Ótrúlegar tölur

upphæðin yfir 530 milljarða.... heildarupphæðin. Afskriftir til heimilana.

Þetta eru gríðarlegar tölur og líklega einsdæmi í heiminum.

Þeir sem ætla að halda áfram að kvarta....tóku einfaldlega of stórt lán. 

hvells

Skuldaúrræði upp á 400 milljarða

Athugasemdir

[Sleggjan og Hvellurinn, 3.12.2013 kl. 10:57]

Er stjórnmálamönnum sama um Hagstjórn?

Við berum okkur oft saman við Norðurlöndin. Þau kunna þetta. Ekki við Íslendingar.

Hvorki  hægri né vinstri menn.

kv

Sl

[Björn Bjarnason, 3.12.2013 kl. 12:01]

Ég held þú ættir að lesa þetta aftur.

Greiðslujöfnun og frysting eru ekki niðurfellingar, heldur frestun á greiðslu þar til síðar og bera vexti - þ.e. 40 milljarðar kr.

Endurútreikningur erlendra lána var vegna einkaaðila sem sóttu málin fyrir dómstólum, í óþökk stjórnmálamanna, þ.e. 186 milljarðar kr.

Sú aðgerð að heimila fólki að taka út séreignarlífeyri sinn, hefur leitt til eignaminnkunar hjá þeim sem það gerðu - en aukið skatttekjur ríkisins, þ.a. þarna þarf að tekjufæra  20 milljarða kr. hjá ríkissjóði og 15 milljarða kr. hjá sveitarfélögunum.

Vaxtabætur hafa verið greiddar frá árinu 1990, misháar eftir árum, en verið skertar verulega frá því sem var í upphafi.

Þá standa eftir 110% leiðin, sérstök vaxtaniðurgreiðsla samtals 59 milljarðar sem búið er að færa heimilunum og þessir 70 milljarðar sem áætlað er að færa þeim.   Og svo tapaðar skatttekjur af 80 milljörðum.

Þetta gera uþb 150 milljarðar, í kostnað fyrir ríki, lífeyirssjóði og fjármálastofnanir.  Það er drjúgur peningur, en víðsfjarri 530 milljörðum

[Guðmundur Ásgeirsson, 3.12.2013 kl. 16:34]

Það er ekki nema smá hluti af þessu sem eru eiginlegar niðurfærslur.

Leiðrétting á ólöglegu láni er til dæmis ekki eiginleg eftirgjöf lögvarinnar skuldar, heldur aðeins aðlögun bókhaldsstærða að raunveruleikanum.

Frysting eða greiðslujöfnun er ekki heldur eftirgjöf heldurseinkun á greiðslum.

Svo er það ekki heldur niðurfærsla þegar fólk notar sinn eiginn sparnað til að greiða niður skuldir, þó vissulega geti það verið hagkvæmur kostur fyrir það sem það á við svo langt sem það nær.

Raunveruleg eftirgjöf skulda er ekki nema brot af tölunni í fyrirsögninni.