Smá hagræðing

Í raun er hagræðing uppá 1,5% ekki mikið.

Sem dæmi hefur Landsbankinn farið í hagræðingu og nú þegar á fyrrihluta árs náð að hagræða um 7,9%.

1,5% er of lítið ef eitthvað er ef við skoðum hvað heilbrigðiskerfið kostar okkur nú þegar og svo þegar við skoðum skuldastöðu ríkisins. 

Ásamt því að ríkissjóður hefur verið rekinn á yfirdrátti núna í næstum sex ár.

Samkvæmt gamla góða húsmæðrabókhaldinu þá gengur það ekki til langstíma. 

hvells

Ekki undanþegin hagræðingu

Athugasemdir

[Sigurður (IP-tala skráð) 29.9.2013 kl. 21:09]

Það væri forvitnilegt að fara að fá einhverjar samanburðartölur úr heilbrigðiskerfinu.

t.d. hvað vorum við að setja mikinn pening í spítalann fyrir 10 árum á verðlagi dagsins í dag?

Hvað var margt starfsfólk á spítalanum 2003 og hvað er margt í dag?

Hver er launakostnaður í dag, m.v. almenna launaþróun frá 2003?

þá getum við séð hversu mikið er raunverulega búið að skera niður, en ekki fyrr.

[Sleggjan og Hvellurinn, 29.9.2013 kl. 21:52]

ég er viss um að framlög til heilbrigðiskerfisins hefur aukist mjög mikið seinustu 10-20ár ef við miðum við fast verðlag.

Alveg eins og allt opinbera báknið hefur bólgnað út með tilheyrandi kostnaði og hærri sköttum

hvells

[Sigurður (IP-tala skráð) 29.9.2013 kl. 23:35]

Ég fór og skoðaði þetta aðeins.

Hér er hægt að skoða fjárlögin fyrir hvert ár fyrir sig.

(flettiflipi neðarlega til vinstri til að velja ár).

http://hamar.stjr.is/

Rekstrarkostnaður LSH árið 2003 sýnist mér vera 25.359 miljónir.

Á fjárlögum 2013 er þessi tala 42.001 miljónir.

Á þessum tíma er um 80% verðbólga, þannig að spítalinn þyrfti 45.646 miljónir til að núvirða 2003.

Þarna munar um 8%.

Það er allur niðurskurðurinn.

Spítalinn er að fá 8% minni fjárveitingar í ár en árið 2003.

[Hábeinn (IP-tala skráð) 30.9.2013 kl. 02:01]

LSH árið 2003 er ekki sama stofnun og LSH árið 2013. Til dæmis þá hefur St. Jósefsspítali sameinast LSH og því ætti að bæta kostnaði við rekstur
St. Jósefsspítala 2003 við þessar 25.359 miljónir. Þannig að niðurskurðurinn er allavega þessi 8% og eitt stykki spítali. Auk þess sem dregið hefur verið úr þjónustu annarra stofnana, þeim jafnvel lokað, og verkefnin flutt til LSH. Skortur á heilbrigðisstarfsfólki á landsbyggðinni hefur til dæmis orðið til þess að minniháttar innlagnir sem 2003 var hægt að fá í heimabyggð eru nú sendar á LSH. Skurðstofum hefur verið lokað í sparnaðarskini og frekari lokanir eru fyrirhugaðar. t.d. í Vestmannaeyjum 1. október næstkomandi.

Prósentulegur niðurskurður framlaga getur sýnst lítill þegar ekki er tekið tillit til sprengingar í verkefnum á sama tíma.

[Sigurður (IP-tala skráð) 30.9.2013 kl. 08:32]

Hábeinn,

Eflaust rétt hjá þér, en hvernig stendur á því að í allri þessari umræðu hefur enn enginn séð ástæðu að sýna hver raunveruleg þróun hefur verið á spítalanum?

Afhverju eru engar tölur lagðar fram?

Hvers vegna hefur Björn Zoega aldrei lagt staðreyndir á borðið og sýnt svart á hvítu hvers vegna spítalinn er að hrynja?

[Elfar Aðalsteinn Ingvarsson (IP-tala skráð) 30.9.2013 kl. 11:59]

Munurinn á LSH 2003 og 2013 er að hann var alltaf keyrður nokkuð langt fram úr fjárlögum á hverju ári þangað til að Björn Zoega tók við honum og hefur rekið hann innan fjárheimilda síðan.

Einnig er það rangt hjá hvelli að framlög til heilbrigðismála hafi aukist á föstu verðlagi síðustu áratugi enda hefur ekki verið rætt um neitt annað en niðurskurði síðan um rúmlega 1990. Af þeim 13 árum sem ég hef verið hér við vinnu þá hefur verið niðurskurður 9 þeirra og 3 hafa staðið í stað miðað við verðbólgu.

Síðan ég byrjaði hér þá hefur verið samdráttur um rúmlega 1400 stöðugildi og spítalin fór úr því að vera með 1250 sjúkrarými niður í 600.

Heilsugæslan er mönnuð af læknum í hlutastörfum og búið er að skera nánast allt nema lágmarksþjónustu niður úti á landi.

Hvar er þennslan í bákninu?

[Sigurður (IP-tala skráð) 30.9.2013 kl. 12:35]

Elfar,

Afhverju þarf að fækka um 1400 stöðugildi og fækka sjúkrarýmum um helming með aðeins ca 10% niðurskurði?

Í hvað fer peningurinn?

[Elfar Aðalsteinn Ingvarsson (IP-tala skráð) 30.9.2013 kl. 12:48]

Málið er að þetta er ekki 10% niðurskurður, það er stór munur á því hvað fjárlög segja að LSH átti að nota og hvað LSH notaði í raunveruleikanum.

Hitt er að þessi 50% niðurskurður á rúmum var aðallega langtíma hjúkrunarrými sem er langtum ódýrari í rekstri en aðrar legudeildir.

[Sigurður (IP-tala skráð) 30.9.2013 kl. 13:05]

Fjárveitingar á fjárlögum voru 8% lægri í ár en fyrir 10 árum síðan.

Þó spítalinn hafi farið eitthvað fram úr þá kemst það ekki nálægt því að útskýra þennan gríðarlega niðurskurð á þjónustunni m.c. niðurskurðinn á fjárveitingunum.

Það eru bara ótal hinmar og höf þarna á milli.