http://thjod.is/

Mæli með að fólk skrifi undir

Þetta er raun undirskrift um lýðræðið í landinu.

Þetta er undirskrift um hvort þú vilt vera sviftur kosningarétt vegna hræðslu NEI sinna

Hlustaðu á sjálfan þig

Ekki hlusta á fólkið hér að neðan. Þeir vita ekki neitt.

hvells

Evrópumálin tekin fyrir í dag

Athugasemdir

[Helgi (IP-tala skráð) 10.3.2014 kl. 16:35]

Sæll.

Hvenær ætlar þú að koma með málefnaleg rök fyrir inngöngu okkar í ESB?

Skiptir spillingin þar þig engu máli (sbr. að endurskoðendur hafa neitað í næstum 20 ár að árita reikninga framkvæmdastjórnarinnar)? Skiptir það þig engu máli að við munum missa hluta okkar fullveldis? Skiptir það þig engu máli að við munum þurfa að borga með okkur innan ESB? Af hverju kennir þú krónunni um það hve lélega stjórnmálamenn við höfum (Annars hefur krónan verið að styrkjast gagnvart US$ undanfarið)?

[Sleggjan og Hvellurinn, 10.3.2014 kl. 17:09]

Fyrir mitt leytið er spillingin í ESB neikvætt. En það fer eftir þjóðum. Mikil spylling í Grikklandi en lítil á Norðuröldunum.

Svo er allt morandi í spillingamálum hér á landi. En ég met það þannig að ábatinn við ESB inngöngu er það mikil að örfá spillingarmál hér og þar er bara smámál.

ATVINNULÍFIÐ VILL ESB!!!  KLINGIR ÞAÐ EKKI NEINUM BJÖLLUM HELGI????

Í raun erum við búin að missa fullveldið með EES samningum. Og ég veit ekki betur en að skynsamlegustu lögin hér á landi hafa verið innleitt í gegnum EES samninginn. T.d á samkeppnis, hlutabréfa og fjármálamarkaði. 

Mér finnst gott mál að úhýsa fullveldinu þegar kemur að gjaldeyrismálum og viðskiptalífinu. Sameiginleg lög, reglur og gjaldmiðil þvert á þjóðríki steyrkir efnahgslífið að mínu mati.

Þó við borgum með okkur í ESB þá sparar aðild okkur svo miklu meira. Við borgum með okkur í EES samstarfinu. Eru það rök til þess að segja okkur úr EES. 

Við borgum kannski 1,5 milljarð með okkur á ári í ESB en við fáum 150milljarða til baka með því að taka upp evruna. 

http://www.mbl.is/vidskipti/frettir/2014/02/28/bera_150_milljarda_aukakostnad/

HVað kostar það okkur að halda útí þessum skuldsetta gjaldeyrisvarasjóði??

Mögulega er hægt að haga einvherskonar stöðugleika hér með krónuna... en sama hvað skynsamleg stjórvölin eru hérna þá verður krónan allt lítil, sveiflukennd hávaxtamynt. 

Við erum bara 330þúsund manna hagkerfi þó að við séum með stjarnfræðilegan gjaldeyrisvarasjóð miðað við fólksfjölda þá er alltaf til vogunarsjóðir sem geta skortsellt og fellt krónuna á einum degi... annað hefur nú gert. Spurðu bara Soros og hvað hann gerði með breska pundið.

 Já.. hefur krónan í höftum verið að styrkjast gagnvart dollaranum undanfarið????

á ég að klappa fyrir því núna eða á morgun?

Svo er ég ekki að sjá að við getum skorið upp landbúnaðarkerfið nema ganga í ESB... sérhagsmnunagæslan og afthruhaldssemin hér á landi er bara of mikil.

Í raun er stórfurðulegt að þú Helgi villt standa fyrir utan ESB.. þú hefur gott vit á efnahagsmálum og átt að vita betur.

hvells

[Helgi (IP-tala skráð) 12.3.2014 kl. 08:34]

Sæll.

