Samtök leiganda eru lygarar

Ég hef orðið vitni af gengdarlausum lygum hjá þessum samtökum.

Þessi samtök gætu kallað sig "samtök lygara"... það væri réttnefni.

"Umræðan um ís­lensk­an húsa­leigu­markað er kom­in á villi­göt­ur og er farið að bera á órök­studd­um full­yrðing­um og upp­hróp­un­um um stöðuna sem geta verið skaðleg­ar fyr­ir bæði leigj­end­ur og leigu­sala"

 

Sammála þessu.

 

Sorglegt.

hvells

Vara við öfgum í umræðu um leigumarkaðinn

Athugasemdir

[Helgi (IP-tala skráð) 15.7.2014 kl. 11:08]

Sæll.

Hinn frjálsi markaður mun leysa þetta ef hann fær til þess frið og næði. Það fær hann hins vegar ekki á sósíalista landinu Íslandi.

Svo er annað sem hefur áhrif á framboð leiguíbúða: Allar þær reglur sem gilda og eru þær flestar leigusölum óhagstæðar. Hvað á leigusali að gera við leigjanda sem tekur allt í einu upp á því að borga ekki? Hann hefur einhver lagaleg úrræði en þau taka óratíma og kosta hann verulegt fé og situr hann að endingu uppi með skaðann en leigjandinn fær á meðan frítt húsnæði. Finnst mönnum skrýtið að þeir leigusalar sem lenda í þessu hugsi sig um tvisvar við að setja eignir sínar aftur í útleigu?

Hér sjáum við gott dæmi þess að hið opinbera ber að nokkru leyti ábyrgð á þeim vanda sem er á leigumarkaði. Hvað með úthlutun lóða? Hvernig er þeim málum háttað? Hvað með byggingarreglugerðir? Eru þær mjög íþyngjandi?

Svo hefur nú ekkert heyrst um það í drykklanga stund  hve margar íbúðir fjármálastofnanir eiga. Í hve mörgum þeirra er búið og hve margar eru tómar? Hvers vegna líðst lánastofnunum að hafa áhrif á markaðsverð með því að halda íbúðum af markaði?

Einhverjar þessara fjármálastofnana eru í eigu hins opinbera.

Þegar menn skilja ekki vandann geta þeir ekki leyst hann :-(

[Leigu leitandi (IP-tala skráð) 15.7.2014 kl. 11:49]

Núú og þú trúir þessari konu frekar sem er með 1 íbúð auglýsta til leigu 65fm á 170þ = glæpamennska ( http://www.fasteignasalan.is/soluskra/eign/315436 )

( þú reyndir ekki einu sinni að benda á lygar í þeim , svo ég hlusta ekki á svona rugl )

[Birgir Hrafn Sigurðsson, 15.7.2014 kl. 12:06]

Þriggja herbergja, 65m² íbúð í 101 virðist kosta um 25.000.000 kr samkvæmt fasteignavef mbl.is.

Ef maður tæki 80% Óverðtryggt lán með 7,75% föstum vöxtum í 60 mánuði, með jafnar afborganir, þá er 181.837 kr. afborgun af láninu í 40 ár.

Leigu Leitandi, finnst þér að fólk egi að leiga íbúðirnar sínar með tapi ?

[Guðmundur Ásgeirsson, 15.7.2014 kl. 12:12]

Ég hef orðið vitni af gengdarlausum lygum hjá þessum bloggara.

Þessi bloggari gæti kallað sig "lygarinn"... það væri réttnefni.

Umræðan á þessari bloggsíðu er kom­in á villi­göt­ur og er farið að bera á órök­studd­um full­yrðing­um og upp­hróp­un­um um stöðuna sem geta verið skaðleg­ar fyr­ir bæði lesendur og síðuskrifara

Sammála því að þetta er mjög sorglegt.

