ESB og blekkingar NEI sinna

NEI sinnar halda því stöðugt fram að það sé ekki hægt að semja við ESB.

Það er ekkert um að semja segja þeir.

Það er að sjálfsögðu blekking:

Baldur sagði að Ísland hefði náð fram nær öllum sínum kröfum þegar Ísland samdi um fríverslunarsamning við ESB árið 1972. Ísland hefði einnig náð fram nær öllum kröfum sínum þegar það samdi við ESB um EES-samninginn árið 1994 og sama hefði verið upp á teningnum í viðræðum um Schengen. Baldur sagði í raun stórmerkilegt hvað okkur hefði gengið vel að semja við ESB.

Þessi staðreynd hlýtur að vera áfall fyrir NEI sinna.

En almenningur sér í gegnum blekkingar NEI sinna og vilja klára viðræðurnar og kjósa um samninginn. En ekki hlusta á hræðsluáróður frá LÍÚ og Heimssýn.

 

hvellurinn

Alltaf gengið vel að semja við ESB

Athugasemdir

[Númi (IP-tala skráð) 24.5.2012 kl. 12:29]

Hver tekur mark á Baldri Þórhallssyni,þeim mikla blekkingarmeistara.

Jú þeir taka mark á honum þeir heilahreinsuðu.

[Bragi, 24.5.2012 kl. 12:35]

Ég held nú að fæstir Nei sinnar haldi því fram að það sé ekki hægt að semja við ESB.

Væri ekki nær að stinga aðildarumsókn ofan í skúffu meðan "hraðar" breytingar eiga sér stað innan ESB í þessari krísu þeirra sem mun jafnvel endast í einhver misseri til viðbótar, ef evran hrynur ekki á undan það er að segja. Enginn veit hvert þessar breytingar munu leiða ESB.

Hversu mikill tími fer í þetta sem annars væri hægt að nota til að byggja okkar eigið þjóðfélag almennilega upp aftur?

Spurningin er þessi: Myndum við sem þjóð tapa einhverju á því að fresta aðildarviðræðum?

[Sleggjan og Hvellurinn, 24.5.2012 kl. 12:45]

Nei Bragi. Við mundum líklega ekki tapa miklu á því.

Nema eintómar deilur til framtíðar.

Held að það er ákveðið value í því að klára þetta eitt skipti fyrir öll.

hvellurinn

[Gunnar Heiðarsson, 24.5.2012 kl. 13:18]

Fyrir það fyrsta er lítið mark takandi á Baldri Þórhallsyni, þegar um ESB mál er að ræða. Þessi maður kallar sig Evrópifræðing, en er einungis eins og hver annar aðildarsinni og leitar allra leiða til að réttlæta áframhaldandi aðlögunarferli.

Þá er nokkuð mikið vatn runnið til sjávar síðan samningur okkar var gerður við EB, fyrirrennara ESB, árið 1972. Þá var eðli og tilgangur bandalagsins allt annar en í dag. Jafnvel þó EB hefði ekki verið breytt í ESB og tilgangur þess væri sá sami og áður, eru 40 ár síðan sá samningu var gerður og aðstæður í heiminum allar aðrar.

Varðandi samning okkar við gerð EES samninginn er rétt að leiðrétta að Baldur. Fyrir það fyrsta gerði Ísland ekki þann samning einhliða við EB, ESB var ekki enn orðið til þá, heldur vorum við í samfloti við fleiri ríki, fyrst öll EFTA ríkin, en seinna og undir lokin ásamt tveim öðrum EFTA ríkjum. Sviss gekk út úr samningum vegna þvermóðsku EB við samningaborðið. Samningum milli EES og EB lauk 1991, en ESB var stofnað 7. febrúar 1992, þannig að þegar samnigurinn tók gildi, 1993, var EB orðið að ESB! 

Að halda því fram að Ísland hefði náð flesum sínum málum fram við gerð þess samnings er auðvitað út í hött, en  Baldri er þó nokkur vorkun á þessu sviði, þar sem hann hafði rétt nýlega fyllt fyrsta áratug sinnar ævi þegar sá samningur var gerður.

Við hin sem eldri erum og fylgdumst með þeirri ferð, þar sem Jón Baldvin sat undir stýri, vitum að langt er frá því að samningurinn hafi verið eins og þjóðin vildi, enda þorðu þáverandi stjórnvöld ekki að leggja þann samning undir dóm þjóðarinnar, vitandi að hann hefði verið felldur.

