Sleggjuhvellurinn

Fimmtudagur, 19. desember 2013

Topp fjórir listi Hvellsins

Jæja núna er komið að því að ráða nýjan útvarpsstjóra. Hér eru bestu kandídátarnir.

Pawel Bartoszek. Mjög greindur stærðfræðingur sem er mjög yfirvegaður og tæklar málefnin á skynsaman hátt. Hann er vel liðinn og er með lúmskan húmor. Ég held að hann mun standa sig vel sem útvarpsstjóri. Hann skrifar reglulega greinar í Fréttablaðið en ég veit ekki til að hann hafi meiri fjölmiðlareynslu. Það er hans helsti galli.

Ólafur Stephensen stjórnmálafræðingur. Hann er ritstjóri Fréttablaðsins og var áður ritstjóri Moggans og fyrir það "blaðinu" sem var skammlíft fríblað. Hann er reyndur fjölmiðlamaður og mjög áreiðanlegur. Góður samfélagsrýnir og hefur nef fyrir menningu og listum.

Þorsteinn Pálsson lögfræðingur. Hann skrifar reglulega pistla í Fréttablaðið og var áður ristjóri Fréttablaðsins þannig að hann hefur mikla reynslu af fjölmiðlun. Hann var lengi í stjórnmálum og getur því komið með áhugaverða vínkla inní umræðuna hjá RÚV. Hann hefur einnig mikla reynslu úr atvinnulífinu sem er mikilvægt þegar kemur að því að reka rúmlega þrjúhundruð manna vinnustað.

Benedikt Jóhannsson stærðfræðingur. Reynslumikill fjölmiðlamaður. Hann rekur Heimur útgáfu sem gefur m.a út Frjáls Verslun og Vísbendingu þar sem hann Benedikt er ritsjóri. Hann er bráðgreindur og yfirvegaður. Hefur sýnt góðan árangur í fjölmiðlarekstir og kann að búa til topp fjölmiðlaefni fyrir sem minnstan pening...eitthvað sem er mjög nauðsýnlegt nú á dögum.

Ég vona og hvet þessa ágætu menn til að sækja um.

hvells