Launahækkun

Kennarar eru að reyna að kasta ryk í augun almennings og kalla þetta "leiðréttingu" .... einsog húsnæðislána"leiðréttingin" fyrir ríka fólkið á þessu landi.

Fátæku verkamennirnir fengu 2,8% launahækkun fyrr á árinu.

Millistéttin vill núna 30% launahækkun.

Þessi krafa kennara er móðgun við fátæka á Íslandi.

hvells

Fjölmenni á samstöðufundi

Athugasemdir

[Margrét (IP-tala skráð) 15.5.2014 kl. 13:06]

Hvað finnst þér vera sanngjörn laun fyrir kennarastarfið? Þá er ég að tala um útborguð laun. Manneskju í fullu starfi? Að loknu 5 ára háskólanámi.

[Sleggjan og Hvellurinn, 15.5.2014 kl. 14:31]

Það eru margir sem eru búin með fimm ára háskólanám sem eru einfaldega atvinnulausir eða á lágmarsklaunum

hvells

[Margrét (IP-tala skráð) 15.5.2014 kl. 19:40]

Þannig að þú mælir með þvi að fólk fari í 5 ára háskólanám til þess að fara á þessi lágmarkslaun eða bara á atvinnuleysisbætur, fólk ætti bara ekkert að vera gera sér neinar grillur um að fá laun við hæfi vinnunar sem það vinnur, ekki reyna bæta launakjör sín þannig að þau séu í samræmi við álag, ábyrgð og þá menntun sem það hefur aflað sér. Fólk á bara að sætta sig við sitt og ekki vera með þessa frekju. 

Ég væri til í alvöru svar um hve há (eða lág) þú telur kennaralaunin ættu að vera?

[Sleggjan og Hvellurinn, 15.5.2014 kl. 20:49]

Framboð og eftirspurn á að ráða launum.

Afhverju eru hugbúnaðarverkfræðingar á hærri launum en mannfræðingar?

hvells

[Cinzia Fjóla Fiorini (IP-tala skráð) 15.5.2014 kl. 21:24]

Sæl verið þið

Nýjustu upplýsingar um framboð og eftirspurn í kennarastarfi eru að 20 nemendur útskrifast núna 2014 með meistaragráðu til að starfa sem grunnskólakennara en auglýstar eru 50 stöður í Reykjavik, álíkar margar í Hafnarfirði og í mörgum öðrum sveitafélögum líka.

Vertu málefnalegari!

B.kv.

Fjóla

[Sleggjan og Hvellurinn, 15.5.2014 kl. 22:23]

Opinberi geirinn borgar minna almennt.

Þið vissuð það áður en þið ákváðuð að fara í þetta blessaða kennaranám.

kv

slegg

[Sleggjan og Hvellurinn, 16.5.2014 kl. 08:40]

Rétt er það.

Þeir sem fara í kennarann vita fyrirfram hversu mikið það er borgað.

En á móti er þetta gefandi starf. Það er mikils virðir.

Peningar eru ekki allt.

hvells

[Margrét (IP-tala skráð) 16.5.2014 kl. 10:18]

Með sömu rökum mætti þá segja þeim sem fara í láglaunastörf að vera ekki að ætlast til þess að þau hækki nokkurn tíma. Fátækt fólk skal bara sætta sig við að vera fátækt og við skulum barasta ekki reyna breyta nokkrum sköpuðum hlut.

Því þarf það að kennarar fái bætt kjör að vera slæmt fyrir þá sem eru lægst launaðir? Framþróun er greinilega orð sem er ekki til í þinni orðabók, við skulum bara sitja í sama farinu fyrst þetta hefur verið svona svo lengi! Eða hvað?

Það að kennaralaun hafa verið of lág of lengi þýðir ekki að þau eigi að vera það um alla framtíð! Það er það sem felst í orðinu kjarabarátta!

Vissulega er kennarastarfið oft á tíðum gefandi en það er líka mjööög krefjandi, hefur þú einhvern tíma rætt við kennara um starfið þeirra? Hefur þú sjálfur/sjálf einhverja reynslu af þessu starfi?

 Það er alveg satt hjá þér að ef framboð og eftirspurn myndu ráða launum kennara þá myndu kennarar loks fá almennileg laun því það er nú þegar töluverð vöntun á kennurum og mun verða mun meiri í framtíðinni þar sem aðeins örfáar sálir eru orðnar svo vitlausar að fara í þetta nám, af nákvæmlega þeim ástæðum sem þú nefndir hér að ofan. Fólk veit að þetta eru lúsarlaun miðað við það nám sem þú leggur á þig, miðað við ábyrgð í starfi, miðað við álag o.s. frv. Þú gætir fengið mun auðveldari vinnu sem mun gefa meira af sér í vasann, meira að segja án þess að fara í nokkurt nám, til hvers þá að leggja þetta á sig, þó þú hefðir áhuga, þó þig langaði alveg rosalega til að verða kennari.

Það væri miklu eðlilegra að mismunandi starfstéttir styddu hverja aðra í kjarabaráttu sinni fremur en að agnúast út í hver aðra.

Annars ætla ég ekki að eyða fleiri orðum í þessa umræðu. 

Eigðu góðan dag!

[Sleggjan og Hvellurinn, 16.5.2014 kl. 13:20]

Auðvitað mega kennarar hækka í launum, vorum ekkert að segja það.

Fínt viðmið er 2,8% eins og ASÍ samdi um fyrir langflesta á vinnumarkaði, ekki eru þið eitthvað merkilegra en það?

kv

Slegg