Mikill stuðningur við ESB.

Króatía samþykkti aðild að ESB þrátt fyrir erfileika á ESB svæðinu. Þetta sýnir að í Króatíu búa skynsöm þjóð sem hugsa til langstíma. Þeir sjá að hagsmunum sínum sé betur borgið í heimi lágra vaxta, stöðugu gengi og engri verðtryggingu. Þeir vita að kreppan í Evrópu mun líða yfir og eftir stendur Krótatía í ESB sem leiðir til betri lífskjör og meiri samkeppnishæfni landsins til langstíma.

Úrslit kosningana voru mun jákvæðara gagnvart ESB en skoðanakannanir í Króatíu gáfu til kynna. Þetta sýnir og sannar að þó að skoðanakannanir sýna ekki mikinn stuðning á ESB inngöngu. Þá er fólk samt mun jákvæðara gagnvart ESB þegar þau eru búin að kynna sér hlutina og sjá í gegnum blekkingar NEI-sinna.

hvells

Um 67% sögðu já við ESB-aðild

Athugasemdir

[Hans Haraldsson (IP-tala skráð) 22.1.2012 kl. 20:22]

"Úrslit kosningana voru mun jákvæðara gagnvart ESB en skoðanakannanir í Króatíu gáfu til kynna".

Hér er yfirlit yfir niðurstöður skoðanakannanna um ESB aðild í Króatíu frá 2008. Ég get svo sem ekki staðreynt að hann sé tæmandi en allar nema tvær sýna meirihluta fyrir aðild og það jafnan ríflegan. 

[Helga Kristjánsdóttir, 22.1.2012 kl. 20:32]

Stríðshrjáð lönd skynja nýja ógn,sem steðja að þeim,játist þeir ekki Brussel-yfirþjóðlega valdinu,enda umkringd þeim á alla vegu.

[Rögnvaldur Már Guðbjörnsson (IP-tala skráð) 22.1.2012 kl. 21:06]

Ef við göngum í ESB þá töpum við auðlindum okkar, af hverju haldið þið að ESB vilji fá okkur inn þegar svo góðar líkur eru á olíufundi, þegar við höfum ómetanlegar auðlindir í jarðvarmaorku og vatnsorku (s.s. grænni orku), ef við förum í ESB, þá myndi þetta allt vera tekið af okkur, orkuverð myndi springa upp og flutt úr landi, allur hagnaður af olíulindum færi inní ESB en ekki til okkar. Það mun vera mjög svartur dagur í sögu Íslands ef við göngum í ESB. Noregur vilja ekki ESB vegna þess að þeir myndu tapa sínum auðlindum til ESB, hver segir að lítill frumbyggjaþjóð í miðju Atlantshafi sem hafa engan skilning á skynsemi muni fá einhvern samning þar sem við fáum allar kröfur okkar samþykktar

[Svavar Bjarnason (IP-tala skráð) 22.1.2012 kl. 21:09]

Aumingja Króatía, að sitja uppi með meirihluta þjóðarinnar sem landráðamenn!!!!!

[Sleggjan og Hvellurinn, 22.1.2012 kl. 21:18]

Rögnvaldur

ESB tekur ekki auðlindir af þjóðum. Finnar eiga ennþá sína skóglendi og Bretar eiga ennþá sínar olíulindir. 

hvells

[Sleggjan og Hvellurinn, 22.1.2012 kl. 21:21]

ESB og auðlidnir

hvellurinn

[Sigurður M Grétarsson, 22.1.2012 kl. 21:29]

Rögnvaldur Már Guðbjörnsson. Hver hefur eiginlega verið að ljúga að þér um hvað felst í ESB aðild? Fullyrðingar um að þjóðir tapi auðlindum við að ganga í ESB eru þvílík haugalygi að það hálfa væri nóg. Það er ekkert í ESB reglum sem skyldar ESB ríki til að deila auðlindum sínum með öðrum ESB ríkjum og það hefur aldrei staðið til að setja þannig reglur og útilokað að það sé hægt. Slíkt kallaði á breytingu á stofnsáttmála ESB og til þess þarf 100% samþykki ESB ríkja. Með öðrum orðum hefur hver einasta ESB þjóð neitunarvald gagnvart breytingu á stofnsáttmálanum og þau ríki sem rík eru af náttúruauðlindum myndu beita því til að stöðva þannig breytingu á stofnsáttmálanum.

