Sigmundur Davíð og menntunin

Helgi Jóhann Hauksson skrifar:

"Ég kemst ekki lengur hjá því að velta fyrir mér hvort Sigmundur Davið sé í raun líkur einum litríkasta og þrátt fyrir allt indælasta dreng sem ólst upp í hverfinu mínu þegar ég var strákur, honum Malla, Marínó heitnum Einarssyni. Ég vissi ekki til þess að neinum væri nema hlýtt til Malla. Og flest vissum við að raunveruleikabinding okkar flestra og hans voru af einhverjum allt öðrum toga.

Það blasir þó við sá munur á þeim að Malli var harla lítill námsmaður í skóla en sýndi samt einstaka aðlögunarhæfni að veruleikanum og mikla sköpunargáfu um rétt og rangt. Án allra prófa gerðist hann dönskukennari, útgerðarmarður, frægur skiptsstjóri ( þegar hann dvaldi á hótelum) , heilaskurðlæknir, viðskiptajöfur, hrossakaupmaður — og alltaf bjartsýnn og vildi öllum vel. Hann lék hlutverk ot vildi deila bæði gæðum annarra og visku sinni og hjartagæsku. Þó ég þekkti hann frá bernsku lét ég hann iðulega plata mig upp úr skónum — aldrei þó þannig að hann reyndi að hafa neitt af mér, hann þrufti bara að slá um sig og sýna mér fulla virðingu og gerði það með stórbrotnum leiksýningum sem svo einhverjir aðrir þurftu að greiða fyrir.
EN Malli var þegar orðin goðsögn í lifandi lífi — og augljóslega líka ólíkur SDG. EN ég get hreinlega ekki að því gert að kynni mín af honum koma sífellt upp í huga mér þegar ég hlýði á eða kynni mér orð og athafnir Sigmundar Davíðs — vonandi bara vegna þess að þeir eru ögn líkir í útliti.

---

Sigmundur Davíð er augljóslega heilmikið menntaður og örugglega meira en prófin hans segja til um.

Þegar maður leggst í netleit um Sigmund og prófgráður hans er strax ljóst að árið 2009 er gerð opinber athugasemd í Viðskiptablaðinu við að hann kalli sig ýmist „doktor“ eða skipulagsfræðing en engar staðfestingar séu um menntun umfram BS í viðskiptafræði með áskorun um að koma þessu á hreint og leyfa aðgang að gögnum. Sama gerir svo Fréttatíminn 2011 og nú DV 2013 — en alltaf án árangurs — leyfi er ekki veitt frá SDG fyrir aðgang að gögnum hjá Oxford um skólagöngu hans.
Það er þó klárt að samkvæmt vef HÍ útskrifaðist hann með BS-próf í viðskiptafræði þann 26. febrúar 2005 eða þremur árum eftir að hann hafði samkvæmt fjölmiðlum sagst hafa hafið doktorsnám sitt [ www.hi.is/adalvefur/brautskraning_26_februar_2005 ].
Einnig að sumarið 2004 fékk hann úthlutað styrk til meistaranáms í alþjóðasamksiptum og EVRÓPUFRÆÐUM við Oxford háskóla — en sem fræði eiga kkert skilt við skipulagsfærði og lítið við hagfræði [www.mbl.is/greinasafn/grein/814862/], svokallaðan Chevening-styrk breska utanríkisráðuneytisins til framhaldsnáms á háskólastigi í Bretlandi skólaárið 2004-2005 semhér var úthlutað í samráði við KB-banka.
Slíkt nám í Evrópufræðum getur hann ekki uppfært í doktorsritgerð um skipulagsfærði sem heyra undur allt annað svið — það er allt annað og alls óskilt efni.
Eins og Kolbeinn Stefánsson (Ólafssonar) lýsir þarf uppfærða ritgerðin að byggja á meistararitgerðinni að fullu og koma að fullu í hennar stað. SDG ætti því að vera sérfræðingur í Evrópumálum ef hann hefði nýtt sér þennan aðgang að Oxford og möguleikna til að uppfæra meistararitgerð í doktorsrannsókn.

Hinsvegar eru merkilegir aðrir hlutir að gerast á sama tíma. Sigmundir greinir frá því í Silfri Egils þann 13. janúar 2008 [http://youtu.be/qgzAELhTNqI] að hann hafi þá þegar unnið að sérstökum fræðsluþáttum um skipulagsmál fyrir Sjónvarpið í hart nær fimm ár og hafi í þeim tilgangi heimsótt yfir 50 borgir, og tekið þar upp efni, einnig að þættirnir verði vonandi sýndir seinna það ár (2008). Sjálfur hef ég misst af þeim en aðrir vonandi séð þá, enda 5 ára vinna að baki og ferðalög til meira en 50 borga — Fjölmiðlamenn ættu að vita flestra manna best að það er hægt að fræðast mikið af þáttagerð um efni sem vekur áhuga manns — allt eins og að skrifa ritgerð.

Samkvæmt ýmsum fréttum [http://www.mbl.is/greinasafn/grein/1170550/] byrjar SDG að kynna sig árið 2007 sem doktor í skipulagsfræðum, og árið 2008 sem doktor í skipulagshagfræði [http://timarit.is/view_page_init.jsp?issId=278252&pageId=3998002&lang=is&q=doktor+Sigmundur+Dav%ED%F0]

Svo er eins og hann fari á einhverjum tímapunkti að slá þessu saman, þessari þáttagerð sinni fyrir RÚV og svo rannsóknavinnu um skipulagsmál senn þáttagerðinni tilheyra með heimsóknum til yfir 50 borga, og svo doktors-rannsóknaverkefni um EVRÓPUMÁL sem hann fékk styrk til hefja sumarið 2004 en gat ekki hafið fyrr en eftir BS-gráðu sína 2005.

