Hvor?

Stæsta spurningin er augljós.

Hver verður stærstur eftir kosningar. XD eða XB?

Það veltur mikið á þessu atriði.

Formaður stærsta flokksins verður forsætisráðherra.

Svo er ekki ljóst mál að XD og XB vilja starfa saman. Eða geta það yfir höfuð.

Bjarni Ben mundi aldrei sætta sig við að vera utanríkis eða fjármálaráðherra og Sigmundur forsætisráðherra.

Og öfugt.

 

hvells 

Sjálfstæðisflokkur bætir við sig

Athugasemdir

[Guðmundur Ásgeirsson, 17.4.2013 kl. 20:07]

Bjarni þyrfti alltént að vera búinn að læra hvar Haag er á landakortinu af Evrópu áður en hann gæti talist hæfur í stöðu utanríkisráðherra.

Og ekki yrði mikið að gera fyrir Sigmund Davíð í utanríkisráðuneytinu. Nema kannski að skera niður í verkefnum þess á sviði Evrópusambandsmála.

Hinsvegar er rétt, að þeir myndu eflaust sækjast báðir eftir stóra sætinu.

[Grímur (IP-tala skráð) 17.4.2013 kl. 21:31]

Samfylkingin og útibú hans er nú enn með 20%

og heilir 10 dagar í kjördag

[Sleggjan og Hvellurinn, 17.4.2013 kl. 22:29]

það getur allt gerst í þessu

hvells

[Anna Sigríður Guðmundsdóttir, 17.4.2013 kl. 23:56]

Sjálfstæðisflokkurinn fékk einhverra hluta vegna, að yfirtaka og sérhagsmunabreyta fréttatímunum á RÚV-ruglstöðinni þrælaborguðu, og öðrum bankastýrðum klíkufjölmiðlum í framboðskynningu fyrir sig!

Þó að allt fjölmiðla-bankaklíku-fjölmiðlaveldið hefði tekið fréttatímana og Sprengisands-umræðuna fyrir Sjálfstæðisflokkinn, þá fékk sá siðblindu-klíkuflokkur einungis örlitla aukningi í skoðanakönnunum?

Skoðanakönnunum sem fjármagnaðar eru af Gallup-baknkaelítunni sem stýrir fjölmiðlunum?

Svona lítil fylgisaukning Sjálfstæðisflokksins, þrátt fyrir einokun á fjölmiðlaumræðum og auglýsingum á fréttatímum allra ó-flokkaðra landsmanna, ætti að sýna almenningi hversu vonlaust er að auglýsa þessa "Sjálfstæðis"glæpa-klíku í áróðurs-ríkisfjölmiðlunum þrælastyrktu!

Nú þurfa Íslandsbúar að fara að setja upp raunverulegu gagnrýni-gleraugun, og þó fyrr hefði verið!

M.b.kv.

[Helgi Jónsson (IP-tala skráð) 18.4.2013 kl. 08:07]

Á síðustu fjórum árum hafa ýmis mistök verið gerð. En að mínu viti blikna þau í samanburði við þann árangur sem náðst hefur. Ég ætla að rifja upp nokkrar staðreyndir:

1. Ríkisstjórnin hefur náð fjárlagahallanum úr 216 milljörðum niður í 3,6 milljarða.

2. Þegar stjórnin tók við nam atvinnuleysið 9,3 prósentum. Í dag er það 4,7 prósent.

3. Þegar ríkisstjórnin tók við var verðbólgan 18,6 prósent en í dag er hún um 4 prósent.

4. Seinni hluta kjörtímabilsins hefur hagvöxtur á Íslandi verið með því besta sem gerist í Evrópu.

5. Á útrásarárunum var Ísland í hópi þeirra þjóðfélaga sem bjuggu við mesta misskiptingu auðs og tekna. Í dag skipar Ísland sér í hóp þeirra ríkja þar sem jöfnuður er mestur.

6. Líklega hefur engin ríkisstjórn barist jafn ötullega gegn kynbundnu ofbeldi og ríkisstjórn Jóhönnu Sigurðardóttur. Austurríska leiðin, sem veitir lögreglu heimild til að fjarlægja ofbeldismenn af heimilum, hefur loksins verið lögfest. Kaup á vændi hafa verið bönnuð. Samningur Sameinuðu þjóðanna um aðgerðir gegn skipulagðri glæpastarfsemi hefur verið fullgiltur – og að sama skapi samningur Evrópuráðsins um baráttu gegn mansali. Þar að auki hefur verið gripið til margvíslegra úrræða til að stemma stigu við kynferðisofbeldi.

