Í hvað er ESB umræðan farin?

Frosti Sigurjónsson rekstrarhagfræðingur var í viðtali í Reykjavík Síðdegis.

 http://visir.is/section/MEDIA98&fileid=CLP10601

Viðtalið má heyra með því að smella á tengilinn.

Hann var ekki sáttur með að Já sinnar voru með staðreyndir um matvöruverð. Matvöruverð hafði hækkað meira á Íslandi en í ESB-löndum síðan 2008. Einfalt ekki satt? Nei það vildi Frosti ekki meina.

Rökin hans oru að skoða þyrfti "heildarmyndina".  Hann fór út um víðan völl að tala um alla galla ESB aðildar. M.a. um að Írar þurftu að bjarga öllu bankakerfinu. Að ríkissjóður Íslands hefði þurft að leggja til fé í björgunarsjóð ESB ef Ísland væri í ESB. Svo tók hann fleiri skrýtin dæmi.

Þetta vildi hann að Já sinnar myndu taka fram í þessum verðsamanburði.

Finnst ykkur það eðlilegt? Finnst NEI-Sinnum það eðlilegt?

Ef já.

Liggur þá ekki beinast við að um leið og talað er um afmarkaða þætti ESB aðildar svo sem  landbúnað, tollaa o.s.frv. Þá þarf alltaf að tala um alla "heildarmyndina", skella inn kommentum um björgunarsjóð og svona. 

Svona umræða er ekki boðleg.

kv

Sleggjan

Athugasemdir

[Ólafur Björn Ólafsson, 5.4.2012 kl. 16:07]

Sælir Sleggjuhvellir.

Það verður að viðurkennast að staðan hjá mér er sú að ég hef ákveðna "ruslsíu" svipað og er fyrir ruslpóstinn "spam" sem ég fæ á netinu. Ég hef haft ákveðna stefnu varðandi það sem kemur rá já-sinnum annarsvegar og nei-sinnum hinvegar. Sumt af því sem nei-sinnar koma með fer beinustu leið í ruslið sem ónothæft rugl. Annað kemur sér vel og vit er í. Varðandi þau rök sem já-sinnar hafa komið með þá skoða ég þau aðeins betur en margt af því endar samt í ruslinu sem ónothæft rugl.

Niðurstaðan sem ég hef fengið eftir að hafa skoðað það sem komið hefur fram varðandi aðildarumsókn er sú að ég er nei-sinni, þrátt fyrir að margir nei-sinnar hafi farið með rugl og staðlausa stafi varðandi umsókn.

Ég hef til dæmis skoðað ýmislegt sjálfur á netinu varðandi kosti aðildar og leitað fanga til dæmis hjá ESB sjálfu. Niðurstaða mín verður þegar á heildina er litið sú að við erum einfaldlega betur sett utan ESB en innan.

Varðandi viðtalið sem hlekkur ykkar vísar á er lítið að segja annað en að það dæmir sig sjálft...

Með kveðju

Kaldi