Eftir 5 ára undirbúningsvinnu við þáttagerðina árin 2007 og 2008 virðist hann samkvæmt fréttum taka að kynna sig sem doktor sem hafi unnið doktorsrannsókn í skipulagsmálum árin 2002-2007, þegar hann enn hafði ekki lokið grunngráðu og var í raun bara að gera sjónvarpsþætti um efnið og átti langt í land með að komast í doktorsnám (BS-próf 2005 og styrkurinn var til meistrnáms í Evrópufræðum)
[http://www.mbl.is/greinasafn/grein/1170550/].

Í ramamgrein í Mogganum haustið 2007 segir:
„» Sigmundur Davíð Gunnlaugsson er doktor í skipulagsfræðum. Hann starfaði um tíma sem fréttamaður á fréttastofu Sjónvarpsins.
» Sigmundur lærði viðskiptafræði við HÍ og nam svo í Moskvu þar sem hann skoðaði þróun efnahagsmála í Austur-Evrópu. Að því loknu stundaði hann stjórnmálafræðirannsóknir við Kaupmannahafnarháskóla með áherslu á opinbera stjórnsýslu. Árið 2002 hóf Sigmundur meistaranám í Oxfordháskóla á Bretlandi. Rannsóknir hans þar þróuðust yfir í doktorsverkefni um skipulagsmál.“ [http://www.mbl.is/greinasafn/grein/1170550/]

Á sama tíma og þáttagerðin stóð, en löngu áður en hann fékk námsaðgang að Oxford til framhaldsnáms og löngu áður en hann lauk BS-gráðunni við HÍ, og þá í allt örðu fagi en hann hlaut styrkinn fyrir, kveðst hann þarna hafa verið að vinna doktorsritgerð einmitt þessi sömu ár 2002-2007 árin sem hann vann að þáttagerðinni — en það er ekki fræðilega mögulegt.
Það er þvi ekki óvarlegt að velta því fyrir sér hvort hann taki að hætta að gera greinarmun á þessu tvennu og kalli rannsóknaverkefni sitt doktorsverkefni og heimildaöflun við þáttagerð sem blaðamaður utan við Oxford doktorsrannsókn. Þegar svo efnisöflun fyrir þáttagerðina ver lokið 2007 kallar hann sig doktor.

Eftir útskrift frá HÍ árið 2005 þar til hann var kominn virkur heim 2007-2008 kveðst hann í yfirlýsingu til að „hreinsa til“ hafa stundað nám í hálft ár við Moskvu, í tvö ár nám í Kaupmannahöfn og í fimm ár við Oxford, — eða alls 7.5 ár á 3ja ára tímabili.
[Sjá: http://sigmundurdavid.is/vegna-umfjollunar-fjolmiðla-um-menntun-mina/]
Við fljótlega leit í Goole er Sigmundur Davíð a.m.k. í fjórum fréttum kallaður doktor 2007 - 2008. Doktor í skipulagsmálum árið 2007 en doktor í skipulagshagfræði árið 2008, samkvæmt tveimur fréttum í Mbl 2007, frétt í ritinu Vikudagur 2007 og frétt í Fréttablaðinu 2008.
Fréttir um Doktor Sigmund Davíð:
http://www.mbl.is/greinasafn/grein/1170550/
http://www.mbl.is/greinasafn/grein/1170823/
http://vikudagur.is/vikudagur/adsendar-greinar/2007/10/26/enn-og-aftur-ad-skipulagsmalum
http://timarit.is/view_page_init.jsp?issId=278252&pageId=3998002&lang=is&q=doktor+Sigmundur+Dav%ED%F0

ATH!—Ég vildi gjarnan fá fleiri ábendingar um að SDG sé kallaður doktor í fjölmiðlum, á vefnum eða í upptökum fjölmiðla. Það virðist vera notað oft árin 2007-2008. Eftir ákúrur VIðskiptablaðsins 2009 er talað um doktorsnám þar sem einungis eigi eftir að finna tíma til að verja ritgerðina. Blaðamenn hafa hinsvegar vitnað um að SDG hafi kynnt sig fyrir þeim sem doktor á þessum tíma 2007-2008."

 

Mikið hefur verið ritað um menntun hans. En aldrei svona ítarleg samantekt. Finnst þetta eigi erindi við landsmenn. Næsti Forsætisráðherra líklega.

kv

Sleggjan

Athugasemdir

[Sleggjan og Hvellurinn, 20.5.2013 kl. 21:35]

Þetta er tímamótapistill.

Ég hef margoft haldið þessu fram og sagt að það er ekki heil brú þegar kemur að menntun SDG.

En hef fengið bágt fyrir.

hvells

[Ómar Bjarki Kristjánsson, 20.5.2013 kl. 22:27]

Þetta er sérstakt. Eg hef aldrei heyrt um að það þætti í lgi á Íslandi að menn kæmu hérna og slægju um sig með allskyns doktorsgráðum - sem þeir hefðu ekki.

Mér finnst framganga Sigmundar í þessu doktors eða prófmáli harla einkennileg.

Jú jú, má sjá spaugilegar hliðar á þessu - en maður spyr sig hvort íslenskir fjölmiðlamenn hafi ekki látið Sigmund plata sig á sínum tíma.

[Helgi (IP-tala skráð) 20.5.2013 kl. 22:30]

Sæll.

"Orður og titlar úrelt þing

eins og dæmin sanna

notast oft sem uppfylling

í eyður verðleikanna"

Ég veit um talsvert af mönnum sem eru með doktorspróf í hagfræði en vita hvorki upp né niður í sinni grein.

[sleggjan (IP-tala skráð) 20.5.2013 kl. 22:31]

Rjóminn á kökunni er þegar hann sagðist hafa ferðast til 50 borga og tekið upp sjónvarpsefni. Ekki bara menntunin sem hann bullaði um.

[Sleggjan og Hvellurinn, 20.5.2013 kl. 22:38]

Helgi

Ég ætla að leiðrétta einn misskilning.

Hef gert það oft áður en ég ætla að gera það núna aftur.