7. Fyrst nú hefur ríkið tekið að sér að niðurgreiða almennar tannlækningar barna.

8. Ríkisstjórnin hefur hækkað veiðigjald til að tryggja almenningi aukna hlutdeild í gróðanum í sjávarútvegi. Áætlað er að veiðigjaldið skili ríkissjóði 15 milljörðum á þessu ári sem nýtast munu til fjárfestinga af ýmsu tagi.

9. Bókhald ríkisins hefur verið gert opnara og gegnsærra en það var, meðal annars með nýjum upplýsingalögum.

10. Eftirlaunaforréttindi þingmanna ráðherra og æðstu embættismanna hafa verið afnumin.

11. Ríkisstjórnin „skipaði nýjan forstjóra Landsvirkjunar sem hefur gjörbreytt stefnu fyrirtækisins í þá átt að hámarka verðið (og þar með arðinn) sem við fáum fyrir auðlindina. Fyrir tíð þessarar ríkisstjórnar neitaði Landsvirkjun af einhverjum ástæðum að upplýsa almenning um orkuverð til stóriðju. Öll umræða um skynsemi stóriðjuframkvæmda var af þeim sökum út og suður. Þessu var strax breytt eftir að ný forysta tók við.“ (Jón Steinsson, dósent í hagfræði við Columbia-háskóla: http://www.visir.is/nytur-rikisstjornin-sannmaelis-/article/2012709069963)

12. Davíð Oddsson var rekinn úr Seðlabankanum.

13. Ráðuneytum hefur verið fækkað úr 12 niður í 8.

14. Ísland hefur viðurkennt sjálfstæði Palestínu og Össur Skarphéðinsson utanríkisráðherra sent Ísraelsríki fingurinn.

15. Fyrir hrun bjuggu Íslendingar við flatan tekjuskatt og eitt hægrisinnaðasta skattkerfi í Evrópu. „Á síðustu árum fyrir hrun var skattkerfið orðið þannig að þeir sem mestar tekjur höfðu greiddu lægra hlutfall tekna sinna í skatt en meðaljóninn. Þessu hefur núverandi ríkisstjórn breytt. Fyrir vikið hafa skatthlutföll lækkað hjá stærstum hluta þjóðarinnar,“ skrifar Jón. Ásakanir stjórnarandstöðunnar og hægrimanna um „skattpíningu vanhæfu vinstristjórnarinnar“ eiga sér ekki stoð í raunveruleikanum. Tekjuskattar eru ennþá lægri hér en víðast hvar á Norðurlöndunum og fyrirtækjaskattur einn sá lægsti í heiminum.

16. Útgjöld til þróunarmála hafa verið aukin til muna en á árum áður stóðum við samanburðarlöndum okkar langt að baki í þessum málaflokki.

17. Fyrst nú hafa ein hjúskaparlög verið lögfest.

18. Tekist hefur að hlífa heilbrigðis- og menntakerfinu í mun meira mæli en annars staðar í Evrópu. Samkvæmt einu virtasta tímariti heims um heilbrigðismál er Ísland gott dæmi um ríki sem tókst að skera rækilega niður í ríkisrekstri án þess að það kæmi verulega niður á heilbrigðiskerfinu. Í tíð sitjandi ríkisstjórnar hafa framlög til tækjakaupa á Landspítalanum og fjórðungssjúkrahúsunum verið aukin.

19. Sótt hefur verið um aðild að Evrópusambandinu, enda bendir margt til þess að innganga í sambandið geti bætt lífskjör hér á landi. Aðildarsamningurinn verður borinn undir þjóðina þegar hann liggur fyrir.

