Sleggjuhvellurinn

Fimmtudagur, 12. apríl 2012

Ögmundur er vanhæfur.

Það er enginn að reyna að koma neinum niður á hnén.

Hvernig getur maður talað svona? Að heyra svona frá ráðherra er hreint ótrúlegt.

Ögmundur á löngu að vera búinn að segja af sér vegna vanhæfni.

Hann sagði af sér sem heilbrigðisráðherra vegna þess að hann hafði ekki pólitiskt þrek til að skera niður.

Meðan hann starfaði sem heilbrigðisráðherra þá afsalaði hann sér ráðherralaunum. En hann þyggur núna ráðherralaun sem innanríkisráðherra. Þetta voru greinilega orðin tóm.

hvellurinn

	Segir ESB vilja Íslendinga niður á hnén
Ábyrgðarmaður færslu Tilkynna um óviðeigandi tengingu við frétt

Sleggjan og Hvellurinn

Flokkur: Stjórnmál og samfélag | Facebook

Athugasemdir

´´hvellurinn´´ Ertu alveg að tapa þér,passaðu blóðþrýstinginn þú ungi maður.

Er sannleikurinn ekki sagna bestur,það finnst mér og er sammála Ögmundi með þetta,og hann er ekki sá eini sem heldur þessu fram. Ef þú hefðir betur hlustað á þjóðarsálina að þá eru um rúmlega sextíu prósent á sömu skoðun og Ögmundur,auðvitað er verið að reyna að beygja þjóðina niður á hnén og helst lengra niður af þessu ESB-klíkuveldi.

Númi (IP-tala skráð) 12.4.2012 kl. 10:45

Íslendingar eru í þessu klíkuveldi í gegnum EES.

hvells

Sleggjan og Hvellurinn, 12.4.2012 kl. 10:49

og þó að við séum í EES þá þýðir það ekki að við verðum að fara í ESB Sleggjan og Hvellurinn...

Kannski er lausnin sú að segja sig úr þessu öllu saman og gera það sem skynsemin segir okkur að réttast sé að gera og það réttasta er fyrst og fremst að þú verður að næra sjálfan þig svo þú getir verið í stakk búinn til að næra aðra...

Hvað hentar okkur Íslendingum er ekki endilega það sama og hentar ESB eða öðrum ríkjum. Það sem gildir er að forsendan sé rétt hjá okkur og hún er aldrei rétt þegar kúgunum eða ógnunum er beitt til að ná einhverju fram og er alveg sama hversu stórt eða lítið á í hlut...

Ingibjörg Guðrún Magnúsdóttir, 12.4.2012 kl. 11:02

Skynsemin mín segir mér að við eigum að ganga í ESB. Og er það því það réttast í stöðunni. Og henntar okkur Íslendingum.

Sleggjan og Hvellurinn, 12.4.2012 kl. 11:08

´´hvellurinn´´ertu með rök á takteinunum,gagnvart inngöngu.? ? ? ?

Númi (IP-tala skráð) 12.4.2012 kl. 11:17

Lægra matarverð sem dæmi.

hvellurinn

Sleggjan og Hvellurinn, 12.4.2012 kl. 11:57

´´hvellurinn´´ Eru það einu rökin!!!,já djúpvitund þín er einstök.

Númi (IP-tala skráð) 12.4.2012 kl. 12:31

RÖK FYRIR AÐILD ÍSLANDS AÐ ESB

1. Stjórnmálastöðugleiki

Allt frá stríðslokum hafa íslensk stjórnvöld valið að skipa sér í sveit með vestrænum lýðræðisþjóðum. Stærstu áfangarnir voru árið 1949, en þá gengu Íslendingar í NATO, árið 1970 gengum við í EFTA og árið 1993 þegar Ísland varð aðili að EES-svæðinu. Þessi samtök hafa staðið vörð um lýðræði, frelsi og efnahagsframfarir. Samvinnan er hornsteinn að utanríkisstefnu Íslands. Síðan Bandaríkjamenn ákváðu einhliða að flytja herlið sitt úr landi hefur sambandið við þá ekki verið náið. Þeir höfnuðu því t.d. að veita Seðlabanka Íslands lán árið 2008 þegar eftir því var leitað. Norðurlandasamvinna hefur líka verið Íslendingum mikilvæg, en aðeins Norðmenn og Færeyingar eru nú utan Evrópusambandsins. Stefna Evrópusambandsins hefur mjög mikil áhrif á öll ríki á Norðurlöndum. Smáþjóð verður að eiga bandamenn þegar hún lendir í vanda.