Við getum því alveg róleg gengið í ESB án þess að þurfa að óttast að missa auðlindir okkar.

Helga. Það er ekkert yfirþjóðlegt vald í Brussel. Þar eru hins vegar staðsettar höfuðstöðvar samstarfsvettvangs 27 og væntanlega bráðum 28 sjálfstæðra og fullvalda lýðræðisríkja í Evrópu. Á þeim vettvangi taka þessar þjóðir sameiginlega ákvörðun í mörgum málum sem þær hafa samið um að taka sameiginlegar ákvarðanir. Þetta á við um viðskipti þeirra í milli ásamt ákvörðunum í umhverfismálum og mannréttindamálum. Þetta er einnig sameigilegur vettvangur til að tryggja frið milli þessara þjóða.

Þetta er samstarfvettvangur þar sem allar þessar lýðræðisþjóðir eru aðilar að af fúsum og frjálsum vilja og geta þær yfigefið hann hvenær sem þeim þóknast kjósi þær að gera það. Þrátt fyrir að öllum þjóðum sé frjálst að yfirgefa þennan samstarfsvettvang þá hefur það aldrei gerst í yfir hálfrar aldar sögu hans að ríki hafi kosið að gera slíkt. Það segir meira en mörg orð hversu hagstætt það er þjóðum Evrópu að taka þátt í þessum samstarfsvettvangi.

Svavar. Það er ansi þreytt þegar menn geta ekki verið ósammála um kosti þess og galla að taka þátt í samstarfsvettvangi lýðræðisþjóða Evrópu án þess að kalla menn "landráðamenn" fyrir að hafa aðra skoðun en  maður hefur sjálfur. Slíkt segir meira um þann sem lætur slík orð frá sér en þann sem þeim er beint að.

Ef menn vilja meina að einhverjir séu að vinna gegn hagsmunum þjóðarinnar í þessu máli þá má allt eins segja að þeir sem af einhverjum ástæðum vilja hafa af þjóðinni þann efnahagslega ávinning og bætt lífskjör sem að öllum líkindum mun leiða af ESB aðild séu í það minnsta að vinna gegn hagsmunum heimilanna í landinu.

[Svavar Bjarnason (IP-tala skráð) 22.1.2012 kl. 21:55]

Sigurður M Grétarsson.

Ég hélt að allir mundu skilja ironiuna í þessu kommenti mínu.

Ég er Evrópusambandssinni og hef marg oft fengið á mig landráðastimil fyrir það, eins og svo margir aðrir.

[Valgeir (IP-tala skráð) 22.1.2012 kl. 22:22]

Svavar, ég skyldi þína fyrstu færslu rétt. Ég á það líka til að nota ironiuna, en hef líka þurft að skynja að hægt er að misskilja hana.

[Sleggjan og Hvellurinn, 22.1.2012 kl. 22:24]

Ég hélt að þú værir alvara svavar líka

En þú getur fyrirgefið okkur Sigurð. Þú veist það að umræðan er svona. NEI sinnar kalla okkur landráðamenn við minnsta tilefni. Þeir eru ekki að djóka. Það stekkur ekki bros á NEI-lýðinn.

En þettta er allt satt og rétt hjá Sigurði. Það er greinilegt að hann hefur kynnst sér málið vel. Hvet fólk til þess að lesa af athygli.

hvells

[Anna Sigríður Guðmundsdóttir, 22.1.2012 kl. 22:43]

Hvers vegna ætti öllum ekki að vera alveg sama hvort þeir/við drepumst sem þrælar innan ESB, eða þrælar utan ESB? Þetta er allt miðstýrt hvort eð er, og það er búið að mennta vitið og heilbrigða skynsemi úr hausnum á fólki á Íslandi, og út um allan heim.

Heimurinn í ESB er fullkominn, og ekki mögulegt að þar finnist neitt sem getur verið vafasamt! Gangi þeim vel sem trúa þessu!