20. Ríkisstjórnin hefur „staðið sem klettur gegn ævintýralegum þrýstingi um almenna skuldaniðurfellingu. Slík skuldaniðurfelling hefði haft afleitar afleiðingar,“ skrifar Jón. „Hún hefði kostað ríkið hundruð milljarða og því í raun þýtt miklu hærri skatta í áratugi.“ Þá hefði hún gagnast stóreignafólki mest og lágtekjufólki minnst. „Í stað almennrar niðurfellingar hefur ríkisstjórnin staðið fyrir aðgerðum sem beinast sérstaklega að þeim sem virkilega þurfa á hjálp að halda.“

21. Fyrst nú hefur barnasáttmáli Sameinuðu þjóðanna verið lögfestur.

22. Í stað þess að halda bönkunum í greipum ríkisins og stunda fyrirgreiðslupólitík á borð við þá sem tíðkaðist á Íslandi á árum áður, „einkavæddi þessi fyrsta vinstristjórn Íslandssögunnar tvo af bönkunum þremur á skömmum tíma án spillingar. Það verður að teljast talsvert afrek.“

23. Árið 2012 skipaði Ísland fyrsta sæti á lista Alþjóðaefnahagsráðsins yfir stöðu jafnréttismála í heiminum. Lög um kynjakvóta í stjórnum fyrirtækja og lífeyrissjóða taka gildi á þessu ári og „hlutur kynjanna í ríkisstjórn og í æðstu embættum ríkisins hefur að fullu verið jafnaður.“ (Stjórnarráðið: http://www.stjornarrad.is/rikisstjorn/frettir/nr/502)

24. Gerð hefur verið skýrsla um eflingu græna hagkerfisins og grænna starfa.

[Sleggjan og Hvellurinn, 18.4.2013 kl. 08:21]

góð samantekit Helgi

Eftirlaun, Landsvirkjun, Seðlabankinn, fækkun ráðuneyta, austurríska leiðin, hjúskaparlögin, ESB... þetta eru góðu málin að mínu mati.

Þú gleymir reyndar stóreflingu sérstakt saksóknara með því að ráða  Evu Joly sem ráðgjafa.

En það er augljóst að þú ert að verja ríkisstjórninna. Ekki endilega vinstri hugmyndir.

Allt er mjög "félagslegt" og svo telur þú ríkisstjórnina til tekna að hafa einkavætt bankana á einu bretti.... en ég bíst við ef hún hefði ekki gert það og haft þá í ríkiseigu þá hefðir þú lítið kvartað.

En fín samantekt

hvells

[sleggjan (IP-tala skráð) 18.4.2013 kl. 10:43]

@Helgi

nr 14

"Ísland hefur viðurkennt sjálfstæði Palestínu og Össur Skarphéðinsson utanríkisráðherra sent Ísraelsríki fingurinn."

Að gefa Ísrael "fingurinn" er eitt það lélegasta diplómatíska move sem Össur hefur gert sem utanríkisráðherra. Má hann eiga skömm fyrir!

Hann hefur svo ekki svarað hvernig hann sér fyrir sér þetta ríki verða til og starfhæft.

kv

[Helgi (IP-tala skráð) 19.4.2013 kl. 21:46]

@5:

Þú  hefur heldur betur látið blekkja þig því það er ekki heil brú í því sem þú segir. Ég drep niður í nokkrum þinna punkta:

1) Fjárlagahallinn er í dag ekki 3,6 milljarðar þó Steingrímur segi það. Ertu virkilega svona auðtrúa? Árið 2011 var fjárlagahallinn 89500 milljónir eða 245 milljónir á dag sem gerir rúmar 10 milljónir á klukkutíma sem ríkið þurfti að fá lánaðar!! Þetta tikkar nú á vöxtum. Það verður verulegur halli á þessu fjárlagaári og hann verður ekkert nálægt 3,6 milljörðum m.a. vegna þess að útgjöld til heilbrigðismála munu aukast enda hefur sá málaflokkur verið sveltur árum saman.

2) Það er ekkert að marka atvinnuleysistölur. Þúsundir landsmanna hafa flust af landi. Hefur það ekki áhrif á atvinnuleysistölur? Margir eru í hlutastarfi en vildu vera í hlutastarfi. Það er minn skilningur að einungis þeir sem eru 100% atvinnulausir séu inni í þessari tölfræði. Hve margir heldur þú að séu í námi en kysu að vera í fullu starfi ef einhver störf væri að fá? Hve margir eru nú dottnir af atvinnuleysisskrá og komnir í faðm sveitarfélaganna? Það er ekkert að marka þessar atvinnuleysistölur hérlendis né heldur víða erlendis. Raunverulegt atvinnuleysi í USA t.d. er rétt rúm 14% en ekki tæp 8%.

