Skrýtin ákvörðun Össurar til að fá "Jón Baldvins" fjöður í hattinn

Palestínumönnum var boðið þetta landsvæði árið 1947 en þeir sögðu nei takk og hófu stríð til þess að eyða Ísrael en tókst ekki. Svo aftur ásamt fleiri arabaþjóðum 1967 en tókst ekki. Nú segja Palestínumenn að þeir voru bara að djóka og vilja taka 1947 dilinn en hann er ekki í boði að mér sýnist.

Samt lógískt að Palestína má taka Gaza svæðið með skilyrði um lýðræði (svo má deila um Hamas flokkinn sem þar ræður ríkjum sem er með á stefnuskránni að eyða Ísrael). En Vesturbakkinn er ekki skynsamlegt að gefa Palestínumönnum, enda er Vesturbakkinn ekki tengdur Gaza á neinn hátt, ekki landfræðilega né pólítískt. Ekki vit í því að stofna ríki í tveimur pörtum.

 Hér er hann Össur að reyna að dansa einhvern Jón Baldvin dans þegar hann viðurkenndi fyrstur allra sjálfstæði Litháens. Jón Baldvin gerði þá rétt í stöðunni og var góða framtíðarsýn.

Nú vill Össur feta í hans fótspor og öðlast þá virðingu sem Jón Baldvin nýtur í dag. Hann segir m.a. "Ísland er fyrsta landið úr hópi gróinna lýðræðisríkja Vesturlanda sem viðurkennir fullveldi Palestínu. Við erum fyrst Norðurlandanna til að stíga þetta sögulega skref. Fyrir baráttu Palestínu, sem helst skortir stuðning ríkja á Vesturlöndum, skiptir það gríðarlega miklu máli að Ísland, sem er stofnþjóð að Atlantshafsbandalaginu, og umsóknarríki að Evrópusambandinu, viðurkenni fullveldi ríkisins."

Hér talar hann helst um að Ísland væri fyrst ríkja að viðurkenna sjálfstæðið og hvað það er frábært en færir ekki sérstök rök af hverju hann vilji kvitta undir sjálfstæðið.

Hann heldur áfram :

"Ferð mín fyrr á árinu til Gaza, Vesturbakkans og Austur-Jerúsalem var farin eingöngu til að styrkja málstað Palestínu."

Í þessari ferð hans fékk hann án efa hlutlausar upplýsingar um stöðuna. Vona að í næstu ferð fari hann til Ísraels  í borgirnar Ashkelon og Ashdod og tali við íbúana þar  og hvernig þau ströggla að lifa eðlilegu lífi þrátt fyrir stanslausar árásir eldflauga frá Gaza svæðinu og stanslausan ótta við hryðjuverk.

 

 

 

 

 

kv

Sleggjan

Samþykktu að viðurkenna fullveldi Palestínu

Athugasemdir

[Agnes (IP-tala skráð) 29.11.2011 kl. 19:15]

Þú veist að flóttamennirnir á Gaza áttu heima á þessu svæði þar sem Ashkelon og Ashdod eru áður en þeim var sparkað í burtu og gerðir að flóttamönnum í sínu eigin landi. Og talandi um að ströggla til að lifa eðlilegu lífi, fólkið á Gaza er læst inni á þéttbýlasta svæði heims! Og það er verið að svelta þau þar hljóðlega til dauða. Þau þurfa að lifa við eilífar loftárásir af höndum Ísrael og það frá F-16 orrustuflugvélum sem valda talsvert meiri skaða heldur en heimatilbúinn elflaug. Það er löglegt að berjast gegn ólöglegu hernámi, og Hamas hefur ekki framið sjálfsmorðárásir í langan tíma, enda er það frekar ógeðfelld leið og leiðir ekki til neins, en hvernig öðruvísi eiga þeir svosem að berjast gegn einum sterkasta her í heimi sem hefur flugvélar og herskip? Ég hef eytt tíma á Vesturbakkanum og ég get sagt þér að Ísraelmenn eru alveg jafn miklis fasistar og  Hitler var, sorglegt en staðreynd.

