Verðtryggt lán

Tíu ára verðtryggt lán að upphæð 17milljónir.

Ef við miðum við 5% verðbólgu sem er sirka meðaltalsverðbólga seinustu 30ár þá lækkar höfuðstóllinn frá byrjun. 

Þ.e hækkar aldrei.

 

Menn hafa haldið fram hér á blogginu (nefni engin nöfn) að verðtryggð lán sé með innbyggt tap.

En það er leiðrétt hér með.

Vissulega er hægt að taka stærri lán til 40ára. En ef menn vilja ekki "tapa" á láninu þá er ráðlagt að taka smærri lán. Byrja á aðeins minni íbúð. Ekki vera gráðugur.

 

hvells

Allir?

Umhverfisráðherra segir að allir græða?

Bílarnir verða dýrari og frelsið í atvinnulífinu verður minna. Það er verið að neyða fyrirtæki í að taka upp óþarfar reglur.

Stjórnmálamenn líta á sig sem bjargvættir heimsins. Þeir ætla að láta vondu bílaverkmiðjur framleiða ákveðna tegund af bílum. Þeir líta algjörlega framhjá því að bílar hafa stórbatnað seinustu tugi ára þegar kemur að mengun og eyðslu. Það er himin og haf á milli þess hversu bílar menga í dag og svo hvernig þetta var fyrir 50árum. 

Og það allt án hjálpar stjórnmálamanna. Og án hjálpar frá þessari reglu sem ESB er að koma með.

Þessi regla bitnar fyrstu og fremst á fátækum sem vilja eignast bíl.

hvells

Tekið á bílmengun

Með kjafti og klóm

Það kemur að sjálfu sér ekkert á óvart að Sigmundur Davíð ver Framsóknarflokkinn og þar með Íbúðarlánasjóð með kjafti og klóm.

Vissulega buðu bankarnir svipuð lán og ÍLS. Það sem kveikti á þessum 90-100% lánum bankana var 90% loforð Framsóknarmanna árið 2003.

Það er augljóst.

Nú er til fjögur bindi af rannsóknarskýrslu sem staðfestir þetta en samt eru menn einsog Sigmundur í afneitun.

hvells

90% lánunum ekki um að kenna

Verðtryggt lán VS óverðtryggt lán

Ólafur Margeirsson skrifaði skemmtilega bloggfærslu:

 

Þróun fyrstu greiðslu 20 millj. króna láns, 25 ára lánstími (þúsundir króna)

 

Þróun höfuðstóls: 20 milljón króna lán, 25 ára lánstími, fyrsta greiðsla jan 2010 (milljónir króna)

 

Þróun mánaðarlegrar greiðslubyrði: 20 milljón króna lán, 25 ára lánstími, fyrsta greiðsla jan 2010

 

Svo er bara að velja og hafna.

Sjálfur tók ég verðtryggt lán nýlega. Ég er þó meðvitaður um verðbætur og verðbólgu. Þið munuð ekki heyra mig hringja í Útvarp Sögu og öskra "ég borga og borga en samt hækkar lánið, vanhæf ríkisstjórn, ég vill fá leiðréttingu strax".

 

kv

Sleggjan

 

 

SUS um skatta

http://www.vb.is/frettir/93328/

“Skattadagurinn er í dag, sunnudaginn 7. júlí, en þann dag hætta Íslendingar að vinna fyrir hið opinbera og byrja að vinna fyrir sig sjálfa. Almenningur er nú meirihluta ársins (187 daga) að vinna fyrir hið opinbera, eða frá 1. janúar til og með 6. júlí. Um 51% útgjalda heimilanna eru skattar og opinber gjöld.“ Svo segir í tilkynningu frá Sambandi ungra sjálfstæðismanna, sem vekur athygli á skattadeginum annað árið í röð. Í fyrra bar daginn upp þann 9. júlí.

Í tilkynningu SUS segir að breytinga sé þörf, ríkið og sveitarfélög þurfi að sýna meiri ráðdeild og spara í rekstri. „Auk þess þarf að einfalda skattkerfið til muna, fækka sköttum og undanþágum, svo að það skili betur hlutverki sínu, þ.e.a.s. að afla ríkinu tekna."

 

Sleggjan feitletraði mikilvægustu punktana.

Fækka (og lækka) söttum.

Hætta þessum undanþágum sem eru að grafa undan allri samkeppni hér á landi og ívilna ákveðnum hópum sem eru jafnvel pólítískt tengdir.

Sýna ráðdeild og spara í rekstri. STRAX.

kv

Sleggjan

 

Hagræðingarnefndin

Talað er um hagræðingarnefndina sem sjálfsmorðssveit. Gert grín af henni því þingmennirnir sem leggja tillögur til niðurskurðar munu missa þingsætin sín.

http://www.dv.is/frettir/2013/7/8/thau-hagraeda-hja-rikinu/

http://vefir.pressan.is/ordid/2013/07/05/sjalfsmordssveitin/

http://eyjan.pressan.is/silfuregils/2013/07/06/nefnd-hinna-umdeildu-thingmanna/

Mér finnst þetta vera ein mikilvægasta nefndin. Mikil ábyrgð og áskorun.

Það þarf að skera niður, og að vera í forystunni í þeirri vegferð er heiður. Það þarf að breyta viðhorfunum.