5) Það er margbúið að leiðrétta þessa vitleysu í Stefáni. Fylgist þú ekkert með?

6) Það sem gleymist við þessa austurrísku leið er það að einhver þarf að borga fyrir hana, ríkið setur þessi lög en sveitarfélögin þurfa að borga fyrir hana. Allar þessar snildarhugmyndir vinstri manna kosta verulega fjármuni sem þeir láta alltaf aðra borga fyrir. Heldur þú virkilega að það að banna kaup á vændi láti vandann allt í einu hverfa? Er ekki líka frekar furðulegt að gera einungis öðrum aðila í saknæmum verknaði refsingu? Er það jafnrétti? Yrðir þú ánægður ef bara fíkniefnaneytendur yrðu settir inn en ekki sölumennirnir? Er það réttlátt?

8) Þetta veiðileyfagjald er eins og pissa í skóinn sinn á köldum degi, fyrst þægilegt en síðan verður ástandið mun verra. Veiðileyfagjaldið hefur ýmis neikvæð áhrif á rekstur fyrirtækja og öryggismál sjómanna sem þú gerir þér augljóslega ekki grein fyrir, áhrif sem komu mun seinna fram og þú þá ekki setja í samband við gjaldið. Gjaldþrot munu aukast í greininni og arðsemin minnka og störfum fækka. Þér er auðvitað sama um það, finnst sjálfsagt alveg eðlilegt að hið opinbera taki eigur einstaklinga og fyrirtækja af þeim og geri fólk atvinnulaust?

11) Hvaða samningi hefur nýr forstjóri LV landað? Hann hrakti Alcoa frá Bakka og hrakti aðila frá landinu sem vildu byggja gagnaver. Það er því miður ekki orð að marka Jón Steinsson þó hann eigi að heita sprenglærður í sínu fagi :-( Svo lætur forstjóri LV sig dreyma um algerlega óraunhæfan sæstreng sem kosta mun hundruðir milljarða, sæstreng sem í dag er ekki tæknilega raunhæfur. Hver er reynsla Norðmanna af sínu sæstreng, streng sem er mun styttri og liggur á mun minna dýpi? Veistu það?

15) Hækkun skatta ekki stoð í raunveruleikanum? Yfir 200 breytingar verið gerðar á skattkerfinu og það flækt heilmikið og skattar hækkaðir? Það trúir enginn því sem Jón skrifar um þetta nema hann sjálfur - og kannski þú. Það er þægilegt fyrir þann sprenglærða að búa í USA og horfa á þetta úr fjarska og segja allt flott og fínt - fjarlægðin gerir jú fjöllin blá. Jón myndi kannski fatta þetta ef hann byggi hér og þyrfti að borga fyrir hugsjónir sínar í beinhörðum peningum.

18) Heilbrigðiskerfinu hefur verið hlíft svo mikið að læknar fást vart til að vinna hérlendis, heilbrigðisstarfsmenn gerðu uppreisn í byrjun árs eftir að hafa verið undir gríðarlegu álagi í langan tíma. Tæki eru mörg hver vart nothæf og sum bókstaflega plástruð saman. Landlæknir hefur auðvitað ekki dug í sér til að rannsaka hve mörg andlát má rekja til niðurskurðarins. Talnaleikfimi hagfræðingsins sprenglærða er í besta falli sorgleg en sínir hve langt hann er tilbúinn að ganga til að verja sitt fólk.

22) Hverjir eignuðust svo þessa banka? Voru þeir seldir á markaðsverði? Voru þeir seldir á réttum tíma? Ertu að vitna í Jón sprenglærða?

Nú langar mig til að spyrja þig: Hvað hafa skuldir ríkisins aukist mikið í tíð núverandi ríkisstjórnar? Hve margir hafa flutt af landi brott í tíð núverandi ríkisstjórnar? Hve mikið hafa lífskjör almennings rýrnar í tíð þessarar ríkisstjórnar? Hvað borgum við árlega í vexti og afborganir af lánum? Þó ríkisstjórnirnar 2 á undan þessari hafi verið lélegar greiddu þær þó niður skuldir - öfugt við þessa forsmán sem nú situr.