Það er tvennt ólíkt að vera lítið menntaður og það að ljúga um menntun sína.

hvells

[Ómar Bjarki Kristjánsson, 20.5.2013 kl. 22:38]

Þetta minnir líka á gæjann fyrir austan fjall sem laug því að hann væri danskur og var dönskukennari í mörg ár. Bara einhver alíslenskur maður úr bænum sem þóttist tala íslensku með dönskum hreim. það dugði.

Eða, þetta gæti líka minnt á Garðar Hólm.

Í rauninni er þetta alveg ótrúlegt. Staðreyndin er að hann sagði ekki rétt til um mentun sína. Og þá bregðast íslendingar við á dáldið sérkennilegan hátt eftir á þegar upp kemst. þeir stinga höfðinu í sandinn.

[Helgi (IP-tala skráð) 20.5.2013 kl. 22:48]

@5: Ekki það að ég nenni að verja Sigmund enda er hann sjálfsagt fullfær um það sjálfur en ég veit ekki betur en nokkrir fyrrum samnemendur hans að utan hafi vottað að hann hafi verið í námi með þeim.

Hvar er skandallinn?

[Ómar Bjarki Kristjánsson, 20.5.2013 kl. 22:58]

Þú getir lesið þessa sögu í upphafspistli. Hún er öll hin skrautlegasta. Sérstaklega verður hún skrauleg í því samhengi hvernig drengurinn bar sig svo að hér uppi.

Það skiptir engu máli í hvaða skóla hann var skráður - ef hann hefur ekki bréf og próf uppá það.

Það getur hver sem er gert tilraun með þetta. Ef þú sýnir próf í dag - það er bara hegið að þér. þ.e.a.s. ef þú ert ekki af réttum ættum, líklega. Þá gegnir öðru máli.

[Ómar Bjarki Kristjánsson, 20.5.2013 kl. 22:59]

Edit: ,, Ef þú sýnir ekki próf í dag - það er bara hegið að þér. þ.e.a.s. ef þú ert ekki af réttum ættum, líklega. Þá gegnir öðru máli."

[sleggjan (IP-tala skráð) 20.5.2013 kl. 23:35]

Sigmundur var í námi jafnvel.

En kláraði ekki.

kv

sl

[Ómar Bjarki Kristjánsson, 20.5.2013 kl. 23:46]

Hefur líklega skrópað - og ekki lesið heima.

[Theódór Norðkvist, 21.5.2013 kl. 02:53]

Þetta er með ólíkindum, það er ekki hægt að fá annað út úr þessu en að maðurinn sé að ljúga. Ekki er hægt að kenna vankunnáttu um, ég myndi vita ef ég væri doktor í einhverri fræðigrein. Nógu erfitt er að komast í gegnum bachelorinn.

[Jóhanna (IP-tala skráð) 21.5.2013 kl. 04:01]

Hún er söm við sig rótgróin íslensk illgirni og öfundsýki.

Ekki þekki ég Sigmund Davíð aldrei augum litið manninn, og ég hef ekkert upp á hann að klaga.

Helgi Jóhann Hauksson virðist geta sett sig í dómarasæti yfir Sigmund Davíð, og leitar óspart eftir "háskólagráðum".

Hvað kemur til Helgi Jóhann? Ert þú sjálfur með svona fáar gráður, eða er það bara illgirnin ein sem rekur þig áfram með þín skrif? Maðurinn var löglega kosinn inn á alþingi íslendinga. Má hann ekki sýna einhver tilþrif í illu eða góðu áður en hnýtt er í hann. Hann er ekki orðinn ráðherra ennþá.

Ég er sannfærð um að hann verður betri ráðherra einn og sér en allir þeir til samans sem hafa setið í ráðherrastólunum síðastliðin 4 ár. Helgi Jóhann, Þú skalt bara drífa þig í endurmenntun og næla þér í nokkrar "háskólagráður"!!!!.

Mér skilst að það sé mjög létt að ná í þær í Svíþjóð t.d.

Kveðja.

[Jóhanna (IP-tala skráð) 21.5.2013 kl. 04:07]

Helgi Jóhann!

Svona að endingu, vonandi hefur þú sjálfur enga beinagrind í skápnum. Krissi bróðir sagði: "Sá yðar sem syndlaus er kasti fyrsta steininum". Kveðja.

[sleggjan (IP-tala skráð) 21.5.2013 kl. 06:11]

Snýst ekki um að safna háskólagráðum.

Snýst um að Sigmundur hefur líklega verið að ljúga. Sem er slæmt.

kv

[Sigurður (IP-tala skráð) 21.5.2013 kl. 08:06]

Að fólk skuli nenna þessu, aftur og aftur...

Það eru meðmæli með Sigmundi.

[Jóhanna (IP-tala skráð) 21.5.2013 kl. 08:47]

Sleggjan!

Það er einmitt það sem ég er vitna í.

Sá yðar sem syndlaus er kasti fyrsta steininum!!!!

Kveðja.

[Sleggjan og Hvellurinn, 21.5.2013 kl. 08:54]

Það er annað með að kall útí bæ sé að ljúga um doktorsgráður en við erum að tala um tilvonandi forsætisráðherra Íslands.

Ekki beint traustvekjandi.

Ef hann hefur það í sér að ljúga að þjóð sinni um smáræðis hluti einsog menntun..... þá ber hann ekki mikla virðingu fyrir okkur.

hvells

[Jóhanna (IP-tala skráð) 21.5.2013 kl. 17:26]

Gaman væri að fá nafn bara á t.d. einum þingmanni/konu sem ekki hefur skrökvað á alþingi og utan alþingis...

Bara einn þingmann/konu.... Sem alltaf hefur sannleikann, svo ég tali nú ekki um ráðherra... Guð blessi Ísland....