[V.Jóhannsson (IP-tala skráð) 29.11.2011 kl. 20:25]

Ég hélt að Össur væri Hamas sinni en ekki PLO sinni, eða er hann bara tækifærissinni? En, ég hef spurt áður og spyr enn - Af hverju opna Egyptar ekki landamæri sín að Gaza? Ég hef heyrt, að þeir opni ef Hamas leggur niður laupana og PLO taki yfir, en getum við átt von á því? Markmið Hamas er að útrýma Ísrael og á meðan svelta þeir sitt eigið fólk og misþyrma andlega, til að fá meðaumkun frá heimskingjunum í vestri og nóg er nú af þeim, til að blása upp áróðrinum.

Múslimar kalla vinstra fólk á vesturlöndum " nytsömu idiotin", sem eru orð að sönnu.

[Sleggjan og Hvellurinn, 29.11.2011 kl. 20:42]

Það er rétt að Palestínumenn áttu stærra landsvæði áður fyrr. En það var einfaldlega samþykkt af Sameinuðu Þjóðunum að Ísrael skyldi stofnað. Ekki mótmæltu Íslendingar því. Og ef þú vilt rifja upp söguna þá bjuggu gyðingar þarna á undan Palestínumönnum áður en þeim var einnig "sparkað í burtu".

Ef þú last færsluna þá mældi ég með því að Palestínumenn myndu fá Gaza svæðið. Ísrael gaf frá sér landsvæðið árið 2005. Þar mega Ísraelar auka ferðafrelsi á landsvæðinu og minnka öryggisgæslu í áföngum. Spurning hvernig lýðræði Palestínumenn vilja þar, Sharia lög? Hamas enn við völd? Aldrei að vita.

 Ólöglegt hernám segiru, það hafa verið stríð í heiminum frá upphafi mannskyns. Við stríð breytast og riðlast landsvæði. Skoðaðu sem dæmi landakort frá fyrri heimstyrjöld. Árið 1967 réðust 4 Arabaþjóðir samtímis á Ísrael og töpuðu. Og já, Ísrael tóku ákveðin landsvæði í kjölfarið eins og algengt er í stríðum. Þessi "löglega" barátta gegn Ísrael eftir að hafa tapað landsvæði í stríði er óheppileg.

Hamas hafa ekki framið sjálfsmorðsárásir lengi sem betur fer. En eldflaugararnar eru ennþá að lenda á Ísrael og þessum tveim borgum m.a. sem ég nefndi. Þar þekkja flestir einhvern sem hafa látist eða dáið í eldflaugaárásum. Og ég dvaldi þar og þar er hin geðrænu áhrif sem þetta hefur á fólk frekar alvarlegt. Fólk vaknar upp með martraðir, endalaus streita, öryggisleysi og fleira. Enda geta íbúar átt vona á árásum 24/7 , allan ársins hring. Væri streitandi að búa þannig.

Er ekki að draga úr þjáningum Gaza búa. En það vill oft gleymast hin hliðin á peningnum.

 sleggj

[Sleggjan og Hvellurinn, 29.11.2011 kl. 20:51]

@ V jóhannesson

Egyptar ættu að opna landamærin að Gaza og losa aðeins um "fangelsið". Svo mega Ísraelar að gefa eftir öryggisgæslu í áföngum.

[Sleggjan og Hvellurinn, 29.11.2011 kl. 20:52]

V. Jóhannsson *

[Batman (IP-tala skráð) 29.11.2011 kl. 21:37]

Þó má nefna að eftir 1945 var bannað samkvæmt sátmálum sameinuðuþjóðanna, sem Ísrael er aðili að, að innlima hertekið land.

[Guðlaugur (IP-tala skráð) 29.11.2011 kl. 21:38]

Það er um að gera fyrir ríkisstjórn sem er með allt niðrum sig

innan síns eiginlands að standa í einhverju svona þrugli og þvaðri. Sveltið áfram þið sem standið í röðumeftir matargjöfum, þingmenn verða að bjarga Palestínu. Því likir uppskafningar. Gs

[Pétur (IP-tala skráð) 29.11.2011 kl. 22:59]

,,Og ef þú vilt rifja upp söguna þá bjuggu gyðingar þarna á undan Palestínumönnum áður en þeim var einnig "sparkað í burtu"."