2. Efnahagsstöðugleiki

Um langt skeið hefur íslenska krónan ógnað efnahagslegu sjálfstæði landsmanna. Opið hagkerfi með lítinn gjaldmiðil er auðveldur skotspónn erlendra og innlendra spákaupmanna. Á árunum 2001-2008 var krónan lengst af allt of hátt skráð. Þannig vann hún gegn hagsmunum útflutningsgreina sem veiktust og þurftu að skuldsetja sig mikið. Nú er hún svo lágt skráð að ungt fólk á erfitt með að sækja nám erlendis og erlend lyf og matvæli hafa tvöfaldast í verði. Ferðalög til útlanda eru nú forréttindi þeirra ríku. Laun á Íslandi eru svo lág að margt ungt fólk íhugar að flytja úr landi. Stöðugt efnahagsumhverfi og trú viðskiptalanda á Íslandi eru forsendur þess að þjóðin geti byggt upp atvinnulíf sem getur selt verðmætar vörur og þjónustu úr landi. Sveiflur ógna bæði fyrirtækjum og einstaklingum.

3. Bein áhrif á framgang alþjóðamála

Með inngöngu í Evrópusambandið myndu Íslendingar hafa beina aðkomu að setningu fjölmargra laga og reglugerða sem munu hafa áhrif á Íslandi um langa framtíð. Innan Evrópusambandsins hafa fulltrúar smáþjóða mjög víða mikil áhrif. Sem dæmi má nefna að æðsta embætti sambandsins er nú í höndum Belga.

4. Evrópusambandið er hagsmunasamband ríkja

Einn aðalkosturinn við Evrópusambandið er samræming laga og reglna á ýmsum sviðum. Það er grunnurinn að frjálsum og opnum markaði. Hins vegar er Evrópusambandið samband 27 fullvalda ríkja. Danir hafa verið í Evrópusambandinu í tæplega 40 ár og halda hnarreistir fullveldi sínu. Í Danmörku blaktir danski fáninn Dannebrog alls staðar við hún og Evrópufáninn er sjaldséður. Engum dettur í hug að líkja Evrópukeppni í neinni íþrótt við innanlandsmót.

5. Grunngildi Evrópu-sambandsins eru góð

Meðal grunngilda Evrópusambandsins eru friður, frelsi, mannréttindi, jafnrétti og umhverfisvernd. Margt af þessu finnst Íslendingum svo sjálfsagt að ekki þurfi að hafa af því áhyggjur. En með aðild væru Íslendingar að leggja áherslu á að þeir vilji taka þátt í því að vernda þessi gildi, ekki bara á Íslandi heldur í allri Evrópu. Stór hluti þeirra landa sem nú er í Evrópusambandinu þurfti í áratugi að vera án þessara réttinda, sem Íslendingar telja sjálfsögð. Sagan sýnir okkur að ekkert slíkt er sjálfgefið.

6. Styrkari samningsstaða út á við

Evrópusambandið hefur gert fjölmarga alþjóðasamninga og hefur á að skipa sérfræðingum á öllum sviðum alþjóðamála. Íslendingar myndu njóta þess að vera í liði með færustu sérfræðingum heims.

7. Áhersla á lítil menningarsvæði

Ein grunnstefna Evrópusambandsins er að þúsund blóm blómstri eins og Maó formaður sagði á sínum tíma. Ólíkt formanninum hefur Evrópusambandið fylgt þessari stefnu í verki. Lítil málsvæði hafa fengið stuðning og miklum fjármunum er varið til þess að þýða bækur frá smáþjóðum yfir á önnur mál og öfugt. Nú síðast var keltneska tekin upp sem eitt af opinberum málum sambandsins, en hún hefur átt í vök að verjast á Bretlandseyjum eins og alþekkt er.

8. Íslendingar hefðu mikil áhrif

Á Evrópuþinginu sitja nú rúmlega 700 þingmenn. Enginn þeirra kemur frá Íslandi. Við inngöngu fengju Íslendingar 6 menn á þingið eða um 1% þingmanna. Hér á landi yrðu rúmlega 50 þúsund manns bakvið hvern þingmann á Evrópuþinginu en í Svíþjóð er tæplega hálf milljón manna að baki hverjum Evrópuþingmanni og tæplega milljón í Þýskalandi. Íslendingar fengju fulltrúa í framkvæmdastjórn og líklegt er að Íslendingar yrðu í lykilhlutverki í sjávarútvegsmálum.