[Sleggjan og Hvellurinn, 21.5.2013 kl. 18:05]

Er allt í lagi að ljúga að þjóð sinni vegna þess að allir aðrir gera það?

hvells

[Kalli Anka (IP-tala skráð) 21.5.2013 kl. 19:12]

Hann laug engu. Það er algengt fyrirkomulag á Englandi að menn sleppi master, ef ritgerðin er álitin nógu góð til að vera stökkpallur í doktorsritgerð. Þetta er sérstaklega algengt í gömlu, fínu háskólunum. Svoleiðis gráða þykir fínni og betri en master + doktor, þýðir að þú hefur náð mjög miklum tökum á viðfangsefninu, helgað þig því í að meðaltali áratug, því það tekur mjög langan tíma að taka doktor hjá þessum skólum. Þetta er aftur á móti erfitt og langdregið og leiðinlegt að útskíra trekk í trekk fyrir sveitamönnum á Íslandi sem þekkja ekki menntakerfi fínni skóla út í heimi. Það hefði verið illa séð ef hann tyggði ofan í menn þennan menningarmun aftur og aftur og aftur og aftur. Svo leiðinlegur maður, blaðrandi endalaust um hárfín nördaleg smáatriði, myndi aldrei hafa orðið forsætisráðherra.

[Kalli Anka (IP-tala skráð) 21.5.2013 kl. 19:14]

Á Englandi er maður með menntun Sigmundar alls ekki álitinn "minna menntaður" en maður sem hefur bara master. Þveröfugt, og sérstaklega ef hann menntaðist í Oxford. Atvinnumöguleikar hans osfrv eru mun meiri og betri þar heldur en manns með master frá HÍ. Prófgráður eru ekki allt nema í augum fávita, og á Englandi er menntasamfélagið gamalgróið og enginn plebbaleg dýrkun á pappírum í gangi eins og meðal fáfróðari samfélaga.

[Sleggjan og Hvellurinn, 21.5.2013 kl. 20:34]

Ertað segja að BS ritgerðin hans Sigmund í viðskiptafræði sem hann kláraði á fimm árum í háskóla íslands var það góð að hann fór beint í doktarsnám í oxford?

Þetta hlítur að hafa verið tímamóta BS ritgerð.

Það er stórmerkilegt að þessi ritgerð er ekki vistuð á skemman.is víst að hún er svona svakaleg.

hvells

[Sleggjan og Hvellurinn, 21.5.2013 kl. 20:36]

En ég get bætt því við Kalli að þú hefur ekki lagt neitt til í þessa umræðu nema með einhverja kverúlanta skoðanir sem skipta í raun engu máli og þú hefur ekkert vit á nema svona "allment séð" sem er ekkert nýtt.

Eina sem ég les útur þessu hjá þér er að þú ert að kalla mann og annan hálvita og vitleysinga sem er ekki þínum málstað til framfæra.

hvells

[Elfar Aðalsteinn Ingvarsson (IP-tala skráð) 21.5.2013 kl. 21:08]

Mér finnst reyndar best hjá honum Kalla að segja í einni setningu að prófgráður frá Oxford séu mun betri pappír en það sem kemur frá HÍ og muni bæta lífs horfur þínar til muna og síðan strax í næstu setningu segja að prófgráður skipta ekki neinu máli nema fyrir fávita. Gerir sér kannski ekki grein fyrir því hversu mikið þetta stangast á við hvort annað greyið.

Hinsvegar er rétt hjá honum að í Bretlandi þá getur maður farið beint úr b(x) námi í phd nám. Phd nám er venjulega sett upp sem 3 ára nám þar sem fyrsta árið fer í mat á því hvort það sem þú hefur hugsað þér að rannsaka sé þess virði að rannsaka og hvort þú telst líklegur til að klára allt námið. Við endan á ári 1. færðu annaðhvort meistaragráðu eða "certificate of postgraduate study" og ákvörðun skólans um hvort þú færð að halda áfram í phd nám.

[Kalli Anka (IP-tala skráð) 21.5.2013 kl. 21:19]

Sorrý ef þetta hljómar eins og árásir á þig...ekki meint þannig. En nei, Sigmundur lauk ígildi mastersprófs FRÁ OXFORD, en þar hefurðu tvo möguleika í stöðunni. Þú getur fengið masterinn og farið svo í doktor, ef þú sættir þig við að byrja á nýju ritgerð og nýju efni. En ef ritgerðin er dæmd betri en almenn mastersritgerð, þá færðu í stað þess, ef þú svo kýst, að SLEPPA master og halda beint áfram í doktor, og bæta við þessa sömu ritgerð.

 Bjó í Bretlandi í 10 ár og þekki marga sem voru í Oxford. Þetta er allt annað menntakerfi.

 Það má setja margt út á Sigmund en það er ekkert athugavert við menntun hans. Menntakerfið í Bretlandi, sérlega gömlu skólunum, er allt öðruvísi en hér, og leiðinlegt og nördalegt fyrir aumingja manninn að þurfa sífellt að útskíra það.

[Kalli Anka (IP-tala skráð) 21.5.2013 kl. 21:21]

ígildi masterspróf meint þannig að hann lauk sem jafngildir master. Fékk enga gráðu eða diplóma út á það. Það er viss upphefð að MEGA sleppa masternum eftir jafngildi mastersnáms. Þýðir ritgerðin þykir hæf til að megi þróa hana upp í boðlega doktorsritgerð. Ef þú velur það saltar þú hana og geymir og vinnur í henni og rannsóknunum tengdum henni nokkur ár í viðbót. Nákvæmlega sami bakgrunnur og margir helstu fræðimenn Bretlands hafa. Og þetta er besti skóli heims.

