Seðlabankastjórinn

Skemmtileg upprifjun

"Ég hélt fyrst að hann væri að grínast," segir Arnór Sighvatsson, aðalhagfræðingur Seðlabankans, í skýrslu rannsóknarnefndar Alþingis, um það þegar Davíð Oddsson seðlabankastjóri sagði honum frá því að ákveðið hefði verið að lækka stýrivexti úr 15,5 prósentum í 12 prósent.

Upplausnarástand var í Seðlabankanum fyrstu dagana í október 2008. Tilkynning um risalán frá Rússum sem enginn fótur var fyrir og misheppnuð tilraun til að festa gengi krónunnar skapaði ringulreið. Þrátt fyrir vinnureglur þar um höfðu bankastjórarnir sérfræðinga sína og næstráðendur lítt með í ráðum.

„Þetta var algjörlega stjórnlaust," segir Arnór sem kallaður var til Davíðs til að heyra um vaxtaákvörðunina. „Mér var tilkynnt sú ákvörðun fimm mínútum áður en hún fór á vefinn." Þegar Arnór áttaði sig á að Davíð væri ekki að grínast var honum öllum lokið. „[Ég] vissi ekki hvort ég átti að hlæja eða gráta," segir Arnór sem nú er aðstoðarbankastjóri Seðlabankans.

„Bankinn var bara hreint út sagt bara stjórnlaus," segir Þórarinn G. Pétursson, hagfræðingur hjá bankanum, sem kveðst hafa ritað í dagbók sína þann dag sem ákveðið var að festa gengið með einhverri tölu „út í bláinn" sama dag og sagt var frá Rússaláninu:

„Enn eitt ruglið." Þórarinn segir að Arnór hafi verið gjörsamlega niðurbrotinn. „Þetta var algerlega skelfilegt."-"

 

http://www.visir.is/helt-ad-david-vaeri-ad-grinast/article/2010627346175

Ýmis ummæli Davíðs

14. febrúar 2008

„Þá langar mig að spyrja þig. Hvernig líst þér á stöðu Huddersfield í bresku knattspyrnunni?“

Þegar Davíð var spurður um stöðu Vilhjálms Þ. Vilhjálmssonar í borginni.

16. maí 2008

„Það er nú oft þannig að að að ef þú hefur bolmagnið og þarft ekki að nota það. Þegar ég var fyrir 100 árum á böllum þá ef að útkastarinn var nógu sterklegur þá þorði enginn í hann. Ég held að það gildi sama lögmálið í þessu.“

Rökstuðningur Davíðs í viðtali við Sjónvarpið fyrir að ganga frá gjaldeyrisskiptasamningum við norræna Seðlabanka en nýta þá ekki.

3. júlí 2008

„Ég veit ekki hvaða spil hann er að spila.“

Svar við ummælum Vilhjálms Egilssonar, framkvæmdastjóra Samtaka atvinnulífsins, um að vaxtahækkanir væru búið spil.

3. júlí 2008

„Mér finnst að ég sé ennþá töluvert fyrirferðarmikill í hausnum á sumum og ég skil það ekki raunar. Ég hef reyndar áður sagt að það eru sumir menn sem hafa mig á heilanum. Og ég held að það sé voðalega óhollt. Ég gæti ekki hugsað mér að hafa mig á heilanum.“

Spurður á kynningarfundi um stýrivaxtaákvörðun um gagnrýni á hans störf og bankastjórnar Seðlabankans.

12. september 2008

„Ég hygg að þeir séu ekki með bindingu, ef ég man rétt, ég horfði nú á félaga mína svona til þess að vita í leiðinni hvort ég væri að fara skakkt með, það er sjálfsagt ef ég er kominn með snert af Alzheimer að þeir...“

Um það hvort gjaldeyrisskiptasamningar við norræna seðlabanka myndu renna út um áramót.

18. september 2008

„Ja, hún er 178 vísitalan í dag, það er akkúrat sentímetratalan á mér en ég held það sé nú ekki miðað við það.“

Spurður um hrun krónunnar og gengisvísitölu krónunnar í viðtali við Stöð 2.

7. október 2008

„A little overstated.“

Sem mætti þýða sem „helst í mikið lagt“. Þetta sagði Davíð í viðtali við Bloomberg-fréttaveituna þegar hann var spurður út í yfirlýsingar sínar um að Ísland fengi 4 milljarða evra lán frá Rússlandi.