[Leigu leitandi (IP-tala skráð) 15.7.2014 kl. 12:24]

Haha Birgir hvað helduru að ég þekki engan sem er að borga húsnæðislán þetta er laaangt yfir það sem ég hef heyrt að fólk sé að borga.

Af hverju helduru að þessi fasteignasala miði þá ekki við þetta verð, þeir eru jú ekki góðgerðasamtök.

En ég nenni ekki að rífast við einhverja gaura sem benda aldrei á linka til að reyna sannfæra fólk eins og reiknivél fyrir þetta heimskulega lán sem verður alls 87 milljónir

Trúi ekki að ágætlega menntað fólk skrifi undir svona vitleysu

En ok þá erum við búinn að leysa þetta leigumarkaðurinn er í rugli útaf hálfvitum sem skrifa undir svona samninga, borga næstum 90m fyrir 25m lán

[Birgir Hrafn Sigurðsson, 15.7.2014 kl. 13:13]

Ég veit ekkert hvaða lygar menn eru að tala um hér. Einnig veit ég ekkert um þennan einstakling sem er að leiga þessa eign á 180 þús/mán. Kannski á hann alla eignina skuldlaust, kannski skuldar 100% í henni.

Ég fór bara á mbl.is/fasteignir og leitaði að íbúðum með þessa kríteríu. þ.e.a.s. 3 herbergi og 65m². Þú getur séð niðurstöðuna með þessum link :

http://www.mbl.is/fasteignir/leit/?q=0730aeccaef7ab8b0901247ecfaab13f

Þar eru tvær eignir og þær eru báðar í kringum 25 milljón krónur.

svo fór ég á landsbankinn.is og skoðaði reiknivélina þar og skoðaði hvað 80% lán á þessa íbúð kostar með jöfnum greiðslum. Það er 181 þús kr.

Í reiknivélinni er alveg hægt að velja lán með lægri afborgunum en þá eru bara aðrir óvissuþættir (verðbólga og breytilegir vextir).

Ég vill ekkert rífast við neinn um þetta mál, mér finnst bara skrítið að fólk sé ósátt við leiguverðið þegar fasteignaverðið er hátt. Ég bara efast um að einhver vilji leigja ibúðina sína með tapi.

Reiknivél bankans.

http://www.landsbankinn.is/einstaklingar/lan-og-fjarmognun/ibudalan/reiknivel/

[Sleggjan og Hvellurinn, 15.7.2014 kl. 15:09]

"þetta er laaangt yfir það sem ég hef heyrt að fólk sé að borga"

Þessi rök eru dæmigerð þegar kemur að grátkórnum.

Birgir Hrafn kemur með gott kankrít dæmi sem hver og einn getur gert með því að fara á "reiknivél" á heimasíðu ÍLS eða bankana.

En það er ekki nógu gott vegna þess að einhver heyfur "heyrt" að menn eru að borga hitt og þetta.

hvells

[Leigu leitandi (IP-tala skráð) 15.7.2014 kl. 15:53]

Jájá ég veit þetta voru engin rök hjá mér,hvað á ég að scanna inn kvittanir frá ættingjum.

En takk birgir nú veit ég að verðið er útaf okurlánum sem þið skrifið undir og getið ekki sjálf borgað

Því ég sé það þannig að þið eigið ekki að vera leigja út ef þið hafið ekki efna á því, þá meina ég að kaupa alla íbúðina án láns

Og ég býst ekki við því að ég sé að fara snúa skoðunum einhverra sem kalla sig sleggjan og hvellurinn og með mynd af internet-troll hjá sér ( semsagt þú ert væntanlega að bulla )

Grátkór er það grátkór að vilja ekki leigja skítaherbergi hliðina á sprautufíklum, því það er eina sem er í boði, og ekki einu sinni á góðu verði lengur > http://leiguherbergi.is/funahofdi17a.html

en ég er hættur og farinn því ég geri ráð fyrir að þú sért að trollast eða bara nasisti

[Jóhann Már Sigurbjörnsson (IP-tala skráð) 15.7.2014 kl. 17:00]

Meiriháttar lýgi , ja eða hvað ?

