Sleggjuhvellurinn

Þriðjudagur, 21. febrúar 2012

Það er gott að eiga góða að.

Ef það væri ekki fyrir þetta samkomulag þá væri Grikkland á leiðinni í gjaldþrot með öllum þeim hörmungum sem því fylgir.

Svo betur fer er Grikkland í ESB og getur treyst á hjálp þaðan.

hvells

	Grikklandi forðað frá falli
Ábyrgðarmaður færslu Tilkynna um óviðeigandi tengingu við frétt

Sleggjan og Hvellurinn

Flokkur: Stjórnmál og samfélag | Facebook

Athugasemdir

En Grikkland er í ESB það er vandamálið!

Sigurður Haraldsson, 21.2.2012 kl. 08:59

Grikkland gekk í ESB árið 1981. Fyrir þann tíma var hersveitastjórn.

hvellurinn

Sleggjan og Hvellurinn, 21.2.2012 kl. 09:04

Eins og Sigurður bendir á er stór hluti vandamáls Grikkja einmitt það, að vera í ESB og evrusamstarfi. En það er gott að eiga góða að - mikið rétt. Verst ef þetta reynist bjarnargreiði til handa Grikkjum - sumir benda á að best væri að Grikkir gengu í gegnum gjaldþrot, tækju upp gömlu myntina sína og reynda að læra af mistökum fortíðar; taka á innri vandamálum og taka raunveruleg skref í átt að nútímavæðingu embættiskerfis og viðskiptalífs. Eitt er víst; samstarfið innan ESB hefur alla vega ekki kennt þeim nokkurn skapaðan hlut.

Eins og allir vita hafa Þjóðverjar hagnast umfram aðra á evrusamstarfinu og þeir eru því reiðubúnir að teygja sig langt til þess að skaða ekki það'samstarf. Fjármunirnir eru því reiddir fram vegna þess að það er í hag ráðandi stjórnmálastéttar og ráðandi viðskiptaafla á evrusvæðinu. Góðsemi hefur ekkert með málið að gera. Einungis einfeldningar halda slíku fram.

Er Grikklandi greiði gerður með þessari aðgerð? Um það má deila.

Ólafur Als, 21.2.2012 kl. 09:15

Að mínu mati er Grikkland ekki betur sett með gjaldþroti og uppsögn frá evrusamstarfinu með tilheirandi hörmungum.

En ef það er vilji Grikkja þá væri réttast að þeir færu í þá aðgerð. Og taka afleiðingunum. Dramkan mun falla um 90% á fyrsta degi. Það er 90% launalækkun á einu bretti.

Við þekkjum 50% gegnisfall vel. Ekki voru Íslendingar par sáttir.

hvellurinn.

Sleggjan og Hvellurinn, 21.2.2012 kl. 09:20

Gengisfallið okkar hafði meiri áhrif á okkur vegna þess hve stór hluti íslensks atvinnulífs er háður viðskiptum við útlönd. Fallið varð til þess að vernda störf og koma í veg fyrir enn meira atvinnuleysi en á móti kom að erlend aðföng hækkuðu í verði. Grískt atvinnulíf er ekki eins háð viðskiptum við útlönd og því myndi fall gjaldmiðils ekki skaða þá jafn mikið og okkur. Hins vegar myndu skapast gríðarleg vaxtartækifæri t.d. á sviði ferðamennsku, fasteignaviðskipta og fleira. Eftir sem áður yrðu Grikkir háðir því að taka til heima hjá sér. Það gerðu þeir ekki í þau þrjátíu ár sem liðin eru frá inngöngu í ESB og stuðningurinn núna er, þrátt fyrir ströng tilmæli, einungis lenging í hengingaról. Því miður, verður maður að segja.

Ólafur Als, 21.2.2012 kl. 09:44

Gengisfall hefur sína kosti.

En Grikkand er ekki minna háð alþjóðlegum viðskiptum og við Íslendingar. Svo því sé haldið til haga.

hvellurinn.

Sleggjan og Hvellurinn, 21.2.2012 kl. 10:08

@ ólafur

Ef Grikkland fer í gjaldþrot eins og þú leggur til.

Þá fá opinberir starfsmenn ekki laun. Kassinn er tópur. Lögreglan, Slökkvilið, Læknar og allir hinir.

Hvernig heldur þú að ástandið í landinu verður eftir það?

sleggjan (IP-tala skráð) 21.2.2012 kl. 15:13

Þið eruð nú dálítið skemmtilegir félagarnir - stundum hvellur, stundum sleggja. Ég held að Grikkland ætti að fara gjaldþrotaleiðina og gefa upp evru. Þeir geta tekið upp sína gömlu mynt, prentað eigin seðla og greitt laun. Annað eins hefur verið gert. Peningar hverfa ekki við það að gjaldþrot verði. Þeir myndu ganga í gegnum tímabundna holskeflu en koma útúr henni jafn sterkir og dugur og geta þeirra segði til um. Ég geri ekki ráð fyrir öðru en að erlendir bankar og jafnvel ESB myndi sjá hag sinn í því að sú vegferð yrði ekki erfiðari en efni standa til ef Grikkir sjálfir ákveddu ... en geta þeir ákveðið það sjálfir? Eru þeir í raun sjálfstæðir þegar kemur að stjórnun efnahagsmála?

Var ekki yfirskrift þessarar umræða að eiga góða að? Ef þessi kostur er sá besti fyrir Grikkland myndi ESB með Þjóðverja í fararbroddi styðja hann? Hvað halda menn um það? Ég held reyndar ekki enda er evrudraumurinn enn pólitískt óskaland hinna ráðandi afla á meginlandinu. Og hann hefur malað gull fyrir Þjóðverja í nær heilan áratug.

Ólafur Als, 21.2.2012 kl. 20:01