9. Íslendingar halda öllum sínum auðlindum

Helstu náttúruauðlindir Íslendinga eru fallvötnin, hitinn í iðrum jarðar, náttúran og fiskur í hafinu. Ekkert mun breytast varðandi þrennt það fyrsttalda. Evrópusambandið hefur ekki sameiginleg auðlindayfirráð og þær reglur sem gilda um stjórn orkuauðlinda hafa þegar verið teknar inn í íslensk lög vegna EES-sáttmálans.
Hins vegar er í Evrópusambandinu sameiginleg fiskveiðistefna. Meginástæðan fyrir henni er að strandlengja meginlands Evrópu nær yfir fjölmörg ríki og ekkert Evrópuríki er sambærilegt við Ísland sem er eyja í miðju Atlantshafi þar sem margir fiskistofnar eru staðbundnir. Engin erlend þjóð fengi rétt til þess að veiða við Ísland við inngöngu Íslands í Evrópusambandið og fiskveiðistjórnunarkerfið yrði samkvæmt ákvörðun Íslendinga. Hin formlega ákvörðun um heildarkvóta yrði samkvæmt núverandi reglum í Brussel, en eðlilegt samningamarkmið væri að skylt væri að úthluta í samræmi við gagnsæjar reglur og tillögur vísindamanna. Með því að krefjast þess að ekki sé leyfilegt að veiða umfram slíkar tillögur yrðu Íslendingar áfram í fremstu röð í vernd fiskistofna.
Samkvæmt alþjóðasáttmálum ber Íslendingum að semja um veiðar úr sameiginlegum stofnum. Evrópusambandið hefur haldið Íslendingum frá borðinu í sumum tilvikum, einkum þegar flökkustofnar breyta hegðun sinni eða veiðar hafa hafist úr nýjum stofnum. Með aðild komast Íslendingar í sterkari stöðu sem innherjar.

10. Ný tækifæri fyrir landbúnað

Svíar og Finnar fengu nýja reglu um landbúnað samþykkta. Með henni má styrkja landbúnað norðan 62. breiddargráðu meira en almennt gerist innan sambandsins. Sömu reglur myndu gilda á Íslandi. Markaður fyrir landbúnaðarvörur opnast og hefði eflaust í för með sér miklar breytingar fyrir bændur. Reynsla í nágrannalöndum er sú að inngangan hafi haft mjög jákvæð áhrif bæði fyrir bændur og neytendur. Óhagkvæmri framleiðslu hafi verið hætt, en bændur lagt áherslu á framleiðslu sem gæfi þeim bestar tekjur. Nýir markaðir opnast í kjölfar þess að reglur eru samræmdar.

11. Sterkara Ísland

Kostnaður Íslendinga við það að standa utan Evrópusambandsins og Evrópska myntbandalagsins hefur verið óskaplegur. Ungt fólk sem vill koma sér þaki yfir höfuðið hefur þurft að borga margfalda vexti á við jafnaldra sína í öðrum löndum. Hrun krónunnar varð til þess að stór hluti íslenskra fjölskyldna er í skuldafjötrum. Laun eru um helmingur af því sem er víðast hvar í nágrannaríkjum. Íslensk fyrirtæki skortir fjármagn. Flest stærstu fyrirtæki landsins komust í þrot. Útlendingar vilja hvorki lána fé til Íslands né fjárfesta á landinu, þrátt fyrir að hér sé allt sem þarf til þess að byggja upp góð fyrirtæki: Menntun, tæknibúnaður, húsnæði, vegir, fjarskiptakerfi, orka. Hins vegar skortir traust á landinu. Það verða Íslendingar að endurvinna. Aðild að Evrópusambandinu og myndbandalaginu er yfirlýsing um að Íslendingar ætli að temja sér þann efnahagslega aga sem þarf til þess að missa ekki tök á hagstjórninni í annað sinn. Kreppan hefur komið við allar þjóðir en enga leikið jafnilla og Íslendinga.

12. Þjóð meðal þjóða

Íslendingar geta aldrei aftur lýst því yfir að í þessu landi verði ekki beitt þeim úrræðum, sem best hafa reynst í þessum heimshluta. Aldrei aftur má þessi þjóð hokra undir handafli ofstjórnar og kreppuhugsunarháttar, miðstýringar og mismununar. Líklegt er að smæð þjóðarinnar verði okkur styrkur ásamt með því að við erum að véla við margar hefðbundnar vinaþjóðir. Það er því óheppilegt að borið hefur á því, að Íslendingar séu sjálfir að búa sér til skilyrði og mála skrattann á vegginn og þar með að veikja eigin samningsstöðu er menn mæta með sjálfskapaða annmarka til viðræðna við Evrópusambandið. Þjóðin má síst af öllu ganga að þessu viðfangsefni með þrá um forna innilokun og einangrun, altekin af ótta og kjarkleysi. Hún verður að sýna reisn og styrk og forðast einangrunarþörf og minnimáttarkennd. Til slíkra viðræðna hlýtur þjóðin að ganga sannfærð um það að reyna að ná fram hinu besta, en jafnframt tilbúin til þess að hverfa frá þeirri leiðinni, ef niðurstaðan er ekki þolanleg.

