SA þarf að hífa upp um sig buxurnar

“Við bíðum eftir ríkinu”, segir framkvæmdastjóri Samtaka atvinnulífsins. Hann væntir þess, að ríkið lyfti töfrasprota og auki veltuna í þjóðlífinu. Gætu verið einkunnarorð Samtaka atvinnulífsins og pilsfalda-kapítalisma þeirra. Hér gerist nefnilega ekkert með frjálsu framtaki einstaklinganna eða öðrum boðorðum markaðsfræða. Atvinnulífið situr bara með hendur í skauti og bíður eftir að ráðherrar segi: “Sesam, opnist þú”. Leitun er að annarri eins ríkisdýrkun og sósíalisma og felst í þessu viðhorfi. Viðhorfi þeirra þreyttu manna, sem falið er að gæta hagsmuna þreyttra einokunar- og pilsfaldasinna.

 

kv

Sleggjan

Athugasemdir

[Sleggjan og Hvellurinn, 19.8.2013 kl. 15:05]

SA kemur með margt jákvætt að borðinu en þegar kemur að þessu love hate sambandi við stjórnvöld þá eru þau alveg útúr kú.

hvells

[Sleggjan og Hvellurinn, 19.8.2013 kl. 15:52]

Kjaraviðræður skulu vera milli vinnuveitenda og starsmanna (SA og ASÍ).

Ríkið skal ekki koma að málum.

kv

Sleggjan

[Sleggjan og Hvellurinn, 19.8.2013 kl. 21:05]

best væri að laun skulu ráðast milli starfsmanns og næsta yfirmanns.

meirihluti starfsmanna á hinum almenna markaði er með þetta þannig. þar færðu laun að verðleikum.

með kjarasamningum á milli sa og así þá fær skussinn og duglegi starfsmaðurinn sömu hækkanir. 

en svona er ástandið í dag... við höfum komið í okkur þessa stöðu að nokkrir háir herrar eru að víla og díla í "karphúsinu"

hvells

[Helgi (IP-tala skráð) 20.8.2013 kl. 17:01]

Sæll.

Oft eru færslurnar ykkar alveg prýðilegar en þið eruð svakalega mistækir.

Hvað á SA að gera annað en bíða eftir útspili ríkisins þegar ríkið er allt að kæfa í sköttum og reglum?

Ég gleymi aldrei fréttinni sem Kristján Má Unnarsson flutti fyrir ca. 1,5 árum um manngarminn atvinnulausa sem ætlaði að bjarga sér með leggja kaðla í sjó til að rækta krækling. Það var margra mánaða ferli og dæmi upp á hundruð þúsunda að koma því í verk einfaldlega vegna þess reglugerðarfrumskógs sem við búum við hér. Ekkert varð auðvitað úr því að þessi ágæti maður bjargaði sér með þessum hætti :-( Maður veit ekki hvort maður á að hlæja eða gráta þegar maður sér svona dellu. Svo er stór hópur opinberra starfsmanna á dúndrandi launum við að koma í veg fyrir svona verðmætasköpun. Er nema von að allt sé hér í steik?

Þau fyrirtæki sem eru starfandi þurfa að greiða alltof stóran hluta sinna tekna til ríkis og sveitarfélaga - fé sem þau nota þá augljóslega ekki til að ráða fleira fólk, hækka laun þeirra sem fyrir eru eða færa út kvíarnar. Það eru afskaplega fáir sem skilja skaðsemi skattheimtu hins opinbera. Er hún löglega? Ég er á því að hún standist ekki stjórnarskrá - þætti gaman að sjá réttlætinguna fyrir skattheimtu ríkis og sveitarfélaga.

Afleiðingar af miðlægum kjarasamningum eru slæmar, slíkir samningar búa til atvinnuleysi því gert er ráð fyrir að öll fyrirtæki geti greitt það sama þegar slíku er auðvitað ekki til að dreifa. Sumir fá þá meira en fyrirtækið ræður við en aðrir fá minna en fyrirtækið ræður við - burtséð frá því hversu góður viðkomandi starfsmaður er.