Sleggjuhvellurinn

Sunnudagur, 24. mars 2013

Hugmyndir við frostmark

Það má greina tillögur þeirra sem berjast gegn verðtryggingu í þrennt, þá sem vilja afnema verðtryggingu í fortíð, þá sem vilja afnema verðtryggingu í framtíð og þá sem vilja gera hvort tveggja. Óðinn ákvað að meta hvað þessar þrjár leiðir mundu kosta Íbúðalánasjóð, því það er alveg ljóst að kostnaðurinn af þessum aðgerðum myndi alltaf lenda á sjóðnum. Jafnvel þótt á það yrði fallist að verðtrygging til almennings hafi verið ólögleg að þá væri einungis hægt að ógilda útlán Íbúðalánasjóðs en ekki sölu Íbúðalánasjóðs á verðtryggðum skuldabréfum þar sem Íbúðalánasjóður er fagfjárfestir.

* * *

Til að skoða kostnað afnáms verðtryggingar í fortíð skoðaði Óðinn vexti og verðbætur Íbúðalánasjóðs frá árinu 2008. Hann gaf sér að vextir hvers árs væru 4,5% af stöðu útlána í upphafi ársins, afgangurinn væri verðbætur. Fyrir árið 2012 gaf hann sér að verðbætur jafngiltu verðbólgu ársins ofan á stöðu útlána í upphafi ársins. Miðað við þessa aðferð eru uppsafnaðar verðbætur frá upphafi árs 2008 262 milljarðar. Kostnaðurinn við að afnema verðtrygginguna frá hruni er því 262 milljarðar. Ef við gefum okkur svo að verðbætur hafi numið 20% af útlánastabba sjóðsins í ársbyrjun 2008, sem er varfærið mat, þá eru það 93 milljarðar til viðbótar. Afnám verðtryggingar í fortíð kostar skattgreiðendur því a.m.k. 355 milljarða.

* * *

Til að meta kostnað við verðtryggingu í framtíð er miðað við stöðu eigna og skulda sjóðsins um mitt síðasta ár. Munurinn á tekjuflæði útlánasafnsins miðað við 4,5% nafnvexti og skuldum sjóðsins miðað við 3,75% raunvexti auk 4,5% verðbólgu er núvirtur miðað við vexti RB31. Gert er ráð fyrir að tímalengd lánasafnanna sé 25 ár, aðrar eignir sjóðsins eru síðan dregnar frá tapinu. Miðað við þessar forsendur væri tap sjóðsins 187 milljarðar króna. Þá er ekki gert ráð fyrir neinum rekstrarkostnaði sjóðsins á meðan það væri verið að vinda ofan af eignasafni hans.

* * *

Loks skoðum við hvað það kostar að fara í báðar þessar aðgerðir. Þá drögum við 355 milljarða frá útlánasafni sjóðsins og núvirðum muninn aftur miðað við ofangreindar forsendur. Miðað við þessar forsendur er tap Íbúðalánasjóðs 802 milljarðar!

http://www.vb.is/skodun/81422/

hvells