7. október 2008

„To muddle through”

Sem mætti þýða „að troða marvaðann“. Útskýring hans fyrir fréttamanni Bloomberg um hvernig stjórnvöldum muni takast að leysa vanda bankanna. Það orðalag er notað þegar menn slysast til að ná árangri, ekki fyrir eigin verðleika heldur hagfelldar ytri aðstæður eða vegna þess að mótaðilinn missir móðinn eða áhugann af einhverjum sökum, það er að segja að viðkomandi nær árangri fyrir slysni eða glópalán.

8. október 2008

„Við erum að ákveða að við ætlum ekki að borga erlendar skuldir óreiðumanna.“

Fleyg orð Davíðs í Kastljóssviðtali um erfiða stöðu íslensku bankanna. Degi síðar féll Kaupþing.

28. október 2008

„Við höfum ekki sett okkur markmið eins og hástökkvarar.“

Svar Davíðs um hvort Seðlabankinn hefði sett sér sérstakt markmið um hvert eðlilegt gengi krónunnar eigi að vera.

28. október 2008

„Tíminn líður hratt á gervihnattaöld.“

Aðspurður hvort það hafi verið mistök að lækka stýrivextina 15. október og hvers vegna stefna bankans hefði breyst svo fljótt.

28. október 2008

„Það kom mér á óvart að það skyldi ekki vera hægt að hóa saman fleirum en þetta, það er sjálfsagt farið að grána og guggna hjá mér úr því fleiri mættu ekki.“

Um þau mótmæli sem hafa undanfarið geisað í samfélaginu vegna starfa hans í Seðlabankanum.

28. október 2008

„...en ég biðst afsökunar á því að hafa ekki mætt.“

Um mótmæli gegn störfum hans sem seðlabankastjóri.

28. október 2008

„Hefur þú velt því fyrir þér að hætta þínu starfi? Það gildir alveg sama um mig.“

Þannig svaraði Davíð blaðamanni sem spurði hann hvort hann hefði íhugað að hætta sem seðlabankastjóri í kjölfar mótmæla seinustu vikna.

28. október 2008

„Það sér nú ekki á svörtu.“

Þegar Davíð var spurður hvort hátt vaxtastig myndi leiða til þess að Ísland biði álitshnekki úti í heimi.

http://www.dv.is/brennidepill/2008/10/30/hlaturmildur-david/

 

 

hvells

 

Athugasemdir

[Helgi (IP-tala skráð) 22.10.2013 kl. 08:18]

Sæll.

Þetta er ferlega einhliða. Ég ætla ekki að verja Dabba en hann var þó talsmaður þess að láta bankana fara á hliðina sem síðan reyndist rétt. Spurðu bara Íra.

Var það ekki Arnór sem ákvað að taka veð í hlutabréfum bankanna frekar en húsnæðislánum þeirra? Báru Arnór og Þórarinn enga ábyrgð á vaxtastefnunni fyrir hrun?

Vandinn er ekki hverjir sitja í SÍ. Talað var um það um daginn að Már hefði komið í veg fyrir sölu Sjóvár til Heiðars Más. Ég veit ekki hvort það er satt en hann hélt því fram ef ég man rétt. Vandin er SÍ.

Til hvers að hafa seðlabanka? Í dag eru þeir að valda verulegum vandræðum. Hvernig veit einhver hvað fjármagn á að kosta?

[Sleggjan og Hvellurinn, 22.10.2013 kl. 09:08]

Seðlabankar eru óþarfir.

Það er undarlegt að heyra hagfræðinga tala sem eru á móti "price control" en eru fylgjandi "price control" á vinsælustu "vörunni" af öllum.... þ.e peningum.

hvells

[Sleggjan og Hvellurinn, 22.10.2013 kl. 09:50]

"láta bankanna fara á hliðina"------ verið að reyna að breyta sögunni?

Það var allt reynt til þess að bjarga bönkunum. Meira segja reynt að fá lífeyrissjóðina að koma heim með allt sitt erlendis og í bankasvartholið.

láta þá falla, það er bara vitleysa.

kv

sl

[Sleggjan og Hvellurinn, 22.10.2013 kl. 11:00]

þetta er rétt hjá sleggjunni

það var allt reynt áður

hvells

[Sleggjan og Hvellurinn, 22.10.2013 kl. 11:01]

áróðurinn er svo góður frá hádegismóum að maður sjálfur gleimir hinni réttri sögu.   úfff

hvells