Guðlaugur on point.

http://visir.is/section/MEDIA98&fileid=CLP24524

Einn vinnusamasti þingmaðurinn er með tillögu. Hætta að eyrnamerkja skatt.

Skattur er skattur. Málið dautt. Skattur tekur af fólki og setur í ríkissjóð. Svo er ríkissjóður sem útdeilir honum og stjórnmálamenn og stofnanir ráðstafa honum. Mjög einfalt.

 Það er oft reynt að fegra einhvern skatt því hann þjónar ákveðnum tilgangi. Eins og nefskatturinn á að fara til RUV. Bensínskatturinn fer í vegagerð. Allir vilja keyra góða vegi ekki satt. En í raun er þetta bara skattur sem fer í ríkissjóð og svo er honum útdeilt. Burtséð frá því að nefskattur fer hvort sem er ekkert í rekstur á RUV og bensínskatturinn fer ekkert allur í vegagerð.

 

Nýjasta dæmið er bankaskattur, hann á að fjármagna niðurfærsluna á verðtryggðum lánum heimilanna. Það er látið líta út að vondu þrotabúin og vondu bankarnir séu að splæsa í lækkunina. En í raun er þetta bara þetta venjulega, þetta er skattur sem fer í ríkissjóð. Svo er honum ráðstafað, og stjórnmálamenn ákveða að ráðstafa honum í niðurfærslu í staðinn fyrir að lækka skuldir ríkissjóðs sem dæmi.

kv

Sleggjan

Athugasemdir

[Sleggjan og Hvellurinn, 13.2.2014 kl. 19:39]

Sammála þessu.

Ég er yfirleitt sammála Guðlaugi.. .nema þegar kemur að ESB. Hann er með mjög fjarstæðukennda hugmynd um það samband.

En þessar markaðar tekjur voru góð leið fyrir vinstri stjórnina að hækka skatta og fjölga opinberum starfsmönnum án þess að hækka skatta. Dæmi er gjöld á fjármálafyrirtæki til að standa straum af umboðsmann skuldara og ofvaxið FME.

hvells

[Sleggjan og Hvellurinn, 13.2.2014 kl. 22:30]

Þetta hefur verið við lýði í áratugi, vinstri stjórnin hélt áfram fyrri stefnu, og svo nú hægri stjórnin  hélt áfram kúrsinum.

sl

[Guðmundur Ásgeirsson, 14.2.2014 kl. 11:41]

Ekki alltaf sammála ykkur, en þessu er ég sammála.

Hættum endilega að eyrnamerkja skatta tilteknum aðilum.

Hættum líka að leyfa útvistun skattheimtu til annara aðila en ríkisins. 

Best væri að byrja á því að afnema 12% launaskatt sem innheimtur er af gerspilltu lífeyrissjóðakerfi, og hækka þess í stað útborguð laun sem því nemur. Fólk gæti þá sjálft ákveðið hvernig það ráðstafar þessum hluta tekna sinna. Þeir sem það vilja gætu þá lagt þá inn í lífeyrissjóð, ef þeim tekst að finna slíkan sjóð sem er hægt að treysta til þess að tapa ekki peningunum.

Aðrir gætu ákveðið að fjárfesta þessa peninga sína í eigin sparnaði, og búið þannig til sinn eigin lífeyrissjóð, til dæmis með því að kaupa sér þak yfir höfuðið eins og einn bankastjórasnillingur hrunsbankanna gerði og þannig varð heimili hans óaðfararhæft um leið. Þessi viðbótarútborgun í hverjum mánuði gæti til að mynda nýst fólki að komast yfir vaxtakúfinn sem er hár framan af lánstíma langtímalána, og komist þannig hjá því að undirgangast ósjálfbærar skuldir. Með því að geta borgað hraðar inn á lánin en annars, yrði auðveldara fyrir fólk að ráða við að greiða þau niður og fá þannig jákvæða eignamyndun.

Endilega hættum að eyrnamerkja skatta og útvista innheimtu þeirra.

[Sleggjan og Hvellurinn, 14.2.2014 kl. 14:55]

Guðmundur, já svo sannarlega.

Og auðvitað skulum við hafa framlög til lífeyrissjóð frjálst, treystum einstaklingum til að fjárfesta þesssum 12% sjálf í stað lífeyrissjóðs

sl