Það er einhvernveginn þannig ætlast til , að fólk taki 100% lán og leigi út íbúðina með rúmmlegum hagnaði. Þetta virkar bara ekki þannig, þú þarft að eiga fjármagn og þarf að sinna almennu viðhaldi á eigninni.

Til að svara þessum öfgum sem verið er að bendla SLÍ við í Morgunblaðinu í dag , þá skal alveg viðurkennt að ýtrustu dæmin voru tilgreind, sem Samtökin hafa fengið upplýsingar um.

En það er langt frá að ástandið sé , það sem teljast megi eðlilegt. Einnig má benda á að minna en 5% af leiguíbúðum fer í gegn um leigumiðlun á Íslandi þannig að leigumiðlari sem slíkur verður hugsanlega ekki var við allt sem fram fer á leigumarkaði. Hækkun verðs á leigumarkaði er langt umfram verðlag og kaupgetu þeirra sem “neyðast” til að vera á leigumarkaðinum.

Biðlistar Sveitarfélagana sýna eftirspurnina sem eru eftir ákveðnum tegundum af íbúðum, þ.e. langtíma öruggt húsnæði á viðráðanlegu verði miðað við kaupgetu þeirra hópa sem sækja um stuðning. Þá hefur ASÍ greint þennan vanda betur og talar um að til félagslegra þarfa (láglaunastéttir, öryrkjar, atvinnulausir,nemar, ungt fólk á íbúðamarkaði ofl) í nágrannalöndunum er gjarnan miðað við að 20% af húsnæðismarkaðinum þurfi að uppfylla þessar eftirspurn eða um 24-36þ íbúðir (ASÍ , 2013) á íslenskum húsnæðismarkaði. Sveitarfélögin eru hinsvegar með 4000 slíkar íbúðir í boði sem sinna þó eingöngu öryrkjum og í sumum tilvikum fólki í atvinnleit en ekki öðrum áðurnefndum hópum, (þ.e. láglaunahópum og ungu fólki á íbúðamarkaði).

Varðandi verðhækkanir á leigumarkaði

Klettur hækkar leiguverð um 12% (jan 2014, leigufélag á vegum ÍLS)

http://www.dv.is/frettir/2014/1/26/thetta-finnst-mer-ekki-edlileg-haekkun-TV27I2/

Leiguverð hækkað um helming (50%) frá árinu 2009 (Ásbrú)

http://www.dv.is/frettir/2013/8/17/leigja-mygladar-ibudir-og-haekka-verd-FB2O8Z/

Jan 2014 meðaltalið er hér.

http://www.mbl.is/frettir/innlent/2014/01/21/leiga_haekkadi_umfram_verdlagsbreytingar/

[Sleggjan og Hvellurinn, 15.7.2014 kl. 17:04]

Ég var að leigja út fyrir nokkrum mánuðum síðan.

Ég setti auglýsingu inn á bland.is og þessa helstu Facebookhópa.

Var að bjóða upp á sanngarnt verð í miðbæ 101 (sem er víst vinsælasta staðsetningin).

Ég fékk ekki 500 umsóknir. Ekki 100. Fyrirspurnir voru kannski um 15-20. Þeir sem höfðu áhuga voru svona 4-5 og valdi einn af þeim.

Þetta er mín persónulega saga. Ég verð að álykta að ástandið er ekki eins slæmt og "samtök leigjenda" halda fram.

kv

Sleggjan

[Guðmundur Ásgeirsson, 15.7.2014 kl. 17:17]

Kemur til greina að þau upplýsir á hvaða fermetraverði þú ert að leigja út þetta húsnæði í 101? Bara fyrir forvitnis sakir?

