XXXR

Skemmtilegur dómur af plötunni XXX rottweiler sem ég rakst á á snilldarsíðunni timarit.is

 

 

 

Þvílík veisla! 

 

EKKI er langt síðan Íslendingar

hissuðu sig yfir því hvað Bandaríkjamenn

æstu sig yfir textunum hans

Eminem; hann væri svo sem ekkert

sérlega kræsilegur, en engin ástæða

til að vera að ritskoða hann. Þar kom

því vel á vonda þegar XXX Rottweilerhundar

hófu upp sína raust því ekki

voru menn seinir á sér að ritskoða

texta sveitarinnar til að gera lögin útvarpstæk.

Það má svo sem skilja það að fólki

hitni um eyrun þegar

þeir Rottweilerhundar

láta í sér

heyra því ekki er

bara að þeir séu

sóðalega klæmnir,

heldur eru þeir

hreint frábærlega dónalegir, siðblindir

og upp fullir með guðlasti og ég veit

ekki hvað ... þvílík veisla! Sjá til að

mynda þennan bút úr „Bent nálgast“

þar sem Bent fer á kostum:

„Ég er Hann, Ég er Jahve, Jah, ég

er fokking Óðinn ... Ég skapaði heiminn

á sjö dögum og eyði honum á jafnmörgum

/ náttúrhamfarir á fyrsta

degi og engisprettur á öðrum / þriðja,

fjórða, fimmta sjötta bæti á ykkur

kvölunum / kem svo sjálfur á sjöunda

degi til að ráða ykkur af dögunum.“

Hljóðsmalamennska á skífunni er

víða innblásin, laga/textabútar valdir

til að undirstrika inntak versanna,

eins og til að mynda þegar BlazRoca

missir sig í montinu („Abraham gat

Ísak / og Ísak gat Jakob / Jakob gat

ekki neitt / svo í dag trúir fólk á Blaz“)

og undirleikurinn vitnar í rokkóperuna

vemmilegu um Jesú.

Annað gott dæmi er af hinu bráðhlægilega

„Ég elska fólk“ („Ég elska

fólk / eins dauði er annars brauð bókstaflega

/ þetta er bara fólk ekki tilfinningavera

/ ekki kalla mig skrímsli

kallaðu mig sælkera“), þar sem Mikki

refur sér um að gefa rétta stemmningu.

Það er reyndar sérstakt fagnaðarefni

hvernig þeir félagar vitna í

lög og stemmur sem allir þekkja;

Dýrin í Hálsaskógi, „Hí á þig“, þar

sem Ómar Ragnarsson leggur þeim

lið, „Guttavísur“ / Halla og Ladda í

„Skuggalaginu“ og svo má telja.

Lögin á disknum eldast misvel og

þannig er kynningarlag sveitarinnar

orðið frekar þreytt nú þegar og væri

gjörsamlega óþolandi ef ekki væri

góður sprettur hjá Bent og skemmtilegar

sneiðar BlazRoca á enskurappið,

„„Rappa á ensku fyrir heiminn“

hvað er það? hahaha / 10 eintök seld

undir borðið“. Dissið á pósarana er

líka þreytt og Top eða bottom brandarinn

í „Við erum Top“ þreytist fljótt;

manni finnst hljóðbútarnir úr þættinum

flækjast fyrir textanum. Aðeins

er líka farið að slá í „XXX“ þó línan

„fokk þú og þitt krú“ sé snilld, skora á

menn að leggja hana á minnið og nota

við tækifæri. Samsetning á því lagi er

líka verulega skemmtileg, skipulögð

óreiða sem gengur bráðvel upp.

Margir hafa spreytt sig á rappi hér

á landi og sumum tekist bráðvel upp.

Flestir hafa þó verið að rappa á ensku

og það er ekki fyrr en Sesar A reið á

vaðið fyrir stuttu að íslensk rappútgáfa

hefst, þar sem menn eru að

rappa á íslensku um íslenskan veruleika.

Það verður að segja eins og er að

með því að rappa á íslensku og af slíkum

krafti taka Rottweilerhundarnir

samkeppnina í nefið; fyrsta sveitin

sem hefur eitthvað segja og segir það

því á íslensku. Víst eru þeir klámfengnir,

siðspilltir, dónalegir og óþolandi

á köflum, en það er eðli rappsins.

 

 

http://timarit.is/view_page_init.jsp?issId=250017&pageId=3427436&lang=is&q=fokk%20%FE%FA%20og%20%FEitt%20kr%FA

 

hvells