 Og þaráður áttu Egyptar Jerúsalem, hversu langt aftur í tímann á að fara ef við ætlum að nota afsökunina ,,ég bjó þarna fyrst''?

Fyrst við erum byrjaðir, af hverju ekki að hreinsa Bandaríkin af öllum nema innfæddum indíánum og reka til Evrópu, gefa írskum munkum 75% af Íslandi og restin lifir á afgirtum svæðum. 

Staðreyndin er sú að það eru tæp 60 ár síðan það var ákveðið í flýti að gera heila þjóð flóttamenn í eigin landi og gefa flestallt landsvæði þeirra undir aðra ,,þjóð''. Það er ekki einu sinni heil mannsævi.

Ég get ímyndað mér að Palestínumenn séu ósáttir með það að þurfa að una þessu mikla óréttlæti og hefur þetta mál örugglega ekkert hjálpað þeim deilum sem ríkja á milli kristinna og múslima.

Því verð ég að segja að ég er mjög ánægður með ríkisstjórnina að styðja það að Palestína fái loks viðurkenningu sem eigið ríki, vonum bara að þetta sé skref eitt í því að friður náist á þessu svæði.

[Sigurður M Grétarsson, 29.11.2011 kl. 22:59]

Sleggjan og hverllurinn. Þarna ferð þú nokkrum sinnum rangt með staðreyndir og ert að lepja upp lygaáróður Íslraela.

 Áðúr en arabaþjóðir réðust á hið nýstofnaða Ísrael árið 1948 höfðu hryðjuverkasveitir stofnenda Ísraelsríkis ráðist að aröbum á þessu svæði og hrakið þá frá heimilum sínum. Þeir hröktu að minnsta kosti 700 þúsund araba til annarra landa og hafa ekki hleypt þeim aftur til heimkynna sinna þrátt fyrir skýrar relgur í alþjóðalögum sem skylda þá til að gera það auk margra samþykkta Sameinuðu þjóðanna um að þeim beri skylda til þess.

Það var því hafið stríð þarna sem Zíonistar hófu áður en Arabaþjóðirnar réðust á Ísrael meðal annars til að reyna að rétta hlut þeirra sem þeir höfðu hrakið frá heimkynum sínum.

Það voru Ísraelar en ekki Arabar sem hófu sex daga stríðið árið 1967. Það voru Ísraelar sem réðust á Arabaþjóðirnar en ekki öfugt eins og reyndar í nánast öllum styrjöldum sem orðið hafa milli þessara þjóða.

Ísraelar hafa reyndar lengi reynt að koma sökinni yfir á Arabaþjóðirnar varðandi sex daga stríðið með því að halda því fram að Arabaþjóðirnar hafi verið í startholunum með að ráðas á þá og þeir hafi því ákveðið að verða fyrri til. Þeir hafa bent á mikinn liðsafnað herja þeirra við landamærin við Ísrael fyrir stríðið. Því er til að svara í því efni að í aðdraganda stríðsins höfðu Ísraelar vígbúist mikið með miklum vopnakaupum og þegar óvinaþjóð eykur verulega við vopnabúnað sinn þá álykta menn oftast að þeir séu að undirbúa stríð og eðlileg viðbrögð við því er að senda herdeildir til landamæranna við viðkomandi óvinaríki.

Ísraelar ætluðu reyndar að nota aðra afsökun fyrir því að ráðast á Arabaríkin og fá Bandaríkin til að aðstoða sig við árás á Egypta með ákveðinni fléttu. Þeir réðust á banaríska njóskaskipið Liberty með það að markmiði að sökkva því og drepa alla áhafnarmeðlimi og kenna Egyptum um það. Þeir réðust á skipið og um leið trufluðu þeir öll fjarskipti til að koma í veg fyrir að áhöfnin gæti setn út neyðarkall og upplýst hverjir væru að ráðast á þá. Ísraelskir orustuflugmenn sem neituðu að ráðast á bandaríska skipið voru dregnir fyrir herrétt.

