenna sé í kringum einhvern jöfnunarþingmann til eða frá. Allt gott með það.

 

En í kvöld var það spurning um heilan flokk á þing eða ekki. Að ná 5% eða ekki. 

Erum að tala um 3 þingmenn eða engan. Allt um Pírata.

Kom ekki í ljós fyrr en í lokatölunum og niðurstaðan var þannig að Píratar komust á þing.

Tóku út einhverja steinaldarmenn úr öðrum flokkum.

 

Svona eiga kosningavökur að vera.

 

kv

Sleggjan

Píratar með þrjá þingmenn

Þörf áminning

Við skulum passa okkur á lögregluríkinu.

Friðhelgi einkalifs og einstaklingsréttur er nauðsýn.... ásamt eignarétti

 

hvells 

Framsókn á metið

Úrslitin í keppninni um besta lýðskrumið í efnahagsflokki liggja nú fyrir. Öruggur með fyrsta sætið er Framsóknarflokkurinn fyrir „Forsendubrestinn“. Sannkallað meistaraverk sem unnið var af mikilli seiglu, þar sem mýtan um almennan forsendubrest og þörf á „leiðréttingu“ var endurtekin í sífellu þar til hún varð að viðurkenndri „staðreynd“ og öll upplýst umræða slegin út af borðinu með því að bendla þá sem mótmæltu og/eða bentu á aðrar leiðir til þess að aðstoða skuldsett heimili við fjármálaöflin og auðvaldið. Þetta verður ekki toppað í bráð, til hamingju!

Annað sætið hlýtur svo aftur Framsóknarflokkurinn fyrir „Já en þú/hann/hún vildi(r) kjósa um ICESAVE“ mótrökin, sem nú eru fullgild rök gegn öllu sem 40,1% þjóðarinnar segir, í öllum málefnum. Dæmi: „Die Hard er frábær mynd“. Svar: „Nei. Þú hefur rangt fyrir þér, þú vildir semja um ICESAVE“. Stórbrotið afrek þar sem grundvallarlögmálum ákvörðunarfræðanna var snúið á hvolf. Í stað þess að meta ákvarðanir fólks út frá þeim upplýsingum sem lágu fyrir þegar ICESAVE málið fór fyrir þjóðaratkvæðagreiðslu eru þær nú metnar út frá niðurstöðu dómsmáls sem stórkostleg óvissa ríkti um. Héðan í frá verður því einnig viðurkennt að hver sá sem tekur þátt í rússneskri rúllettu og lifir af mun hafa tekið skynsamleg ákvörðun. Bravó.

 

hvells 

Spennandi og tvísýnar kosningar

Framsókn og Dögun lesið

Frá árinu 1989 hefur almennt verðlag þrefaldast.

Frá árinu 1989 hafa meðallaun á Íslandi fjórfaldast.

Frá árinu 1989 hefur húsnæðisverð rúmlega fjórfaldast (þrátt fyrir mikla lækkun eftir hrun).

 

*Hagstofan hóf ekki mælingar á vísitölu launa fyrr en árið 1989.

*Sömu tölur frá 2005 og sundurliðun eftir starfsstéttum má sjá í viðbót neðst í þessari grein.

 

Þetta þýðir að laun hafa hækkað um 1% á ári umfram verðlag frá árinu 1989, þ.e. kaupmáttur launa hefur aukist um 1% á ári að jafnaði á öllu þessu tímabili. Þetta þýðir líka að laun hafa hækkað um 1% umfram hækkun höfuðstóls verðtryggðra lána! Og hvort sem fólki hér inni líkar betur eða verr, þá þýðir þetta eftirfarandi:

 

Ef þú lesandi góður keyptir fasteign á Íslandi árið 1989 (eða 2005, sbr. viðauka) með verðtryggðu láni, ER EKKI NOKKUR FRÆÐILEGUR MÖGULEIKI Á AÐ ÞÚ HAFIR LENT Í GREIÐSLUERFIÐLEIKUM, nema að uppfylla eitt eða fleiri af eftirfarandi þremur skilyrðum:

 

1. Laun þín hækka hægar en meðallaun.

2. Þú hefur eytt um efni fram.

