Atvinnuvegaráðuneytið

Það hafa verið siptar skoðanir um að hafa sjávarútvegs og landbúnaðar og iðnaðar í eitt atvinnuvegaráðuneyti.

Ég hef verið fylgjandi því vegna þess að það er óásættanlegt að tvær greinar hafa heilt ráðuneyti og ráðherra í fullri vinnu fyrir að starfa að sínum hagsmunum. ÓKEYPIS!!!

SI var sammála mér

"Sameining ráðuneyta sem sinna málefnum atvinnulífsins er fagnaðarefni og í samræmi við stefnu Samtaka iðnaðarins til margra ára. Ekki er þó sama hvernig er að verki staðið og þar skortir talsvert á af hálfu ríkisstjórnarinnar.

„Það er fagnaðarefni að loks skuli stjórnvöld ákveðin í að stokka upp stjórnarráðið og færa til nútímans“ segir Jón Steindór Valdimarsson, framkvæmdastjóri SI."

Þetta sögðu þeir í SI árið 2010.

 http://www.si.is/forsidufrettir/nr/8857

Árið 2011 var komið annar hljómur í þessu.  

"Formaður Samtaka iðnaðarins leggst gegn fyrirhugaðri sameiningu nokkurra ráðuneyta í eitt atvinnuvegaráðuneyti og segir það langt í frá leiðina til farsældar. Þvert á móti framlengi sameining kreppuna enn frekar. Er þessi skoðun á skjön við stefnu samtakanna fyrir bankahrunið þegar slík breyting þótti nauðsynleg.

Viðurkennir formaðurinn, Helgi Magnússon, í pistli í Morgunblaðinu að um stefnubreytingu sé að ræða og segir skynsemi ráða þar för. Ástæðan sé að með fækkun atvinnuvegaráðuneyta í eitt sé allri tekjuöflun steypt í eitt ráðuneyti meðan eyðsluráðuneytin standi þá uppi öflugri en ella.

Eftir athugun á þessum málum er niðurstaða mín sú að við eigum ekki að fækka ráðuneytum þeirra atvinnugreina sem afla tekna. Hverjir afla einkum tekna á Íslandi: Sjávarútvegur, landbúnaður, iðnaður, ferðaþjónusta, verslun og þjónusta. Eigum við að steypa tekjuöfluninni í eitt ráðuneyti en hafa eyðsluráðuneytin því öflugri? Við segjum nei við því."

http://eyjan.pressan.is/frettir/2011/01/04/samtok-idnadar-leggjast-gegn-sameiningu-i-eitt-atvinnuvegaraduneyti/

 

Ég skil bæði rökin. Hef ekki gert upp hug minn. Kannski er eitthvað til í þessu. Fínt að hafa sem flest tekjuráðuneyti en ekki eyðsluráðuneyti.

 

hvells 

Fáar breytingar hjá ráðuneytinu

Athugasemdir

[Austmann,félagasamtök, 27.5.2013 kl. 22:13]

Það skipti auðvitað Steingrím engu máli hvað margir atvinnuvegir voru undir hans ráðuneyti. Hann tróð þá alla niður í svaðið hvort eð er.

Ég fagna því hins vegar að iðnaðurinn, sem brýn þörf er á að styrkja og byggja upp næstum frá grunni eftir 70 ára efnahagsleg mistök stjórnvalda, hefur nú fengið sitt eigið ráðuneyti.

[Sleggjan og Hvellurinn, 27.5.2013 kl. 22:38]

Össur Skarphéðinsson var iðnaðarráðherra í hrunstjórninni þannig að þetta ráðuneyti er ekkert nýtt.

Við sjáum hvað setur.

Fínt að fá Helguvík í gang.

hvells

[Austmann,félagasamtök, 27.5.2013 kl. 23:19]

Nei, það sem ég meinti var að alveg frá stofnun lýðveldisins hefur iðnaður sem einn af aðalatvinnuvegunum alltaf verið látið sitja á hakanum, hvort sem um grunniðnað eða framleiðsluiðnað hefur verið um að ræða, NEMA þegar kom að fiskiðnaði eða verkun landbúnaðarvara. Ef stjórnvöld hefðu þegar á 6. áratugnum opnað fyrir erlendar fjárfestingar í iðnaði í stð þess að fæla þær frá, væri íslenzkur efnahagur mun sterkari en hann er í dag.

Og við vitum, að þingmenn VG hötuðu allan iðnað, svo að sl. fjórum árum var sóað.

[Austmann,félagasamtök, 27.5.2013 kl. 23:21]

Svo ekki sé talað um að þá væri atvinnuleysið nær núlli í staðinn fyrir að vera tveggja stafa tala eins og í dag.

[sleggjan (IP-tala skráð) 28.5.2013 kl. 15:52]

Ég er sammála ályktuninni frá 2010.

"Tekju og eyðsluráðuneyti" sýnist mér vera eitthvað orðagjálfur. 

kv