Þegar ekki tókst að sökkva skipinu með loftárásum voru sendar hersveitir með léttbátum sem skutu nokkra bandarísku sjóliðana af stuttu færi og reyndu að ráðast um borð í skipið og þá væntanlega til að drepa alla áhöfnina og sökkva skipinu. Áhöfninni tókst hins vegar að verjast árás þessara manna og tókst að lokum að komast framhjá fjarskiptatruflunum Ísraela og senda út neyðarkall þar sem þeir upplýstu hverjir væru að ráðast á þá. Í kjölfarið hættu Ísraelar árásunum og stór hluti áhafnarinnar lifði af til að segja frá því sem gerðist.

Viðbrögð bandarískra stjórnvalda var að taka undir með þeirri lygi Ísraela að um óviljaverk hafi verið að ræða. Þeir skipupu "rannsóknarnefndi" sem komst að þeirri niðurstöðu að þetta hafi verið óviljaverk. Mörgum árum seinnta hefur formaður þeirrar nefndar upplýst að nefndin hafi fengið um það fyrirmæli frá Lindon B. Johnsson forseta að niðurstaðan ætti að vera sú að um óviljaverk hafi verið að ræða. Því hafi nefndin gefið út þá niðurstöðu þrátt fyrir yfirgnæfandi sönnunargöng um hið gagnstæða.

Vissulega er ekki gott að lifa við stöðugar árásir og getur það haft áhrif á aldlega heilsu. Það er hins vegar rangt að flestir þekki einhverja sem hafi látist í eldflaugaárásum Palestínumanna því það hafa aðeins 5 manns látist í þeim þrátt fyrir að mörg þúsund flaugum hafi verið skotið enda nákvæmni þeirra lítil. Það þekkja hins vegar flestir Palestínumenn einhverja sem látist hafa í fjölmörgum eldflaugaárásum Íslraela enda þær mun fleiri og með mun nákvmari og öflugri vopnum. Ísraelar hafa drepið um 5 þúsund Palestínumenn á seinustu tólf árum.

Hvað íbúa þeirra bæja sem Palestínumenn hafa skotið á þá eru þeir bæjir hluti af ólöglegu hernámi ísraela alþjóðlög heimila vopnaða baráttu gegn hernámi. Ef þetta fólk á erfitt með að lifa við þessar eldflauga eða öllu heldur rakettuárása þá geta þeir eifaldlega hypjað sig af þessu ólöglega hernunda landi og farið aftur inn fyrir löglega landamæri Ísraels. Þeir hafa engan rétt á að setjast að á ólöglega hernumdu landi samkvæmt alþjóðalögum.

[Sleggjan og Hvellurinn, 29.11.2011 kl. 23:11]

@ Pétur

Ef þú spáir í kommentinu mínu þá sagði ég þetta í kaldhæðni við manneskjuna sem ég var að svara. Palestínumenn og Ísraelsmann hafa bæði sögulega skýrskotun á þetta landsvæði.

Líkt og þú bendir á þá er auðvitað ekki hægt að nota söguna til að réttlæta allt.

kv

[Sleggjan og Hvellurinn, 29.11.2011 kl. 23:54]

@ Sigurður

-Zionistahreyfingin byrjaði í lok nítjándu aldar og af gefnu tilefni. Gyðingar voru hraktir í burtu hvar sem þeir fóru og þráðu ríki. Þeir flyktust til Palestínu, gamla upprunalandsins. Ekki er hægt að lasta þeim fyrir það. Ef þeir væru ekki ofsóttir hvert sem þeir færu þá væri eflaust ekkert Ísraelsríki til í dag.