Ég sé bara ekki þetta sjúka heimsástand með sömu augum, og fjölmiðla-ESB-háskóla-heilaþveginn almenningur. Ég sit uppi með að vera skrýtin, af því ég skil ekki hvað það er sniðugt að búa til allt úr engu, innan seðlabankakerfis EES-ESB.

Þá verð ég bara að sætta mig við að standa í minnihlutanum, og vera kölluð heimsk og þar fram eftir ó-siðferðis-lýsingarorða-götum háskóla-gáfumennanna, alvitru. Sú sama háskóla-gáfa og leiddi okkar þjóð og fleiri þjóðir inn í þrælaskipulagningu heimsmafíunnar.

Ég er vön að standa gegn straumnum, og aldrei hefur það verið nauðsynlegra en að nú, að standa gegn þeirri helför, sem verið er að skipuleggja út um alla Evrópu. Þrælahald hefur aldrei verið bannað, þótt einhverjir háskóla-"eitthvað" hefðu verið látnir telja fólki trú um það.

Nú getur gáfumanna-klíkan fengið að hæðast að mér sem heimskri og þar fram eftir ESB-skipulögðum skoðana-götunum. Níðskrif, sálar og mannorðsmorð er lítið mál fyrir mafíuna, sem stýrir ESB-RÚV og reyndar flest öllu á Íslandi nú orðið.

Króatía hefur greinilega verið með vel ESB-launaða auglýsingastofu þar í landi, eða hvað?

Gangi ykkur vel í ESB-himnaríkinu á jörðinni. Hvort á að flytja jörðina til himnaríkis, eða himnaríkið til jarðarinnar? Er kannski ekki búið að ákveða það ennþá? Í upphafi skal endirinn skoða.

Ég enda þessa athugasemd með upphafi III kafla úr bók Jóhannesar Björns: Falið Vald, sem var endurútgefin árið 2009 með viðbæti.

Bandaríkin falla í gryfjuna

"Undir yfirborðinu hafa Rothschildarnir haft áhrif á mótun viðskiptalaga í Bandaríkjunum. Lagaskjöl sýna að þeir voru afl í gamla Ameríkubankanum."

Barátta alþjóðlegu bankanna við að koma á fót alríkisbanka (seðlabanka) í Bandaríkjunum er mjög lærdómsrík og sýnir okkur gildi miðstýringar betur en flest annað. Svo snilldarlega var að málinu staðið, að flestir Bandaríkjamenn héldu-- og halda enn-- að stofnun alríkisbankans táknaði sigur fólksins yfir peningavaldinu. Ekkert er meiri fjarstæða.

Stofnendur Bandaríkja Norður-Ameríku gerðu sér glögga grein fyrir hættunni sem er samfara sterkri miðstýringu, stjórnmálalegri eða peningalegri. Tomas Jefferson (þriðji forseti landsins) skrifaði John Adams: ,,...ég trúi sannarlega með þér að bankastofnanir eru hættulegri en fastaher''. Þessir menn trúðu (eftir slæma reynslu af Bretum) að ríkisstjórnir stjórnuðu best sem stjórnuðu minnst, og dreift vald væri öllum fyrir bestu.

Stjórnarskrá Bandaríkjanna var skrifuð með þessu hugarfari og er sennilega eina stjórnarskrá veraldarsögunnar sem tryggir frelsi og rétt einstaklingsins verulega. Og að er gert með valddreifingu. Hvert einstakt fylki landsins er eins og sjálfstæð eining og mögulegt er, en stjórnin í Washington er ábyrg fyrir sameiginlegum þörfum heildarinnar, t.d. hæstarétti og alríkisher. En Adam var ekki lengi í Paradís.

Hæstiréttur Bandaríkjanna og stjórnvöld hófu snemma að mistúlka þetta merkilega plagg og auka við það á kostnað einstaklingsins: Fólki var bannað að eiga gulltryggða mynt, en fékk í hendurnar óstöðugan pappír sem óvandaðir menn gátu gert verðlausan með pennastriki; komið var á fót miðstýrðu peningakerfi; byssueign var víða bönnuð, þrátt fyrir skýr ákvæði í stjórnarskránni (second amendemt); fólki var á tímabili bannað að drekka áfengi; tekjuskattur var innleiddur; og ríkisbáknið byrjaði að teygja sig inn á flest svið mannlífs (og vasa almennings). 

