Jón Steinar með stutta og skýra grein

Las moggann í gær og rakst á fína grein eftir Jón Steinar.

Var að vona að þessi grein mundi detta inn á netið.

Sá hana núna á Eyjunni.

Hann talaði um Lýðskrumið í sambandi við umræðuna um verðtrygginguna.

1. Eðlilegt er að menn megi semja sín á milli um endurgreiðslukjör á peningalánum.

2. Eðlilegt er að sá sem lánar öðrum peninga vilji áskilja sér að fá jafnvirði lánsins endurgreitt sem og einhverja vexti sem umbun fyrir lánveitinguna. Sé honum bannað að áskilja sér þetta hættir hann að lána peninga.

3. Margir þeirra sem tekið hafa lán og skulda meira en þeir ráða við að greiða með góðu móti vilja losna undan skuld sinni eða fá lækkun á henni (frá þessu eru virðingarverðar undantekningar).

4. Sá sem vill berjast fyrir niðurfellingu eða lækkun skuldar sinnar verður að skilja að til þess að unnt sé að láta þetta eftir honum verður að finna einhvern annan til að borga skuldina. Peningar til þess koma ekki af himnum ofan. Hann er því í reynd að biðja um að einhverjir aðrir, sem áttu engan þátt í lántökunni og nutu einskis af lánsfénu, borgi skuld hans eða hluta hennar.

5. Þeir stjórnmálaflokkar sem bjóða fram úrræði til að létta skuldum af mönnum verða að gera grein fyrir því hver greiða eigi kostnaðinn.

6. Þegar þeir reyna að ná sér í atkvæði með loforðum um að létta skuldum af skuldugu fólki eru þeir í raun og veru að óska eftir stuðningi til að misfara með pólitískt vald, því aldrei er unnt að efna loforð af þessu tagi nema á kostnað annarra sem ekki skulda. Það getur ekki verið réttmætt að skylda þá sem ekki skulda til að borga lánin fyrir þá sem gera það.

7. Stjórnmálabarátta á ekki að snúast um kjör í lánasamningum.

 

 

 

 

En svo fara menn í manninn en ekki boltann. Týpískt íslenskt.

 

kv

Sleggjan

 

Athugasemdir

[hvells (IP-tala skráð) 6.3.2013 kl. 12:53]

góð grein

æpandi þögn hjá hagsmunasamtök heimilana