Kjósendur eru stundum ekki að fatta að ríkiskassinn er tómur og það þarf að skera niður, stíga ekki í vitið.

kv

Sleggjan

Öryrkjar á Íslandi, fjölgun, orsakir og afleiðingar

Rakst á ágætis skýrslu frá Tryggva Þór um öryrkja. Hún heitir "Fjölgun öryrkja, orsakir og afleiðingar".

Svo sannarlega tími til að rifja þessa skýrslu upp þegar ríkiskassinn er stórskuldugur og þörf á niðurskurði og kerfisbreytingum.

Nokkrir punktar úr skýrslunni, feitletrun í sviga eru mín orð:

"Þannig benda rannsóknir OECD til þess að í löndum þar sem bætur eru hlutfallslega háar, og tiltölulega auðvelt er að fá greiningu sem öryrki, séu öryrkjar hlutfallslega flestir."(margoft bent á það  hérna á blogginu að það þarf að herða reglurnar með örorkugreiningu, alltof margir verða öryrkjar án þess að vera óvinnufærir).

"Fjölgun öryrkja setur mikinn fjárhagslegan þrýsting á fjármál hins opinbera sem og á lífeyrissjóðakerfið"

 

"En það er ekki aðeins mikill beinn kostnaður tengdur örorku heldur minnkar

framleiðslugeta þjóða þegar fólk hverfur af vinnumarkaði vegna örorku."

 

 

 

"Til að halda samfélagslegri bjögun í lágmarki ríður á að gaumgæfa hvort ekki megi hverfa af þeirri braut sem mörkuð er af síauknum fjárhagslegum stuðningi við öryrkja.

Í því skyni mætti til að mynda leita leiða til að aðstoða öryrkja í auknum mæli við að fóta sig á nýjan leik á vinnumarkaði." (Þetta er augljóst, hjálpa öryrkjum að fara á vinnumarkað aftur).

 

 

 

"Í 3. kafla kemur í ljós að mikill fjárhagslegur hvati er fyrir láglaunafólk að leita eftir örorkumati, enda getur það hækkað laun sín umtalsvert með því móti. Að sama skapi er lítill hvati fyrir fólk að hverfa af örorkubót um nema þokkalega vel launuð vinna bíði þeirra." (þetta er óásættanlegt. Það á ekki að vera val  um að vera á örorku eða ekki. Þetta snýst um hvata. Lækka skal örorkubætur til þess að hvetja menn til þess að fara á vinnumarkað).

 

 

"Mat á örorku hefur tekið stakkaskiptum á undanförnum árum. Nýr örorkumatsstaðall

hefur leitt til þess að einstaklingar sem áður voru á vinnumarkaði geta nú sótt um

örorkulífeyri þrátt fyrir að starfsgeta þeirra hafi lítið sem ekkert skerst." (Óásættanlegt er að einstaklingur getur skráð sig sem öryrki með starfsgetu. Höfundur örorkumatsstaðalsins þarf að svara fyrir sig, þetta er alvarlegt mál og mikill baggi á ríkið. Gerir lítið úr þeim sem sannarlega eru öryrkjar og óvinnufærir).

 

 

 

Svo í umræðum í dag er verið að tala um að "leiðrétta" kjör öryrkja.

Útvarp sögu hringja brjálaðir öryrkjar inn og telja sig vera að svelta og saka ríkisstjórnina um rán.

Bara á Íslandi.

kv

Sleggjan

 

 

 

Árni Jónssen

Árni Jónssen barðist fyrir þessari leið.

Sjómenn sem þekktu aðstæður mótmæltu.

Árni hélt ótrauður áfram með pening skattborgara í handtöskunni.

Íslensk þjóð hafa orðið að miklu meiri tjóni vegna þessara vitleysu heldur en stuldurinn sem Árni var dæmdur fyrir.

hvells 

Enn ófært í Landeyjahöfn

nei eða já

Ég spái því að hann Ólafur skrifar undir.

Hann er prímadonna.

Hann hugsar fyrst og fremst um sjálfan sig.

Hann er guðfaðir þessara ríkisstjórnar og mun ekki spilla því.

Jújú hann mun koma með einhver snilldar rök einsog honum eigin er lagið. Eitthvað sem fáir sjá í gegnum enda er skríllinn ekki mikið fyrir vitið.

hvells 

Ólafur tók við undirskriftum

Stendur á dómstólum

Margir halda það að það séu bankar sem eru að tefja málin. Þvert a móti hafa bankar verið mjög fljótir að reikna eftir að dómur hefur fallið.

Þetta stendur allt á dómstólum.

Bankarnir eru að bíða eftir að fá niðurstöður um hvernig á að reikna þetta. Hvaða laun eru lögleg og hvaða lán ólögleg. 

Hæstiréttur segir til um það.

Þetta þarf að vera alveg 100% ljóst áður en leiðréttingin á sér stað því bankarnir hafa meiria að gera en að endurreikna lán alla daga. Þeir hafa þegar brennt sig á að reikna öll lán eftir Árna Páls lögin. Sem voru dæmd ólögleg og bankarnir voru búin að reikna tugi þúsunda lána til einskis.

hvells

Nokkur gengislán enn í óvissu