ábati meira en kostnaður

Hagræðingin borgar þennan kostað upp.

Það sjá allir sem hafa klárað hagfræði 101

http://www.nyrlandspitali.is/nyrlandspitali/upload/files/fjarhagslegur_avinningur_af_byggingu_nys_landspitala.pdf

http://www.nyrlandspitali.is/nyrlandspitali/upload/files/utreikningar/minnisblad_um_hagraedingu.pdf

 að ógleymdum ástæðum sem ekki er hægt að meta til fjárs einsog betri starfsaðstöðu og líðan starfólks og sjúklinga

Sparnaður 2.366 m.kr. á ári

hvells

Vigdís vill ekki „nýjan steypukubb“

Athugasemdir

[Sigurður (IP-tala skráð) 31.7.2013 kl. 12:39]

Það veit allt hugsandi fólk sem er komið yfir fermingaraldur að það er aldrei neitt að marka kostnaðaráætlanir við svona framkvæmdir hjá ríki og borg.

Þetta er gæluverkefni, sem auvðeldlega er hægt með góðum vilja að reikna upp í tugmiljarða hagnað á hverju ári með smá aðstoð ímyndunaraflsins.

Allir muna hvernig orkuveitan ætlaði að koma út í myljandi plús við að byggja höfuðstöðvarnar sínar, sem alla tíð síðan hefur verið botnlaus hít, og minnisvarði um sóun og sukk stjórnmálamanna í byggingaleik með almannafé.

Og læt ég þá eiga sig hversu galin þessi staðsetning er, ofan í miðborg rvk.

[Stefán (IP-tala skráð) 31.7.2013 kl. 12:48]

Þessar hagræðingarforspár eru einmitt þesslegar að hafa verið unnar með þekkingu úr hagfræði 101.

Stór hluti sparnaðarins er reiknaður með því að fækka megi vaktfólki og bráðamóttökufólki, í ljósi þess að deildir verði sameinaðar á einum stað.

Þetta hljómar svolítið ævintýralega í ljósi þess að álag á starfsfólk er mikið á þessum sviðum. Sameining bygginga fækkar ekki sjúklingum.

Ég tek það þó fram að ég er ekki ósammála sameiningu spítalanna, heldur miklu frekar ósammála því hálfkáki sem felst í að reyna að nýta gömlu húsin við Hringbraut. Það er borgarskipulagsleg umferðarkatastrófa í uppsiglingu. Fyrst að á að byggja nýjan spítala sparast miklu meiri peningur til langs tíma á því að gera það almennilega, á svæði sem er miðlægt, með gott aðgengi, og helst að byggja upp en ekki út. Háskólatengd staðsetning er tímaskekkja og ekki relevant.

[Jón Ingi Cæsarsson, 31.7.2013 kl. 12:58]

Ef engin skref verða stigin verður vandi Landsspítala viðvarandi um alla framtíð eða þangað til eitthvað gerist. Húsnæði er einfaldlega að verða ónýtt, svo ekki sé talað um óhagkvæmnina.

Að byggja hús eru smáaurar miðað við rekstur og kostnaðurinn við reksturinn mun bara aukast auk þess sem verulegur hluti húsakostsins er kominn á tíma og ætti að loka.

[Sleggjan og Hvellurinn, 31.7.2013 kl. 14:06]

Þið hafið ekki komið með neinar heimldir til að stiðja ykkar málflutning.

Færslan stendur eftir óhögguð.

hvells

[Helgi (IP-tala skráð) 31.7.2013 kl. 14:45]

Sæll.

Hvernig ættu að vera til peningar í nýjan spítala þegar ekki eru til peningar til að halda við tækjum og tólum á núverandi spítala? Geislafræðingar eru að labba út. Á að kaupa ný tæki eða færa gömlu tækin sem eru orðin þreytt og sjúskuð í nýja spítalann? Ég sé ekkert um það í heimildunum sem þú vísar í?!

Hvar ætlar þú að fá þessa 60-80 milljarða sem nýr spítali kostar? Þessa fjármuni þarf að fá að láni og borga af þeim vexti. Nú veit ég ekki hvaða kjör bjóðast ríkinu en ef við gefum okkur að borga þurfi 5% vexti og miðum við 70 milljarða yrði vaxtakostnaðurinn 3500 milljónir. Ef miðað er við 3,5% vexti yrði fjármagnskostnaður 2450 millur sem er meiri en meinti sparnaðurinn. Fjármagnskostnaðurinn einn er mun hærri en þessi meinti sparnaður. Hvað á þessi framkvæmd að taka langan tíma? Það skiptir máli, eftir hve langan tíma næst þessi meinti sparnaður?