3. Fasteign þín lækkaði meira í verði en aðrar.

 

Ef þú uppfyllir eitt eða fleiri af þessum þremur atriðum er það ekki á ábyrgð ASÍ, það er ekki á ábyrgð Alþingis, það er ekki á ábyrgð lífeyrissjóðanna og það er ekki á ábyrgð bankanna eða Íbúðalánasjóðs. Öll þessi þrjú atriði hér að ofan eiga það sameiginlegt að vera á ábyrgð eins (og aðeins eins) aðila - þín sjálfs!

 

Nokkur orð um þessi þrjú atriði:

================================

Atriði 1: 

Frá árinu 1989 hefur verið 3,7% atvinnuleysi að meðaltali á Íslandi og fór það hæst í 7,6% árið 2010. Á sama tíma hefur atvinnuleysi verið 9,5% að meðaltali á evrusvæðinu og 5,0% í Bandaríkjunum. Atvinnuleysi á Íslandi er því með því allra lægsta sem gerist í heiminum og menntun hefur verið að mestu leyti ókeypis á öllu þessu tímabili. Ef launin þín hafa hækkað hægar en hækkun meðallauna, er það í öllum tilfellum gerlegt og í öllum tilfellum á þinni ábyrgð að bæta úr því.

 

Atriði 2:

Að eyða um efni fram þýðir að útgjöldin þín eru hærri en tekjurnar og kallar í öllum tilfellum á auknar skuldir eða eignaskerðingu (sjá nánar: http://bit.ly/13tJ6uv). Vextir tilheyra hér útgjöldum og eiga þeir sérstaklega við um þá sem hafa tekið dýr yfirdráttarlán og önnur neyslulán (svo ekki sé minnst á hin sívinsælu smálán). Að kaupa eða flytja í dýrari fasteign en þú hefur efni á telst líka til þess að eyða um efni fram. Íslendingar hafa upp til hópa eytt um efni fram í gegnum árin og virðist engu máli skipta hvort hér sé góðæri eða kreppa (sjá: http://bit.ly/UXX5od). Þó að slík glórulaus hegðun hafi viðgengist á Íslandi í marga áratugi, er hún í öllum tilfellum óafsakanleg og í öllum tilfellum á ábyrgð hvers og eins!

 

Atriði 3:

Frá árinu 1989 hefur fasteignaverð hækkað jafn hratt og meðallaun í landinu ef frá er talin fasteignabólan sem hófst um mitt ár 2004 (sjá góða mynd af henni hér: http://bit.ly/VEVQwD) Fasteignabólan á Íslandi er ekkert öðruvísi en aðrar eignabólur sem hafa sprottið upp útum allan heim í mörg hundruð ár. Þeir sem kaupa og selja á réttum tíma hagnast mjög vel, en þeir sem kaupa á hápunkti bólunnar tapa miklu. Enginn getur þó með fullri vissu spáð fyrir um upphaf og endalok bólunnar og er oftast best að sleppa því að taka þátt í partýinu (og þ.a.l. þynkunni). Fasteignakaup eru í flestum tilfellum stærsta fjárhagslega ákvörðun sem einstaklingur tekur á ævinni og það ber enginn ábyrgð á þessari fjárfestingu annar en einstaklingurinn sjálfur. Í eignabólum eru góð ráð vissulega dýr, en það ber heldur enginn ábyrgð á því hvaða ráðum þú kýst að fylgja nema þú sjálfur.

Atli ritaði.

 

Sleggjan endurbirti.

"við þorum að afnema verðtrygginguna"

Hver er með þetta slagorð núna?

Framsóknarflokkurinn er mesti lýðskrumaflokkur frá stofnun lýðveldis

 hvells

Kjörsóknin í SV-kjördæmi 16,7%

Að kjósa

Fann þetta á youtube þegar ég var að "surva" netið. Þessi mundi ekki kjósa.

 

hvells 

Skynjar sveiflu til Samfylkingar

XD í 30%

Grunnstefna Sjálfstæðisflokksins er að frumkvæði einstaklingsins fái notið sín samfara ábyrgð á eigin athöfnum. Það er stjórnvalda að skapa heilbrigt og hvetjandi umhverfi fyrir atvinnulífið svo nýta megi krafta einstaklinganna til fulls.

Stjórnvöld eiga að vinna með atvinnulífinu – ekki á móti því. Leysa þarf íslenskt atvinnulíf úr viðjum hárra skatta, hafta, opinberra afskipta og íþyngjandi reglugerða. Stuðla verður að uppbyggingu fjölbreytts atvinnulífs samhliða því að styrkja stoðir grunnatvinnuveganna. Sérstaklega verður að hlúa að litlum og meðalstórum fyrirtækjum og tryggja jafna samkeppnisstöðu þeirra.

