Jákvætt

Það er jákvætt fyrir Bretland sem heild að landsmenn eru að gera það gott.

Það er gott fyrir atvinnulífið að Grand theft auto er að ganga vel.

Það er gott fyrir tæknigeiran að Candy crush er einn vinsælasti leikur í heimi.

Það er gríðarlega hagstætt fyrir breta að þeir séu að nota nýja tækni til þess að ná í gas (fracking) sem lækkar orkureikning almennings gríðarlega.

Þó að einhverjir menn verða ríkir í leiðinni þá mun allur almenningur hagnast mun meira en ef þessir frumkvöðlar væru ekki til.

Væru Bretar betur staddir ef Candy crush og Grand theft auto hefði verið fundnir upp í Kína? Það mundi vera aukin jöfnuður í Bretlandi en lífskjör alla væri þá verri.

hvells

Þeir ríku ríkari en nokkru sinni fyrr

Athugasemdir

[Sleggjan og Hvellurinn, 19.5.2014 kl. 10:01]

Ja, bara fínsta mál. Gott hjá þeim.

kv

slegg

[Helgi (IP-tala skráð) 20.5.2014 kl. 04:23]

Sælir félagar.

Nú eruð þið félagar að misskilja alveg hrikalega. Oft eruð þið með ágætar færslur en stundum kemur tóm tjara frá ykkur.

Ójöfnuður leiðir fyrr eða síðar til margvíslegra vandamála. Í núverandi kerfi verða sumir ríkir á kostnað annarra og slíkt gengur ekki upp til lengdar.

Ójöfnuður er að aukast víða um heim og m.a. í USA og Evrópu. Ég hef ekki séð tölur frá Íslandi en reikna með að svipaða sögu sé að segja þaðan eins og víða annars staðar.

Spurningin er hvers vegna þeir ríku verða stöðugt ríkari? Það er ekkert náttúrulögmál og þeir sem skilja hvernig frjáls markaður virkar vita upp á hár hvað ég er að tala um.

Sennilegasta skýringin er opinber afskipti, þið sjáið t.d. að þessir lágu vextir í USA eru alger guðsgjöf fyrir fjármálaspekúlanta. Brotaforðakerfið er líka vandamál. Þar að auki má nefna þessar fáránlegu reglur (t.d. Dodd-Frank) sem hygla stóru bönkunum á kostnað þeirra minni. Samkeppni hefur s.s. minnkað og markaðurinn fær ekki að njóta sín og þar spilar pilsfaldakapítalismi stóra rullu. Það veikir t.a.m. bankakerfið að innan að bjarga illa reknum bönkum frá hruni, bara sumum bönkum var bjargað. Af hverju er hárgreiðslustofum og bifreiðaverkstæðum ekki líka bjargað?

Svo er það sú staðreynd að ójöfnuður hefur aukist frá 1971 sem þýðir auðvitað að kjör litla mannsins hafa ekki batnað eins og þau gætu hafa. Vitið þið hvers vegna ójöfnuður fór að aukast frá 1971? Það er mikilvægt að átta sig á rót vandans.

Efnahagslíf heimsins á eftir að taka á sig hressilegan skell :-(

[Sleggjan og Hvellurinn, 20.5.2014 kl. 10:13]

Frekar góður punktur hjá þér Helgi.

Lætur mann pæla aðeins meira og hugsa upp á nýtt jafnvel.

kv

slegg