Margir arabar höktust í burtu. En þetta voru samt fyrst og fremst deilur milli þjóðarbrota þar sem annar aðilinn er ekki einungis sekur. Á þessum tíma fluttu einnig fullt af Aröbum til Palestínu frá nágrannaríkjum til að taka þátt í baráttunni.

- Það er engin óyggjandi söguskýring á hver átti upphafið af sex daga stríðinu. Vert er að benda á að Nasser froseti Egyptalands var margbúinn að segja við þjóð sína að hann ætlaði að þurrka Ísrael út af kortinu, bara spurning um hvenær. Þetta gekk svo langt að þetta var forsenda vinsælda hans. Óþarfi að vera hissa að Ísraelar vígbúast á meðan.

- Vissulega athyglisverð söguflétta með Liberty njósnaskipið. En eflaust spilar sú atburðarrás ekki stóra rullu í sambandi við ástandið í dag og næstu skref milli Palestínu og Ísraela

- Varðandi þessar tvær borgir Ashdod og Ashkelon þá er það ekki rétt að borgirnar séu hluti af sokölluðu hernámi eftir sex daga stríðið.

kv

[Helgi (IP-tala skráð) 30.11.2011 kl. 07:18]

Sæll.

Það er ekki hægt að kenna bara Ísraelum um allt, sjaldan veldur einn er tveir deila. Nú ætla ég ekki að gera lítið úr þjáningum Palestínumanna en þeim hefði getað lokið fyrir löngu síðan ef þeir hefðu sjálfir kosið það.

Ég held að allir styðji sjálfstætt ríki Palestínumanna, og þar á meðal ég, en málið er bara ekki alveg svona einfalt. Það er um mjög margt að semja: Hvar eiga landamærin að liggja? Hvernig á samgöngum á milli Vesturbakkans og Gaza að vera háttað? Hvað með flóttamenn? Hvað með araba sem búa í Ísrael? Hvað með Jerúsalem?

Fyrst þurfa þó Ísraelar einhvern til að semja við. Við Hamas er ekki hægt að semja enda er það þeirra stefna að þurrka út Ísrael. Er hægt að semja við Fatah? Það hefur ekki verið hægt hingað til. Abbas fór nýlega í fýlu og aflýsti samningaviðræðum vegna þess að Ísraelar leyfðu byggingu landnemabyggða í A-Jerúsalem en það hverfi er að meirihluta byggt gyðingum. Gyðingar hafa alltaf verið fjömennir í Palestínu, alltaf. Gyðingar hafa verið meirihluti íbúa Jerúsalem frá 1867. Af hverju ættu þeir þá ekki að fá að byggja íbúðir í Jerúsalem, sérstaklega í því hverfi þar sem þeir eru fjölmennir? Abbas er einfaldlega ófær um að semja frið og leiða þjóð sína til sjálfstæðis. Ástæðurnar fyrir því eru nokkrar en verða ekki raktar hér.

Menn gleyma því alltaf,  viljandi eða óviljandi, að Ísraelar fóru að eigin frumkvæði frá Gaza og leyfðu Palestínumönnum að ráða sínum málum þar. Hvernig hefur það nú tekist til? Hvernig hefur Hamas staðið sig þar? Hvað gerði Hamas við Fatah liða þar? Eru þeir að fjárfesta eða gera eitthvað til að undirbúa sjálfstætt ríki Palestínumanna? Sjálfstætt ríki þarf menntað fólk og verksmiðjur, það þarf að hafa tekjur og geta staðið án erlendrar aðstoðar. Á hverju ætlar þetta ríki að lifa? Í bili halda Bandaríkjamenn og aðrar þjóðir lífinu í Palestínumönnum með peningagjöfum. Hvernig ætti Abbas að geta borgað laun ef hann fengi ekki fé gefins erlendis frá? Hver borgar utanlandsferðir hans? Hver kostar lögreglu Palestínumanna og hver þjálfar hana?