• Lægra tryggingagjald eykur svigrúmið til að fjölga starfsmönnum og greiða hærri laun
• Lækkun skatta og vörugjalda
• Auðlindir nýttar með arðsömum og ábyrgum hætti
• Sóknarfæri í landbúnaði nýtt
• Arðsemi sjávarútvegsins aukin
• Aukin verðmætasköpun í ferðaþjónustu
• Vaxtarmöguleikar skapandi greina tryggðir
• Stoðkerfi nýsköpunarfyrirtækja einfaldað og gert skilvirkara – dregið úr hindrunum við stofnun og rekstur fyrirtækja
• Aukin samkeppni á fjármálamarkaði
• Skilyrði sköpuð til að auka erlenda fjárfestingu

Skattar og opinberar álögur eru einn þyngsti útgjaldaliður íslenskra heimila. Þegar tekið er tillit til íslenska lífeyriskerfisins kemur í ljós að Ísland er í hópi þeirra OECD-ríkja sem búa við mestu skattbyrðina. Sjálfstæðisflokkurinn vill að skattkerfið sé einfalt og gegnsætt, stuðli að aukinni samkeppni og tryggi neytendum góða vöru og þjónustu á hagstæðu verði. Á komandi kjörtímabili er nauðsynlegt að endurskoða skattkerfi heimila og fyrirtækja og vinda ofan af þeim rúmlega hundrað skattbreytingum sem gerðar hafa verið í tíð fráfarandi ríkisstjórnar.

• Lægri tekjuskattur mun auka ráðstöfunartekjur heimilanna
• Einfalt og gegnsætt skattkerfi
• Lægra bensínverð með lægri eldsneytisgjöldum
• Lægri tollar og vörugjöld munu lækka vöruverð og auka samkeppni.

Í íslenskri menningu felast fjölbreytileg verðmæti. Mikilvægt er að halda áfram að hlúa að lista- og menningarlífi þjóðarinnar og standa vörð um menningarstofnanir, þar sem mikil þekking og reynsla býr. Sjálfstæðisflokkurinn leggur áherslu á mikilvægi menntamála í víðum skilningi, þar sem horft er til grunnmenntunar, framhaldsmenntunar, háskóla- og vísindastarfs og menningarstarfsemi. Fjárfesting í þekkingu og mannauði skapar verðmæti og er undirstaða samkeppnishæfni.

• Opinber stuðningur við lista- og menningarstarfsemi sé gegnsær og reistur á traustum, faglegum og fjárhagslegum forsendum
• Sveigjanleiki, fjölbreytni, ábyrgð og valfrelsi njóti sín í öllu menntakerfinu
• Nemendur hafi raunverulegt val um skóla, hvort sem þeir eru einkareknir eða á vegum hins opinbera - fjárframlag hins opinbera til náms fylgi nemanda á öllum skólastigum
• Sveitarfélögum gert mögulegt að reka framhaldsskóla
• Aukin áhersla lögð á iðn- og tækninám
• Styttri meðalnámstími til stúdentsprófs

Skattar og opinberar álögur eru einn þyngsti útgjaldaliður íslenskra heimila. Þegar tekið er tillit til íslenska lífeyriskerfisins kemur í ljós að Ísland er í hópi þeirra OECD-ríkja sem búa við mestu skattbyrðina. Sjálfstæðisflokkurinn vill að skattkerfið sé einfalt og gegnsætt, stuðli að aukinni samkeppni og tryggi neytendum góða vöru og þjónustu á hagstæðu verði. Á komandi kjörtímabili er nauðsynlegt að endurskoða skattkerfi heimila og fyrirtækja og vinda ofan af þeim rúmlega hundrað skattbreytingum sem gerðar hafa verið í tíð fráfarandi ríkisstjórnar.

• Lægri tekjuskattur mun auka ráðstöfunartekjur heimilanna
• Einfalt og gegnsætt skattkerfi
• Lægra bensínverð með lægri eldsneytisgjöldum
• Lægri tollar og vörugjöld munu lækka vöruverð og auka samkeppni.

 

 

xd.is

 

 

hvells 

Sjálfstæðisflokkur með mest fylgi