[Kalli Anka (IP-tala skráð) 21.5.2013 kl. 21:36]

Dálítið villandi umræða hjá mér. "Helgað þig meira en áratug" meina ég ekki í skólanum sjálfum. Heldur að nemendur sem fá inngöngu í Oxford eru ekki venjulegir nemendur. Þeir hafa yfirleitt byrjað að rannsaka sitt aðaláhugamál löngu fyrr, og þú færð ekki inngöngu nema hafa annað hvort brennandi ástríðu fyrir einhverju eða sérhæfileika á einhverju sviði, í bland við leiftrandi greind að sjálfsögðu hvort sem við á. Það vappar enginn lítill gaur sem lærði allt svo vel utanbókar í menntó inn í Oxford, þó hann væri með 10 í öllu. Þeir dæma fólk eftir mun hærri standard en svo. Yfirleitt hefur þetta unga fólk þegar rannsóknir á bakinu eða sérstaka innsýn, og það þó þau séu bara að fara í BA nám. Þess konar nemandi sem Sigmundur var kallast í sumum deildum Oxford "Probationary Research Student". Það er alls ekki ætlast til þeir taki endilega master, og þá verða þeir að yfirgefa sitt fyrra viðfangsefni, mega ekki stækka það og dýka, heldur verða að taka upp annað og óskylt og kasta hinu frá sér. Sem getur verið sárt ef menn hafa komist langt í rannsóknum sínum og ekki allir vilja það og velja því að fá samþykkið að fara beint í doktorinn.

[Kalli Anka (IP-tala skráð) 21.5.2013 kl. 21:45]

Elfar, þú ert á villigötum með þetta. Innviðir Oxford eru mun flóknari en þetta og fleiri möguleikar í boði. Svo er þetta mjög misjafnt eftir deildum, sumar deildir bjóða engan valkost nema taka masterinn, í öðrum er ekkert óalgengt að sleppa honum. Og ég sagði ekki að "prófgráða" frá Oxford sé betri, ef svo er voru það mistök. Það þykir betra á Englandi að hafa einhvern tíman lært í Oxford, jafnvel bara fengið inngöngu þar, en að vera með doktor úr 99% hinna skólanna. Það segir meira um þig sem einstakling. Kröfurnar á inntökuprófunum eru svo rosalegar. Og Bretar líta ekki eins mikið á prófgráður og flestar Evrópuþjóðir. Þeir skoða heildarmyndina og þú getur auðveldlega fengið starf þar sem þú hefur ekki formlega menntun til. Eins geturðu haft doktor í einhverju fagi en samt ekki talist hæfur til að fá starf við það. Til dæmis gætirðu lært alþjóðastjórnmál en ekki einu sinni kunnað eitt einasta annað tungmál sem jafngildir móðurmálsfærni. Slík manneskja kæmist auðveldlega til æðstu metorða á Íslandi, og yrði jafnvel utanríkisráðherra án þess að kunna ensku, eins og nýleg dæmi sanna, og það án menntunarinnar líka. Í Bretlandi fengi hún aldrei vinnu á sviði alþjóðasamskipta. Þar nota menn heilbrigða skynsemi og góða dómgreind við ráðningar starfsmanna, frekar en blinda trú á pappíra.

[Kalli Anka (IP-tala skráð) 21.5.2013 kl. 21:48]

Eða með öðrum orðum, lítill kall eins og Össi Skarp, afþví hann kann illa ensku og er ekki slarkfær í nokkru öðru máli, hefði aldrei fengið vinnu svo mikið sem á skrifstofu sendiráðs Bretlands. Hann hefði mátt skúra þar, ef hann hefði góð meðmæli um að mæta vel í vinnu, stundvísi og hreint sakarvottorð, og talsverða reynslu af svipuðu starfi, því utanríkisþjónustan tekur engar áhættur...Lengra hefði það ekki náð hjá Össuri. Það vinnur enginn í bresku sendiráði sem talar ekki sæmilega vel 2-3 tungumál önnur en FULLKOMNA ensku. Við gætum lært margt af Bretum. Flugfreyjur fá heldur ekki að verða forsætisráðherrar þar. Þjóðin er of skynsöm til að taka það í mál.

[Elfar Aðalsteinn Ingvarsson (IP-tala skráð) 21.5.2013 kl. 22:09]

Ég talaði bara frá reynslu minni úr Tövunarfræði í Bretlandi.

Ég er ekkert á því að Sigmundur eða aðrir eru betri eða verri fyrir það að hafa einhverja prófgráðu þar sem hæfileikarnir sem þarf til þess að standa sig í academíu eru ekki þeir sömu og þarf til að standa sig í flestum störfum.

Hinsvegar er ég bara pirraður yfir því að hann hafi verið staðin að ósannindum á þennan hátt þar sem hann ætti að vita að fréttamenn geta staðfest þetta á engum tíma. Þetta ber með sér ákveðið virðingarleysi að telja að engin muni gera nokkuð annað en að gleypa við þessu.

[Kalli Anka (IP-tala skráð) 21.5.2013 kl. 22:41]

Já, reynsla þín í tölvunarfræði segir lítið um innviði annarra deilda og innviðir Oxford eru talsvert ólíkir innviðum annarra skóla. Ef þú hefur einhvers konar reynslu eða þekkir einhvern sem hefur einhvers konar reynslu af fjölmiðlum þá veistu að þeir eru í og með skemmtiefni og vilja ekki þreyta fólk með stagli og jargon. Sama gildir um þá sem kynna menn á ráðstefnum og svo framvegis. Þannig að ef fjölmiðill eða ráðstefnukynnir kynnir Sigmund sem "doktor" þó hann hafi bara verið doktorsnemi, þá er það ekki honum að kenna. Ef hann síðan eyddi alltaf 10 mínútum í að útskíra "Sko, nei, þetta er misskilningur, í Oxford er annað kerfi, sko tæknilega séð er ég ekki með gráðu afþví ég var á svokölluðu "probation" og svokallaður "rannsóknarnemi" ..." eða hvernig hann vildi útskíra það...þá myndi einfaldlega enginn fjölmiðill nenna að tala við þannig mann meir, og honum yrði ekki boðið aftur að tala á ráðstefnunni. Leiðinlegt fólk endist ekki í neinu og fær engin tækifæri utan rykfallinna kontóra.