[Jóhann Már Sigurbjörnsson (IP-tala skráð) 15.7.2014 kl. 17:38]

Hér er dæmi um að nær 500 manns sækja um íbúðir : http://www.mbl.is/frettir/innlent/2013/09/30/naerri_500_sottu_um_20_ibudir/

[Sigurður (IP-tala skráð) 15.7.2014 kl. 21:29]

Þetta er nú ekkert flókið reikningsdæmi.

Ef það væri einhver gróði af því að byggja/kaupa fasteignir til útleigu, nú þá væri enginn skortur á leiguhúsnæði.

Flóknara er þetta ekkert, og þarf engar langlokur um það.

[Brynjar (IP-tala skráð) 16.7.2014 kl. 10:31]

Birgir.  Í þínu dæmi ert þú með lán sem á að greiða upp á 60 mánuðum eða 5 árum.  Er það ekki svolítið hart að láta leigjanda greiða fyrir 80% af íbúðinni á 5 árum.

[Hákon (IP-tala skráð) 16.7.2014 kl. 13:07]

Brynjar: Hann borgar af láninu í 40 ár, festir vexti í 5 ár. Annars fær hann ekki 80% lán á þessum kjörum hjá Landsbankanum, þeir lána mest 70% + viðbótarlán að 85% en það lán er á hærri vöxtum og til 15 ára.

Varðandi ummæli um að það þetta sé rugl lán miðað við hve mikið er greitt í heildina þá ætti sá að reikna dæmið til enda. Litlu sætu afborganirnar af verðtryggðu láninu með breytilegum vöxtum gætu breyst í skrímsli sem halda fyrir þér vöku þegar fram í sækir :) Það munar 2 milljónum í heildargreiðslu milli þessara kosta og fyrir þessar 2 milljónir yfir 40ár þá færðu vissuna að þú fáir engar verðbætur ofan á höfuðstólinn. Það er góður díll.

[Guðmundur Ásgeirsson, 23.7.2014 kl. 01:22]

Þessi umræða sýnir það svart á hvítu að hagsmunir leigjenda fara saman með hagsmunum þeirra sem hafa kosið að fjármagna húsnæðiskaup með lántöku.

Ástæða vandamála þeirra er sameiginleg:

Allt of hár fjármagnskostnaður! (Þ.e.a.s. verðtrygging og vextir.)

Það er til orð yfir leiguform þar sem maður greiðir allan áfallinn fjármagnskostnað jafnóðum. Það kallast kaupleiga og þá eignast maður líka þá eign sem er verið að kaupleigja að leigutíma loknum. Þannig eru til dæmis bílasamningar venjulega samansettir.

Leigjendur á Íslandi borga allan áfallinn fjármagnskostnað með því að flestir leigusamningar eru vísitölutengdir (verðtryggðir), sem þýðir að ef leigan er í upphafi ákvörðuð í samræmi við afborganir af undirliggjandi verðtryggðu jafngreiðsluláni mun leigan alltaf hækka í takt við afborganir af því.

Samt eignast leigjendur á Íslandi aldrei húsnæðið sem þeir kaupleigja. Reyndar ekki heldur þeir sem ákveða að fjármagna húsnæðiskaup með verðtryggðu lánsfé, vegna þess að verðtryggingin étur eignamyndunina.

Á hinum endanum á þessum straumi fjármagnskostnaðar eru þiggjendur fjármagnstekja, þ.e. lánveitendur. Sama hvort um leigu eða lántöku er að ræða, þá er alltaf lánveitandi á hinum endanum sem stýrir verðinu.

Lausnin er einföld: lækka fjármagnskostnaðinn.

Fyrsta skrefið á leiðinni þangað er einfalt: afnám verðtryggingar.

Útfærslan er ekkert vandamál: lagafrumvarpið liggur nú þegar frammi.

[Jóhann Már Sigurbjörnsson (IP-tala skráð) 21.7.2016 kl. 14:06]

Leigumiðlarar , miðla eingöngu 3% af markaðinum og því er þessi grein algjörlega ómarktæk, hjá Morgunblaðinu.