Það er gott að þú ert loksins farinn að rökstyðja mál þitt. Allt þetta tal um buxur á hælum var farið að minna á erótíska sögu :-)

Ég er ekki að tala um spillingu innan einstakra ESB landa, ég er að tala um framkvæmdastjórnina.

Atvinnulífið hérlendis er ekki einsleit heild eins og þú átt að vita. Hluti vill án efa inn í ESB en hluti vill ekki þangað. Mér finnst allaf jafn gaman að hlusta á forstjóra CCP tala um krónuna og evruna og alltaf kemur það mér á óvart hvernig maður í hans stöðu getur verið svona illa að sér. Alvöru menn jarða hann á núll einni í umræðum um peningamál. Hann er án efa flinkur að reka fyrirtæki og þar ætti hann að halda sig en þegar hann byrjar að tala um peningastefnu veit ég ekki hvort ég á að hlæja eða gráta.

Heldur þú að engar landbúnaðarniðurgreiðslur séu innan ESB? Ef þú heldur það hefur þú heldur betur sóað þessum 5 árum sem þú talaðir fyrr um. Kannast þú ekki við að hafa heyrt um ofveiði innan ESB? Hver ætli sé ástæðan fyrir því? Miðstýring? Vanþekking? Óstjórn? Allt eru þetta góðir kandídatar.

Allt tal um að við græðum rosalega mikið á evrunni er í besta falli barnaskapur. Hvernig græða núna t.d. Spánverjar, Ítalir eða aðrar þjóðir á evrunni? Hvernig hefur evran og miðstýrð peningastefna komið út fyrir þessar þjóðir? Þú átt að vita svarið við þessari spurningu. Spánverjar voru lengi vel með neikvæða raunvexti! Sömuleiðis voru margir ósáttir við verðhækkanir innan ESB landanna þegar evran var tekin upp. Slíkt gæti vel gerst hér. Svo er evran hluti ástæðunnar fyrir atvinnuleysinu innan ESB. Hvers vegna heldur þú að við höfum rétt svona hratt úr kútnum (þó enn megi betur gera) eftir hrunið? Krónan orsakaði ekki hrunið heldur skrifast það á opinbera aðila.

Ég var alltaf á móti því að taka lán til að eiga gjaldeyrisvarasjóð en sú ákvörðun skrifast sennilega að mestu leyti á Sf. Dauðir hlutir taka ekki slæmar ákvarðanir í peningamálum :-)

Það er mjög eðlilegt að gengi gjaldmiðla hreyfist eitthvað til - slíkt er í raun nauðsynlegt. Annars þolir enginn gjaldmiðill lélega stjórnmálamenn, það sjáum við á krónunni, evrunni og dollaranum. Verð á olíu hefur lækkað mælt í gulli en hækkað mælt í dollurum.

Svo má ekki gleyma hinum svakalega kostnaði sem fylgir þessu reglufargani sem frá framkvæmdastjórninni kemur og torveldar verulega verðmætaframleiðslu.

Íhugaðu þessa sviðsmynd: Á hvaða tímabili sexfaldaðist breska efnahagslífið? Á hvaða tímabili stækkaði bandaríska efnahagslífið 41x? Á hvaða tímabili stækkaði efnahagur heimsins þrefalt? Þetta gerðist á sömu hundrað árunum. Af hverju stækkuðu efnahagskerfin í USA og UK mun meira en annars staðar á þessu tímabili? Hvaða tímibil var þetta? Hvaða aðstæður gerðu þessa miklu stækkun mögulega? Af hverju er hagfræðingar ekki að ræða þetta?

Hvaða aðstæður gerðu þessa miklu stækkun mögulega? Hvað þarf til að við hverfum frá þeirri stöðnun sem ríkt hefur undanfarið? Hvað þarf að gera svo efnahagslífið taki aftur við sér?

Menn eru alltaf að gelta upp við rangt tré.