Það ættu allir að lesa þessa nýjustu útgáfu af bókinni: Falið Vald. Minni svo á vef Jóhannesar Björns: vald.org                                

M.b.kv. 

[Ómar Bjarki Kristjánsson, 22.1.2012 kl. 22:54]

,,Heimurinn í ESB er fullkominn, og ekki mögulegt að þar finnist neitt sem getur verið vafasamt! Gangi þeim vel sem trúa þessu!"

Það er bara enginn sem trúir þessu. þeir sem eru fylgjandi þeirri þróun að Ísland gerist fullgildur aðili að EU, telja að það hagnist Íslandi best, til langs tíma litið, að gerast aðili að sambandinu. það er enginn sem trúir því að EU sé paradís eða að það leysi öll vandamál Íslands.

[Rekkinn (IP-tala skráð) 22.1.2012 kl. 23:42]

Farðu nú að læra á púkann og farðu á réttritunarnámskeið í hvelli Hvellur svo hægt sé að skilja það sem þú reynir að segja.

Þetta með að kynna sér ESB....

Það vita allir á Íslandi það sem þarf að vita um ESB nema þið innlimunarsinnar. Þið eruð ekki læsir, það hafið þið sannað hjálparlaust.

Um ykkar blautu drauma og ESB kemur þetta í hugann.

Vér eplin með, sögðu hrossataðskögglarnir.

Enda hafið þið það fyrir satt sem alkunna er hjá ESB sinnum að efnahagsvandi Bandaríkjanna er af því þeir eru ekki með Evru....

[Sleggjan og Hvellurinn, 23.1.2012 kl. 00:18]

Rekkinn

Þetta er innihaldslaust raus. Ég get varlað svarað þessu vegna þess að það er erfitt að svara froðu.

En það er gott að þú viðurkennir að það er efnahagsvandi í USA. Vegna þess að þið NEI sinnar teljið aðalega engöngu vera kreppu í ESB.

hvells

[Eggert Sigurbergsson, 23.1.2012 kl. 00:25]

"ESB tekur ekki auðlindir af þjóðum. Finnar eiga ennþá sína skóglendi og Bretar eiga ennþá sínar olíulindir." enda ekki SAMEIGINLEGAR AUÐLINDIR ESB!

Það eru bara fiskveiðiauðlindir sem verða að sameiginleg eign ESB enda skipta þær engu máli fyrir öll núverandi ríki ESB. Það jafnast á við seindrepandi sjálfsmorð fyrir íslenska þjóð að afhenda ESB fiskveiðiauðlindina og ekki nema kjánum sem dettur það í hug. Ástæðan fyrir því að fiskveiðiauðlindir verða sameign ESB er að í þeirra huga er þetta UMHVERFISMÁL!

[Eggert Sigurbergsson, 23.1.2012 kl. 00:35]

"...utanríkisráðherrann, Vesna Pusic, hvetur fólk til að greiða atkvæði með inngöngu til bjargar efnahag landsins."

Fólk í Króatíu á ekki annarra úrkosta heldur en að kjósa JÁ enda býður þeirra efnahaglegt sjálfsmorð að þiggja ekki miljarða Evra sem ESB dælir inn í landið frá þeim fáu löndum sem borga í sambandið. Það er talið að NEI hefði þýtt 1,4miljarð Evra strax í tapaðar greiðslur frá ESB. Öll A-Evrópuríkin ganga í ESB til að fá ókeypis innviði og væri hreinlega óeðlilegt að hafna því að fá ókeypis peninga.

Íslendinga býður bara að greiða INN Í SAMBANDIÐ OG AFHENDA ESB FISKVEIÐIAUÐLINDINA.

[Sleggjan og Hvellurinn, 23.1.2012 kl. 00:53]

Rögnvaldur sagði

"Ef við göngum í ESB þá töpum við auðlindum okkar, af hverju haldið þið að ESB vilji fá okkur inn þegar svo góðar líkur eru á olíufundi, þegar við höfum ómetanlegar auðlindir í jarðvarmaorku og vatnsorku"

 og þú Eggert segir

"ESB tekur ekki auðlindir af þjóðum."