Þá má ekki gleyma þeirri staðreynd að ESB er í stöðugri þróun. Þann 1, des 2010 var síðasta skrefið í þeirri þróun stigið, þegar Lissabon sáttmálinn tók gildi. Sá sáttmáli eykur völd hinna stóru innan sambandsins á kosnað hinna minni. Sá sáttmáli eykur verulega völd framkvæmdastjórnar ESB. Sá sáttmáli er í raun síðasta skref þróunar ESB, næsta skref verður til fullkominnar sameiningar ríkja ESB í eitt stórríki!

Það sýnir kannski best þá þekkingu sem  Baldur býr að varðandi málefni Evrópu. Hann þekkir ekki mun EB og ESB, hann þekkir ekki mun þess er ríki semja sjálfstætt og þes er ríki sameinast í slíkum samningum. Og síðast en ekki síst virðist sem Baldur hafi með öllu látið fyrirfarast að lesa hinn skelfilega Lissabonsáttmála. Þá mundi hann vita að samkvæmt honum er ESB beinlínis bannað að taka önnur lönd inn í sambandið nema þau séu búin að uppfylla ALLAN lagabálk ES. Frá þessu eru ekki gerðar neinar undanþágur, einungis hægt að semja um frestun einstakra laga ESB!! Þetta er einfallt, ef menn lesa sér til um hlutina!!

Svona til að benda á hellsta mun EB og ESB, þá var EB bandalag ríkja en ESB er samband ríkja. Þarna er stór munur á og þeir sem ekki átta sig á þeim mun ættu sem minnst að tjá sig og alls ekki vitna í söguna!!

[Sleggjan og Hvellurinn, 24.5.2012 kl. 13:52]

"Þann 1, des 2010 var síðasta skrefið í þeirri þróun stigið, þegar Lissabon sáttmálinn tók gildi. Sá sáttmáli eykur völd hinna stóru innan sambandsins á kosnað hinna minni. Sá sáttmáli eykur verulega völd framkvæmdastjórnar ESB. Sá sáttmáli er í raun síðasta skref þróunar ESB, næsta skref verður til fullkominnar sameiningar ríkja ESB í eitt stórríki!"

ekki rétt

samningurinn jók völd þingsins verulega

annað sem þú segir er ólíka mikið bull

hvellurinn

[Sleggjan og Hvellurinn, 24.5.2012 kl. 18:19]

Tek undir að Baldur er ekki hlutlaus.

En þegar hann setur fram staðreyndir þá er alveg hægt að trúa þeim.

kv

sleggjan

[Helgi (IP-tala skráð) 25.5.2012 kl. 06:55]

Gott innslag hjá GH!!

[Sæmundur G. Halldórsson , 5.6.2012 kl. 12:16]

"Sviss gekk út úr samningum vegna þvermóðsku EB við samningaborðið". Hvaða heimild hefurðu fyrir þessu Gunnar? Heiðubækurnar? Sannleikurinn er sá að þing og ríkisstjórn Sviss hafði undirritað samninginn um EES, en síðan þurfti að setja hann í þjóðaratkvæði. Í frönsku- og ítölskumælandi hlutum landsins var samningurinn samþykktur, í fjölmennasta hlutanum, hinum þýskumælandi, var hann felldur. Það var ekkert nýtt. Þýskumælandi Svisslendingar hafa fellt svo thl alla alþjóðasamninga og flest það sem til framfara telst í þjóðaratkvæðagreiðslum. Þeim þótti t.d. ekki við hæfi að gefa konum kosningarétt fyrr en um 1990. Og það tók 50 ár að koma Sviss inn í Sameinuðu Þjóðirnar vegna þessarar afturhaldssemi og einangrunarhyggju. En sjálfsagt er þetta sameiginlegt einkenni á íbúum afdala, fjallshlíða og fjarlægra eylanda.

PS: á sama tíma var Sviss að semja við ESB um fulla aðild (eins og EFTA ríkin Svíþjóð, Finnland, Austurríki og Noregur á sama tíma). Eftir að EES var fellt voru viðræður settar á ís. Umsókn Sviss er enn í fullu gildi.