Hættulegar vörur

"

Ísland þarf að bæta opinbert eftirlit með framleiðslu kjöt- og mjólkurafurða til að tryggja samræmi við löggjöf EES um matvælaöryggi. Þetta er meginniðurstaða í skýrslu ESA, eftirlitsstofnunnar EFTA sem gefin var út í dag.

ESA fór í sína fyrstu eftirlitsheimsókn til Íslands í maí 2012 til að kanna öryggi matvæla úr dýraríkinu, einkum kjöt, mjólk og afurðir þeirra. Umrædd EES löggjöf tók gildi á Íslandi 1. nóvember 2011 eftir 18 mánaða aðlögunartíma.

Heimsókn ESA leiddi í ljós ýmsa annmarka á starfsháttum matvælaframleiðenda og opinberra eftirlitsaðila. Í tilkynningu frá ESA segir að stofnunin telur skorta á að stjórnvöld beiti viðeigandi úrræðum í kjölfar brota matvælaframleiðenda. Sem dæmi höfðu engar ráðstafanir verið gerðar til að koma í veg fyrir að tvær kjötvinnslur gætu sett vörur sínar á markað þrátt fyrir að starfsstöðvar þeirra teldust ófullnægjandi og fyrirtækin störfuðu án leyfis eftirlitsaðila vegna þess að þær uppfylltu ekki viðeigandi kröfur EES. Að auki reyndust starfsleyfi annarra matvælaframleiðenda ekki í öllum tilfellum ná yfir alla starfsemi fyrirtækjanna né starfsaðstöðu.

Hjá ýmsum matvælaframleiðendum fundust annmarkar varðandi almennar og sértækar kröfur er sneru að hreinlæti og hollustuháttum. Nokkrir höfðu ekki verið uppgötvaðir af íslenskum stjórnvöldum m.a. í tilfellum þar sem vinnsluhúsnæði og viðhald þess var ófullnægjandi og hreinlæti var ábótavant auk þess sem ófullnægjandi eftirlit var með örverum í mjólk og kjötafurðum.

Matvælastofnun hefur þegar verið upplýst um þessa annmarka og brugðist við þeim að hluta í aðgerðaáætlun sem unnin var eftir móttöku skýrslunnar segir ESA."

http://www.ruv.is/frett/esa-eftirliti-a-islandi-abotavant

er þetta "hið hreini íslenski landbúnaður?"

hvells

7% meira af nautakjöti