Ég vona að Rögnvaldur les þetta sem þú skrifaðir. Þetta kemur frá NEI sinna. ESB mun ekki taka olíu eða orkuna af okkur.

Hinsvegar er rétt að við munum gangast undir sameiginlega sjávarútvegstefnu ESB. En hlutafallslegur stöðugleiki tryggir okkur óbreytta veiði. 

Okkur mun bíða sérlausnir í sávarútveginum. Við skulum bíða eftir samninginum því hvorki ég né eggert vitum fyrirfram hvað stendur í honum.

hvells

[Eggert Sigurbergsson, 23.1.2012 kl. 01:30]

hvells, Reyndu að fara rétt með , ég kvótaði innan gæsalappa ummæli frá þér þar sem þú fullyrðir að ENGAR auðlindir verða teknar.

Það er á hreinu að fiskveiðiauðlindin verður sameiginleg AUÐLIND ESB þannig að fullyrðingin þín um að ESB taki ekki auðlindir af þjóðum á ekki við rök að styðjast enda virðist þú fá þínar heimildir á ja.is.

Sameiginleg sjávarútvegsstefna ESB er til að stýra sameiginlegri auðlind ESB sem er fiskur.

Okkar bður ekkert í samningum við ESB nema TÍMABUNDIN AÐLÖGUN! og tilflutningur á fiskveiðiauðlindinni til ESB.

" The Common Fisheries Policy (CFP) is an EU policy designed to make EU fishing grounds a common resource by giving access to all member states."

Það er yfirlýst langtímamarkmið ESB að allar aflaheimildir innan ESB verði settar á markað og öllum verði frjálst að bjóða í þær og verka eftir sínum geðþótta. (Green paper 2001).

[Ólafur Björn Ólafsson, 23.1.2012 kl. 01:50]

Nenti ekki að lesa langlokur athugasemdanna.

Það er ekki hægt að kalla það skynsemi þó menn viti ekki betur og kjósi því yfir sig yfirþjóðlegt vald.

Svona kosningar einskorðast ekki við að kjósa yfir sig yfirþjóðlegt, sjáðu bara núverandi ríkisstjórn hér á landi. Sú ólýðræðislegasta frá upphafi sögunnar. Sem betur fer getum við kosið aftur síðar en, það gera menn ekki með ESB forseta og þingmenn vita því ekkert fyrir hvað þetta pakk stendur...

Kaldi

[Sigurður M Grétarsson, 23.1.2012 kl. 22:59]

Eggert Sigurbergsson. Það er rangt hjá þér að fiskveiðiauðlindir séu sameiginlegar í ESB. Það eru þær ekki, hafa aldrei verið og hefur aldrei staðið til að þær verði. Það eru engar auðlindir sameiginlegar í ESB og þar eru engar undantekningar.

Ákvarðanir í umhverfismálum eru sameiginlegar að allmiklu leyti í ESB enda þar um mál að ræða sem í mörgum tilfellum er ekki hægt að leysa á grunvelli þjóðríkja. Meðal þess sem þannig er hluti af sameiginlegum ákvörðunum ESB eru ákvarðanir um heildarafla í þeim fiskveiðistofnum sem ESB ríki ráða yfir. Það breytir þó ekki því að hvert ríki um sig ákveður hverjir fá að veiða úr þeirra fiskistofnum það magn sem ákveðið er að heimila veiðar á og hafa ríkin engar skyldur til að deila sínum veiðiheimildum með öðrum ESB ríkjum. Hins vegar eru margir fiskistofnar innan ESB sameign tveggja eða fleiri ESB ríkja og fær hvert þeirra hlutdeild í þeim stofnum í samræmi við veiðireynslu í samræmi við hafréttarsáttmála Semeinuðu þjóðanna. Þannig væir þetta líka jafnvel þó ekkert ESB væri til.

Þetta er einn þáttur í blekkingaráróðri ESB andstæðinga að ljúga því að fiskistofnarnir séu sameiginlegir til að fá fólk til að vera andstætt ESB á fölskum forsendum. Það lýsir vel málefnafátækt ESB andstæðinga að telja sig þurfa að beita blekkingum til að afla málstað sínum fylgis.