Höfundur er ritstjóri Vísbendingar

Upprunalega birt í FRBL í febrúar.

Sleggjan og Hvellurinn, 12.4.2012 kl. 12:43

http://evropa.blog.is/blog/evropa/entry/1064662/

hvellurinn

Sleggjan og Hvellurinn, 12.4.2012 kl. 12:43

Hvellur, Ertu alveg blindur?

Lægra matarverð?????????? Hallo? Farðu til Evrópu og keyptu mat fyrir 5 manna fjölskildu, kjöt, fisk, brauð mjólk o.s.frv. og segðu mér svo hver munurinn er!!!

Spurðu svo fólk hvað hiti og rafmagn kostar í Evrópu!!!

Athugaðu líka afhverju t.d. sjötti hver þjóðverji lifir undir fátækramörkum.

Afhverju Grikkland og Spánn eru í skítnum!

Þú veist ekkert hvað þú ert að tala um!!!! Fólk sem hugsar einsog þú er stórhættulegt fyrir þetta þjóðfélag.

Ég bjó áratugum saman í Evrópu og kom mér þaðan fyrir 5 árum hingað heim því hér er ódírara að lifa en þar ef allt er tekið með í reikninginn!!!!!!!!!

Guð furði okkur frá þessu ESB rugli

anna (IP-tala skráð) 12.4.2012 kl. 12:49

Nú er ´´ hvellurinn´´ alveg að sleppa sér að vitna í Benna Jó og byrta þennan afdankaða pistil hans ,Þessi pistill sýnir helst hvað þjóðin þarf að varast. Er Benni Jó þinn lærifaðir ´´Hvellur´´Mastersnemi´´?Er hann þinn Nestor í ESB-fræðum. Djúpvitund þín ´Hvellur' virðast vera að þér mötuð.

Tek undir með Önnu hér No 10.

´´hvellur,,sömduð þið Benni Jó þennan pistil saman.?

Númi (IP-tala skráð) 12.4.2012 kl. 13:06

anna

við lækkun tolla lækkar verð... það er eitt það fyrsta sem maður lærir í hagfræði.

númi

Benni er fínn. Enginn lærifaðir. En ég mundi þykja vænt um að tækla málefnið ekki manninn.

hvellurinn

Sleggjan og Hvellurinn, 12.4.2012 kl. 13:51

Ögmundur er góður og grandvar maður. Öðrum sumum óvandaðri kollegum sínum þýðir hvorki að hóta honum, bera upp á hann rangar sakir, eða bera á hann fé. Hann hræðist ekki að fylgja eigin samvisku, sama hvað á dynur. Hann gerir það sem rétt er. Hann er góður maður og laun hans verða mikil og honum mun minnst í framtíðinni sem manns sem ekki brást á úrslita stundu, sjálfum sér og afkomendum sínum til frægðar. Hann hefur gott mannorð og það er dýrara en gull. En reynið að segja það þeim sem eru tilbúnir að selja okkur hvaða fasistum sem er fyrir slikk. Þeir eru því miður ófáir hér og ef lög um föðurlandssvik, sem þýðir í reynd aðeins brot gegn náunga manns og almannaheill, væru hér gild og framfylgt væru ófáir ráðamanna okkar fyrrverandi og núverandi í fangelsi. Ef eitthvað réttlæti ríkti hér væri Ögmundur aftur á móti betur metinn í þessu samfélagi. Hann hefur unnið sér það inn. Margt býr á bak við tjöldin.

Einhver sem veit ýmislegt (IP-tala skráð) 12.4.2012 kl. 20:56

Tollalækkunin gufar upp í skítalikt því það kostar að vera í ESB!!!

Hugsaðu hálfa leið Hvellur!

Þýskaland skuldar 7 milljarða evra í ESB kassann. 2011 fengu þeir bláa bréfið (síðasta ítrekun) því þá skulduðu þeir 11 milljarða og fengu undanþágu að borga bara 4 milljarða afþví að þeir réðu ekki við meira!!!

Fylgstu með t.d. þýskum fjölmiðlum og reyndu svo að hugsa lengra en nef þitt nær. Eða ertu kannski ekki þýskumælandi?

Heldur þú virkilega að það sé ókeypis að vera meðlimur í ESB?????? Aumingja þú!

Þar fyrir utan eru engir tollar á íslenskt framleiddum matvælum og ég hef nærst frábærlega á þeim síðan ég kom heim. Ef mig vantar eitthvað innflutt spara ég fyrir því og borga það með ánægju því á móti kemur að ég borga 5 sinnum minna í rafmagn og hita hér fyrir sömu stærð af íbúð!!!

Þú veist ekkert hvað þú ert að tala um