Pólítíkusar skipta um skoðun

Á kaffistofunni þótti mönnum áhugavert að heyra þá gagnrýni, því Oddný Harðardóttir sem var fjármálaráðherra fyrir Samfylkinguna í fyrra, hafði þetta að segja um auðlegðarskattinn í viðtali við Viðskiptablaðið fyrir aðeins fáeinum mánuðum:

„Ég er ánægð með þessi þrjú tekjuskattsþrep. Það eru hins vegar ákveðin vandamál með auðlegðarskattinn. Hann er þó tímabundinn og ég mun leggja áherslu á að endurnýja hann ekki.“

Svo mörg voru þau orð.

Það er ljóður á pólitík þegar menn skipta um skoðun og stefnu eins og hentar en halda sig ekki við sannfæringu sína.

Fjármálaráðherra Samfylkingarinnar sagði þannig í fyrra að vandamál væru fólgin í auðlegðarskatti, hann sé tímabundinn og verði ekki endurnýjaður.

Svo þegar kemur ný ríkisstjórn og nýr fjármálaráðherra frá Sjálfstæðisflokki ákveður að láta lögin standa óbreytt og framlengja ekki umræddan skatt, fær hann á sig skammir frá Samfylkingunni sem ætlaði sjálf ekki að framlengja.

 

Fátt sem fer meira í taugarnar á mér að pólítíkusar skipta um skoðun eftir því hvort þau séu með völd eða ekki, þá ætti ég að vera pirraður á hverjum degi ekki satt? Jú, reyni samt að tjúna þetta niður :D

kv

Sleggjan

Athugasemdir

[Sleggjan og Hvellurinn, 12.9.2013 kl. 09:14]

áhugavert

tilgangurinn helgar meðalið

hvells