[Kalli Anka (IP-tala skráð) 21.5.2013 kl. 22:47]

Í fjölmiðlum, og á annan hátt, ráðstefnum, öllu sem á að fara fram án þess áhorfendur sofni gildir reglan "stutt, catchy og hnitmiðað". Flækjur, málalengingar og of nákvæmar útskíringar eru aldrei og hvergi velkomnar. Ef útlendingur spyr þig hvaðan þú sérst segirðu "from Iceland". Þegar hann segir þér þreytta víkingabrandara hlærðu bara góðlátlega og reynir að eyða efninu. Ef þú ferð út í "Well, technically we weren't really vikings. You see most of us..." án þess að neinn hafi spurt þig. Þá er þér aldrei boðið aftur í veisluna. Ekki heldur ef þú byrjar á ræðu eins og "Well, I am from town X really, it's in the sýsla of Y and we are quite different from Icelander in the sense that we don't like Z". Sigmundur hefur haft vit á að standa ekki í óþarfa kjaftablaðri. Íslenskur almenningur hefur jafn mikinn áhuga á innviðum Oxfords of frímerkjasöfnun. Ég myndi ekkert um þá vita hefði ég ekki búið í Bretlandi. Og jafn mikinn áhuga á þeim mun á þeirra og okkar menntakerfi sem er til staðar eins og þú á hvernig samgöngukerfi Azerbaijan er frábrugðið Reykjavíkur og hvernig það hefur þróast undanfarin 10 ár, nema þú sérst skipulagsmálafræðingur eins og hann Sigmundur það er að segja. Maður sem er fjölmiðlavænn þreytir ekki aðra með sífelldum leiðréttingum og nákvæmi. Og maður sem er ekki fjölmiðlavænn getur, því miður, aldrei orðið forsætisráðherra. Til að það væri mögulegt þyrfti samfélagið algjörlega að breyta um gildismat. Það væri gerlegt, en þannig er staðan ekki í dag og verður ekki næstu 10 árin.

[Kalli Anka (IP-tala skráð) 21.5.2013 kl. 22:54]

Annar vinkill að pæla í. Ef þú byrjar á ræðunni um nákvæmlega hvaða sýslu þú ert frá og samgöngumálum þar, eftir að hafa leiðrétt þetta með víkingana í ýtrustu smáatriðum í samtalinu við útlendinginn sem ég tók sem dæmi, þá gerist eftirfarandi hlutur. Veslings gestgjafi þinn, nema hann sé sagnfræðingur með sérlega ákafan og nördalegan áhuga á norrænni goðafræði, eða alvarlega einhverfur maður með áhuga á skiptingu landssvæða í sýslur almennt, mun einfaldlega hrista þetta allt af sér, afþví mannskepnan er mikið letidýr og nennir ekki flækjum og kynna þig fyrir næsta gesti sem "This is my friend from Iceland. He is a real viking". Það þýðir ekkert fyrir þig að leiðrétta þetta með nokkru móti. Og sama með Sigmund. Hann hefur eflaust reynt, aftur og aftur, en gefist upp. Því það var ekki fyrr en einhverjum datt í hug hægt væri að bregða fyrir hann fæti með menntun hans sem nokkur maður fékk áhuga á prófmálum hans í Oxford. "Ja, sko ég er svokallaður rannsóknardoktorsnemi, til þess þarf ekki master ef maður...blah blah blah". Blaðamaðurinn sér fyrir sér ócatchy og leiðinlega grein sem verður honum til trafala í starfi. Kynnirinn nennir ekki að skilja þetta. Menn kinka kolli og brosa og segja svo bara "Yes, he is...well, a doctor". Eftir nokkur ár verður þetta orðið jafn þreytandi og þetta með víkingana eða hvort Ísland sé grænt en Grænland ís. Þú kinnkar bara kolli eða grefur þér félagslega gröf. Sigmundur valdi að vera ekki óþolandi nördið.

[Elfar Aðalsteinn Ingvarsson (IP-tala skráð) 21.5.2013 kl. 22:57]

Er "Sorry, I'm not a Doctor" of langt á þessum ráðstefnum?

[Theódór Norðkvist, 22.5.2013 kl. 00:13]

Það er eins og sumir haldi að því meira sem þeir skrifi, því meira innihald verði í skrifum þeirra. Af rúmlega 10 langlokum frá Kalla Anka (Önku?) sýnist mér því vera þveröfugt farið. Ég hætti að lesa eftir 4. innlegg, sá að maðurinn hefði ekkert að segja sem skiptir máli.

1000 blaðsíður af yfirklóri og útúrsnúningum geta ekki breitt yfir það að verðandi forsætisráðherra landsins laug til um menntun sína. Hvað eftir annað er hann titlaður doktor í skipulagsfræðum (kannski hagfræði í sumum, man það ekki - þetta atriði virðist sveiflast eftir vindáttinni, líkt og stefna Framsóknarflokksins í flestum málum.)

Sigmundur Davíð reynir að klóra yfir afglöp sín með því að segja að oft sé rétt að finna gott heiti yfir menntun.

HALLÓ!!! Annaðhvort er maðurinn fífl eða heldur að fólk sé fífl. Miðað við fylgi Framsóknar finnst mér síðarnefndi kosturinn líklegri og að hann hafi hreinlega rétt fyrir sér hvað stóran hluta þjóðarinnar varðar.

Ég þurfti ekki nema fimm mínútna Google leit til að komast að því að enginn getur kallað sig doktor nema hafa lokið doktorsritgerð. Maður sem hefur lokið BS-námi og byrjaður á mastersnámi á að vita þetta. Tala ekki um þegar hann er langt kominn í doktorsnámi.

Hér skiptir engu máli hvað þú ert klár, hvort þú hafir greindarvísitölu upp á 170 og hafir rúllað upp erfiðu háskólanámi. Sá sem hefur ekki varið doktorsritgerð er ekki doktor. Case closed.

[Theódór Norðkvist, 22.5.2013 kl. 00:44]

...oft sér erfitt að finna gott heiti yfir menntun.

átti að standa í  3. málsgrein.

[Jón (IP-tala skráð) 22.5.2013 kl. 00:45]

Er þjóðin fífl?

Haldið þið að þjóðin hafi viljað kjósa doktor?

Sama þjóð og er með hæsta brottfall úr menntaskólum í Vestur-Evrópu?