Nýja húsnæðinu þarf að halda við og það kostar fé. Hvað á að gera við gamla húsnæðið?

Það er heldur ekkert víst að ríkið hafi efni á að manna nýja spítalann enda hefur það ekki efni á að greiða heilbrigðisstarfsmönnum laun sem sambærileg eru við t.d. Norðurlöndin. Hérlendis er læknaskortur þó ekki megi tala um það. Við vitum ekkert hvernig staðan á ríkissjóði verður eftir nokkur ár og í raun full ástæða til svartsýni á þeim vígstöðvunum.

Þessi Ingólfur getur fimbulfambað um sparnað en til að ná fram þessum meinta sparnaði þarf ríkið að finna tugi milljarða króna sem ekki eru til. Sennilega þýðir þetta erlent lán sem þýðir að greiða þyrfti erlendum banka fyrir að sjá um fjármögnun fyrir okkur.  

Stundum er sagt að dýrt sé að vera fátækur og hér virðist það eiga við - ef Ingólfur hefur rétt fyrir sér sem er ekki sjálfgefið. Í þessum plöggum sem þú vísar í er ekkert að finna um það hvernig menn fá út þessar tölur.

Þetta plagg nefnir hvergi hönnunarkostnað, fjármagnskostnað og fleira og mér finnst svolítið pínlegt fyrir hvells að falla fyrir þessu :-( Kannski vill Ingólfur stærri skrifstofu?

Oft hefur þú sýnt mun betri tilþrif í þínum færslum en þetta.

[Sleggjan og Hvellurinn, 31.7.2013 kl. 15:16]

Þeir sem sjá ekki hagræðinguna detta í gildur það sem Frederic Bastiat kallaði broken window faulesy and the unseen benefit

hvells

[Karl Birgis (IP-tala skráð) 31.7.2013 kl. 16:16]

. Síðast þegar ég vissi var heil hæð á Grensásdeild með 35 rúmum ónotuð vegna fjárskorts. Það er nóg pláss í kringum gamla Borgarspítalann til byggja það sem þarf í framtíðinni. Þarf ekki að kýla þessu skrímsla inní gamla bæinn.

Ganga og lyftu sjúkrahús í Pentagonbyggingum eru nú óðum að úreldast útum heim og sérhæfð sjúkrahús að koma í staðinn, með sameiginlega bráðamóttöku.

[Sleggjan og Hvellurinn, 31.7.2013 kl. 16:58]

Umræðan um þennan nýja spítala er löngu hætt að snúast um gæði þjónustunnar heldur um byggðarmál, flugvöllin í vatsmýrinni og skipulagsmál í 101rvk.

Mjög sorgleg örlög á góðu verkefni.

hvells

[Gunnrs (IP-tala skráð) 31.7.2013 kl. 17:22]

Þetta er hárrétt, það er óskaplega dýrt að dreifa starfseminni með litlum einingum. Sparnaðurinn felst í miklu betri nýtingu starfsfólks. Hafa eina myndgreiningardeild, eina rannsóknarstofu, vaktateymi, nýting á starfsfólki og tækjum, skurðstofum, starfsemin fer fram 365 daga ársins og 24 klukkustundir sólarhringsins. Litlar einingar, að keyra fólk á milli til rannsókna. Loftræsting, möguleikar á að einangra og koma í veg fyrir sjúkrahússýkingar allt hlutir sem kosta gríðarlega mikið. Síðan má ekki gleyma því að á næstu árum fara gríðarlega stórir árgangar fram yfir 60 tugt og það mun þýða nánast sprengingu á þörf á heilbrigðisþjónustu á krabbameinsaðgerðurm, lyfjameðferð, geislum, hjarta og æðaaðgerðum, liðskiptaaðgerðum ofl. ofl. ofl. Síðan er það kanski meginatriði að nýta starfskrafta heilbrigðisstarfsmanna sem best. Það að dreifa fólki um allt land og allan bæ í litlum einingum er gígantísk dýrt.

[Sleggjan og Hvellurinn, 1.8.2013 kl. 01:30]

Þó ég kunni töluvert í hagfræði, þá beiti ég einnig heilbrigðri skynsemi.

Eg las þessa linka sem þú póstaðir.

Ég sé ekki í fljótu bragði þennan mikla kostnað.

Svo voru þeir bara að pæla í sparnaðinum.

Hvað með byggingarkostnaðinum og þá auðvitað lántökukostnaðinum. Hvað ætli vaxtagreiðslurnar séu miklar á ári? 

sl

[Sleggjan og Hvellurinn, 1.8.2013 kl. 01:31]

fljótu bragði þennan mikla sparnað*