Már Gamblari.

Frétt á dv:

"

Seðlabanki Íslands hefur eytt 13 milljörðum á þessu ári í að styrkja gengi krónunnar og alls 66,9 milljörðum frá því bankarnir hrundu í október. Guðmundur Ólafsson hagfræðingur segir ekki hægt að standa í inngripum til lengdar. Hann telur að Seðlabankinn hafi sólundað þessum peningum. Fyrir þessa upphæð mætti byggja nýjan Landspítala og eiga drjúgan afgang.

Síðan bankarnir hrundu í október á síðasta ári hefur Seðlabanki Íslands samtals varið 66,9 milljörðum króna í að styrkja gengi krónunnar. Meðaltal gengisvísitölu krónunnar hefur ekki mælst hærra en í október síðastliðnum á þeim tíma sem er liðinn frá bankahruninu. Þegar gengisvísitalan hækkar lækkar verðgildi krónunnar. Krónan hefur því aldrei verið minna virði en nú.

Inngrip Seðlabankans á gjaldeyrismarkaði voru langmest í október og nóvember í fyrra, skömmu eftir bankahrun. Bankinn keypti krónur fyrir 28,9 milljarða í október og rúman 21 milljarð í nóvember. Aðgerðirnar náðu þó ekki að koma í veg fyrir fall krónunnar því á milli mánaða veiktist gengi hennar umtalsvert.

Síðan þá hafa inngrip Seðlabankans verið frá 545 milljónum króna á mánuði og upp í 3,4 milljarða króna á mánuði. Mikið hefur hins vegar dregið úr hlutdeild Seðlabankans á gjaldeyrismarkaði á þessu ári. Á þriðja ársfjórðungi námu inngrip Seðlabankans 19 prósentum, samanborið við 36 prósent á öðrum ársfjórðungi."

 

Hann er ágætis gamblari seðlabankastjóri. Ég skelli mér af og til í póker. Upp á nokkra þúsundkalla. En þetta spílavítisbrask er það sem kallað er "high stakes" í pókerheiminum. 

 

kv

 

 

Sleggz

 

Athugasemdir

[Hawk, 13.11.2009 kl. 21:03]

Og fólk finnst svo dýrt að ganga í ESB.

[Hawk, 15.11.2009 kl. 19:50]

Held að Már sé gaurinn sem fer alltaf "all in"