Og líklega hæsta brottfall úr háskólum í heimi?

Sama þjóð og valdi sér forsætisráðherra sem er flugfreyja?

Vitandi að flugfreyjumenntun er jafngildi naglaskreytinganámskeiðs?

Haldið þið að henni hafi verið umhugað um doktorsgráðu eða menntun Sigmundar?

Haldið þið það virkilega?

Sannleikurinn er sá að allt þetta þvaður um að Sigmundur sé ekki nógu menntaður, árásir á hann út af menntun hans og allt hitt olli því að þúsundir lítilla fiskikalla úti á landi og tugþúsundir af fallistum út um allt land fengu mikla samúð með Sigmundi Davíð og kusu hann út á samúð.

Ég kaus hann ekki. Og mun aldrei kjósa hans flokk.

En lygar og rætnar árásir eru ekki boðlegar.

Maðurinn gekk ekki um og sagðist vera doktor.

Það er bara ekki satt.

Og bullið um að hann hafi gert það aflaði honum stórfelldra vinsælda um allt land.

Hann skuldar hverju einasta bloggandi menntasnobbi landsins mikið. Þeir voru ókeypis atkvæðaveiðarar fyrir hann.

Sagt er að Obama sé meistarinn í að nota sér netmiðla og internetið til að afla fylgis.

Það er ekki rétt. Það er Sigmundur Davíð. Hann lét pólítíska andstæðinga sína slá um að afla sér fylgis. Hafði vit á að þegja og sjá hvað setur. Og samúðin jókst og jókst. Og síðan vann hann.

[Jón (IP-tala skráð) 22.5.2013 kl. 00:51]

Vinsamleg aðvörun. Ég held hvorki með pólítískum fylgjendum né andstæðingum Sigmundar Davíðs, en ég get látið ykkur vita það að því lengra sem þetta mál fer, því háværari og langdregnari sem þessi umræða öll verður um doktorsgráðu Sigmundar, því vinsælli verður hann. Hann hefur vit á að svara þessu ekki einu sinni. Þannig aukast vinsældir hans. Sjómaðurinn út á landi tárfellir yfir þjáningarbróður sínum Sigmundi Davíð frá Oxford sem "snobbin" ofsækja. Samfylkingin missti mikið fylgi við að hampa skoðanakönnunum sem sýndu hvað kjósendur þeirra ættu að vera menntaðir. Þessi þjóð hatar snobb, tilgerð og manngreindarálit. Það er góður kostur hennar. Sigmundur þekkir þjóð sína. Hann er látlaus og segir ekki of mikið, svarar ekki um of fyrir sig, sýnir þá auðmýkt að leyfa öðrum bara að tala illa um sig. Það er eitt sterkasta vopn hans. Sá sem þarf ekki að verja sig er í sterkri stöðu fyrir. En haldið bara áfram að hjálpa honum ef þið viljið. 

[Ómar Bjarki Kristjánsson, 22.5.2013 kl. 01:20]

Hahaha. þetta er skemtilegt. Þetta er afar mikið lesinn pistill.

[Theódór Norðkvist, 22.5.2013 kl. 01:46]

Eins og ég segi þá hlýtur maðurinn að hafa lesið þær greinar sem birtust um hann þegar þær birtust. Hann hlýtur að hafa séð að hann væri titlaður doktor og hafði ekki fyrir því að leiðrétta það. Hefur ekki gert það enn.

Ég á bágt með að trúa því að allir þessir fjölmiðlamenn hafi tekið það upp hjá sér að titla hann doktor, án þess að hafa neitt fyrir sér í því.

Ef hann hefur sagst hafa verið í doktorsnámi eða haft það markmið að verða doktor (sem er vel mögulegt) er fjarlægur möguleiki að nokkrir fjölmiðlamenn hafi getað rangtúlkað það sem svo að hann væri doktor, en ekki allir.

Það er alveg klárt að það að gefa þá mynd af sjálfum sér - jafnvel þó það sé óvart - að maður hafi einhverja gráðu sem maður hefur ekki, er óheiðarlegt. Menn geta lent í fangelsi verði þeir uppvísir að slíku, t.d. þeir sem segjast vera læknar án þess að hafa lokið læknanámi og fengið réttindi.

Þetta hefur ekkert með menntasnobb að gera eða eitthvað slíkt. Aðeins spurning um að gefa raunsanna mynd af sjálfum sér. Reyndar er það svo vegna hins ríkjandi menntasnobbs - sem er miður - þá hafa menn frekar hag af því að láta líta svo út sem þeir séu menntaðri en þeir eru.

Það getur síðan freistað þeirra sem hafa mikinn metnað, til að fara með hálfsannleik í þessum málum, jafnvel lygi. Ef maður úti í bæ titlar sig sem verkfræðing án þess að hafa réttindi, er það slæmt en enn verra ef verðandi forsætisráðherra gerir eitthvað í þá áttina. Það er ekkert óeðlilegt við að gera kröfur til þeirra sem við kjósum til æðstu ábyrgðarstarfa.

[Kall Anka (IP-tala skráð) 22.5.2013 kl. 02:14]

Það virkar ekki þannig á Íslandi að þú græðir neitt á því að vera doktor og Sigmundur er ekki vangefinn maður og myndi því aldrei ljúga doktorsgráðunni upp á sig. Menntasnobb er bara örlítill hávær minnihlutahópur meðal Íslendinga. Mjög hávær, en ekki valdamikill miðað við meirihlutann. Alvöru menntað fólk er ekki í þeim hópi. Það veit menntun er meira en pappírar. Sigmundur hefur aldrei haft hag á því að höfða til þess minnihlutahóps menntasnobba og þau kjósa ekki flokkinn hans. Þeir sem ætla sér að vera í blöðunum læra snemma að skipta sér ekki af rangfærslum. Það birtist varla blaðagrein sem ekki er einhver rangfærsla í. Menn láta sig hafa það nema um ærumorð sé að ræða. Annars hafa þeir ekkert í fjölmiðla að gera. Ef þú sendir inn leiðréttingu á DV "úbbs sorrý en ég er ekki úr Kópavogi", þá skrifa þeir aldrei um þig meir. Líklega birta þeir ekki heldur leiðréttinguna. Spurðu þá sem eru í blöðunum að ráði.

