Clinton góð, en Angela Merkel betri

Hillary Clinton og Angela Merkel eru bestu konurnar í dag.

Ganga fram og hafa skýra sýn.

 

Þær eru lausar við femíniska árátu eins og oft loðir við kvennaleiðtoga á Íslandi. Þær líta á málefnin burtséð frá kyninu og standa sig vel.

Angela Merkel gæti verið valdamesta manneskjan á eftir Obama.

Merkel er þá klárlega valdamesta kona heims.

 

Svo skiptir útlitið engu. Hillary er hætt að vera með uppstrílað hár og mjög máluð eins og hún var þegar hún keppti um útnefningu sem forsetaefni Demókrata við Obama á sínum tíma.

Merker seint kölluð fegðurðardrottning.

kv

sl

 

Clinton dáðasta konan 2012

Athugasemdir

[R (IP-tala skráð) 2.1.2013 kl. 01:10]

Gæti ekki verið meira sammála þér. Þessar tvær konur eru verndarenglar heimsins. Það verður margri ólukkunni afstírt ef bara Hillary nær bata og fær áfram að hafa sín áhrif bak við tjöldin, eins og hún gerði á tímum Clintons, og hefur skipt enn meira máli í dag sem helsti ráðgjafi Obama, stuðlað að margri gæfu og afstírt margri ógæfu á erfiðum tímum. Og Angela Merkel ber nafn með rentu. Hún er engill. Hennar áhrif eru minni en virðist í skrifræðisbákninu í Brussel, en hún notar þau litlu áhrif sem hún þó hefur til að gera virkilega mikið gagn. Sumt það sem virðist mikilvægast er það þó alls ekki þegar fram í sækir, en margt það sem virðist smærra og ómikilvægara í dag af hennar gjörðum mun sagan sýna voru risastór gæfuspor, sem almenningur var bara ekki nógu glöggskyggn að bera kennsl á, og fjölmiðlar heimsins tóku vart eftir. Engu að síður er Íslandi best borgið utan ESB. Það er stærra og meira, fegurra og merkara apparat sem hún Angela vinnur fyrir sín bestu störf en rúmast í litlu, eldgömlu Evrópu, og með tíð og tíma munu menn skilja það og sjá.

[Viggó Jörgensson, 2.1.2013 kl. 04:14]

Er Merkel flutt til Bandaríkjanna?

[Einn sem veit. (IP-tala skráð) 2.1.2013 kl. 04:33]

Að vissu leyti, Viggó...Að vissu leyti, já...En hvert eru Bandaríkin svo flutt, það er öllu betri spurning.

[Sleggjan og Hvellurinn, 2.1.2013 kl. 12:53]

@Viggó

Ef þú lest betur þá er könnunin gerð í Bandaríkjunnum og ekki skilyrði að tilnefna einungis þá. Sérð sem dæmi að Suður Afríkumaðurinn Nelson Mandela kemst á lista.

kv

Sl

[Sleggjan og Hvellurinn, 3.1.2013 kl. 12:09]

Marissa Mayer fær atkvæðið mitt. Hún er yngsti forstjóri Fortune 500 fyrirtækjum og hún var ráðin sem forstjóri Yahoo! árið 2012 á meðan hún var ólétt og eignaðist barn nokkrum mánuðum eftir.

Góð fyrirmynd og sýnir að konur eiga greiðann aðgang að ábyrgðarstöðum jafnt sem karlmenn.

hvells

[argo (IP-tala skráð) 3.1.2013 kl. 17:27]

Marissa Mayer? Fyrir að vinna hjá Yahoo? Og hvað gerir Yahoo fyrir mannkynið? Dælir yfir það rusli og fréttum af Kim Kardashian, einum helsta afsiðara almennings og kennara í eigingirni, kaupæði og yfirborðsmennsku? Er það að verja stuttu lífi sínu vel, fyrir unga og hæfileikaríka konu, að kjósa að sóa því á Yahoo? Það væri móðgun við alla kvenþjóðina hér í heiminum að velja slíka manneskju sem "konu ársins". Malala Yousafzai er ekki "kona" enn, en hefur þegar gert meira fyrir mannkynið en Marissa mun líklega gera allt sitt líf. Þegar almenningur byrjar að skilja að það eitt að eiga peninga er ekki aðdáunarvert, og auðsköpun ekki eftirsóknarverð nema menn verji auð sínum vel og afli hans eftir heiðarlegum leiðum, en ekki til dæmis við að dæla slúðri, disinformation og óvandaðri fréttamennsku fyir þegar forheimskaðan almenning, þá fyrst rennur upp raunverulegt framfaraskeið, en ekki tómar tæknilegar framfarir hjá mannkyni sem hefur ekki siðferðilega né menningarlega burði til að fara með þær, og hefur ekki þróast í takt við tæknina.

[Sleggjan og Hvellurinn, 6.1.2013 kl. 02:44]

Raunverulegar hetjur í dag eru einstaklingar. Þeir sem selja vörur sem gerir lífið okkar betra.

Stjórnmálamenn eru ekki hetjur.

Bill Gates hefur gert heiminum meiri gagn með fyrirtækinu Microsoft heldur en góðgerðabauknum hans

hvells