[Kalli Anka (IP-tala skráð) 22.5.2013 kl. 02:20]

Pælið líka í því hvernig það hljóti að vera að vera mun betur menntaður en venjulegur íslenskur doktor, en heita eitthvað annað, sem enginn nennir að skilja hvað er. Áttu þá bara að segja "úbbs, sorrý ég er ekkert menntaður"? Það er eini valkosturinn í stöðunni. Enginn nennir að heyra síendurteknar útskíringar á sérkennum menntunar þinnar og hvernig hún er öðruvísi en þeirra sem fóru í "einn af 300 bestu háskólum heims" eins og hann sjálfur montar sig af, HÍ, eða næstum allir menntaðir Íslendingar (og hinir fóru næstum allir í sambærilega skóla í Kaupmannahöfn eða öðru Norðurlandi eða lélegan eða miðlungs nýlegan (og þar með ekki með þetta gamalgróna kerfi, heldur bara skírt afmarkaðar gráður) breskan, mið-evrópskan eða bandarískan skóla, en ekki Oxford.) Sigmundur eftirlætur öðrum að útskíra sig. Hann þegir. Það er hans mottó. Hann ver sig ekki þegar ráðist er á hann og hefur aldrei gert. Og hann svarar ekki oflofi með svo mikið sem "takk". Hann er ekki sjálfhverfur maður og hefur ekki gaman af að tala um sjálfan sig yfirhöfuð. Takið eftir næst þegar hann minnist á sjálfan sig. Það verður löng bið eftir því. Hann hefur heldur enga þörf fyrir að slá sig til riddara og er ekki með neina stjörnustæla eins og þið finnið í vandræðalegu magni hjá Össuri og fleirum, og jafnvel Davíð Oddssyni, í annarri og hófstilltari, en betur heppnaðri mynd. Sigmundur á þetta ekki til. Hans styrkur er þögnin og skortur á sjálfhverfu.

[Theódór Norðkvist, 22.5.2013 kl. 02:32]

Held það sé rætt að hætta núna, það er eins og við séum ekki að fjalla um sama málið.

[Númi (IP-tala skráð) 22.5.2013 kl. 10:38]

Helgi Jóhann Hauksson sem er kveikjan að þessum pistli Sleggjunnar,hann á verulega bágt hann Helgi þessi. Helgi Jóhann er þekktur ljósmyndari með meiru og er hann ansi lúnkinn með myndavélina það má hann eiga. En Helgi er einnig þekktur Evrópusambandssinni og það öfgafullur í þokkabót,hann er í sárum núna þá mest vegna rassskels dásemdarflokks hans Samfylkingarinnar.

Óska Helga annars alls hins besta,og megi honum heilsast vel.

[Kex (IP-tala skráð) 22.5.2013 kl. 16:37]

Þeir sem vilja skilja afhverju Sigmundur leyfir ekki Oxford að gefa sérhverjum papparazzi Íslands afrit af skólaferli sínum þar, pæli í því afhverju Obama hefur neitað að birta fæðingarvottorð sitt. Þetta snýst ekki um að hafa eitthvað að fela, og það heldur enginn (nema þú sérst þessi geðbilaða te-party, survivalist týpa sem heldur að ríkisstjórnin vinni dag og nótt að planleggja aðferðir við að drepa þig með nýjum sjúkdómum, en bráðum komi sem betur fer heimsendir!) Þetta snýst um virðingu fyrir eigin einkalífi og sjálfsvirðingu. Þann dag sem Obama mun gefa te-party mönnum fæðingarvottorð sitt á silfurfati og svara fráleitum ásökunum þeirra, og mæta persónulega í viðtal til Alex Jones að ræða hvar hann nákvæmlega hafi verið fæddur og klukkan hvað og á hvaða spítala, þann dag mun Sigmundur leyfa fjölmiðlum að birta opinberlega öll sín einkunnaspjöld og skólasókn frá því í 6 ára bekk, læknisupplýsingar sínar og daglegar bloggfærslur um klósettferðir sínar. Það alhallærislegasta sem Davíð Oddson gerði alla sína ráðherra tíð var að leyfa mönnum að grennslast fyrir um hvort eitthvað væri hæft í þeim sögusögnum að hann væri af afrísku bergi brotnir, en þetta var mikið hitamál sem óvinum hans langaði mjög að fá á hreint, í því skyni að fæla menn frá því að kjósa "negrann", sem hann augljóslega hlyti að vera af áferð hárs hans og nasavídd að dæma. Geðbiluðu ofurhnýsnu fólki sem ásakar mann um lygar varðandi eitt né neitt, ætterni manns eða annað, á ekki að svara. Að svara því er að gefa papparazzi menningunni og lágkúrunni meira og meira vægi í samfélaginu og auka vegsemd hennar og virðingu, sem er það sama og að grafa undan siðmenningunni og gildum vestræns samfélags sem fela í sér friðhelgi einkalífsins og að maður sé saklaus uns sekt er sönnuð. Við skulum hafa þá von að aðrir stjórnmálamenn endurtaki ekki mistök Davíðs Oddssonar og sýni aðeins meiri sjálfsvirðingu.

[Jói Ben (IP-tala skráð) 24.5.2013 kl. 13:01]

Eitt innlegg í þessar pælingar, þó það sé nú ekki þungt. 

Árið 2008 lætur SDG leiðrétta frétt, þegar rangt er farið með nafn hans og sagður vera Guðlaugsson minnir mig.   Hann er því fær um að leiðrétta fréttir - þó að hann láti það vera þegar hann er kallaður doktor.

Þetta finnst á timarit.is með því að slá inn "Sigmundur Davíð" árið 2008 (frekar en 2007).