Á hverju ætlar þetta sjálfstæði ríki þeirra að lifa? Á það alltaf að fá peninga gefins? Hvers vegna kýs Hamas að eyða fé í vopnabúnað í stað þess að fjárfesta t.d. í menntun þegna sinna eða framleiðslutækjum? Svarið er að Hamas eru hryðjuverkamenn sem geta ekki stjórnað land og þess vegna vill enginn ræða við þá. Friðarviðræður hafa verið í gangi milli Hamas og Fatah um nokkra stund og ganga þær ekki vel.  Því miður fyrir Palestínumenn eru þeir klofnir og kemur sá klofningur niður á þeim. Gaza er haldið í kví af ákveðnum ástæðum sem sumir hér virðast kjósa að líta framhjá vegna haturs síns á gyðingum.

Hvers vegna halda menn að Hamas hafi ekki staðið þétt við hlið Abbasar þegar hann ákvað að leita viðurkenningar SÞ á sjálfstæðu ríki Palestínumanna? Af hverju spurði enginn fjölmiðill eða þingmaður þeirrar spurningar? Sér enginn neitt bogið við það? Sér enginn neitt bogið við að Abbas eyði tíma í þetta í stað þess að semja við Ísraela? SÞ geta ekki leyst hans vandamál og Abbas er raunar búinn að koma SÞ, sérstaklega UNESCO, í slæmt klandur með þessu brölti sínu. SÞ getur ályktað út í hið óendanlega án þess að það breyti nokkru, þessir aðilar þurfa að semja og þá geta SÞ viðurkennt ríkin - ekki öfugt eins og Abbas virðist halda.

Fjölmiðlar hér eru uppfullir af rangfærslum og nefna t.d. ekki að verulegur fjöldi eldflauga frá Gaza hefur lent í Ísrael undanfarna daga. Er það í lagi? Agnes hér að ofan virðist ekki skilja að fyrst er eldflaugum skotið og þá er því svarað með loftárásum, hér skiptir megin máli hvað gerist fyrst.

Stærsti vandi Palestínumanna er stjórnmálamenn þeirra. Ísraelarnir hafa sýnt að hægt er að semja frið við þá. Það er ekki hægt að líta sífellt framhjá staðreyndum eins og t.d. þeim sem ég nefndi að ofan. Miklu skiptir einnig að þessi tvö ríki geti átt friðsamleg samskipti en það er fátt sem bendir til þess þegar stór hluti Palestínumanna lætur leiðtoga sína heilaþvo sig í hatri á Ísraelum. Nú er ég ekki að reyna að gera lítið úr þjáningum þeirra en þær eru verulegar á báða bóga - þess vegna er svo sorglegt að ekki hafi enn tekist að semja um þessi mál.

@SMG: Af hverju heldur þú að Ísraelar hafi fyrst ráðist á arabana í júní 1967? Nasser kom miklu fjölda hermanna fyrir við landamæri Ísraels í maí 1967. Var það til að koma hermönnunum í sólbað og leyfa þeim að njóta útsýnisins? Jórdanar leyfðu hersveitum frá Írak að koma sér fyrir í Jórdaníu í lok maí. Voru það bara ferðamenn að skoða heiminn? Nasser lokaði Súes skurðinum fyrir ísraelskum skipum rétt eftir miðjan maí. Hvers vegna gerði hann það nú?Gyðingar hafa búið í t.d. Ashdod frá 8. öld fyrir krist þannig að gyðingar eru ekki nýkomnir til þangað.

Nú er ég ekki að reyna að segja að Ísraelar séu eintómir englar en hérlendis er alltaf allri sökinni velt á þá í stað þess að skoða málin hlutlægt. Það er augljóslega ekki í lagi. Voru ekki nánast allir hér sem ruku upp til handa og fóta þegar Mavi Marmara málið kom upp? Video af þeim atburðum sýndi glögglega hvað gerðist en það var auðvitað ekki rætt. Hvers vegna?

[Sigurður M Grétarsson, 1.12.2011 kl. 23:32]

Sleggjan og hvallurinn. Ég sagði aldrei að borgirnar Ashdod og Ashkelon væru hluti af hernáminu eftir sex daga stríðið. Þær eru hluti af ólöglegu hernámi Ísraela í stríðinu 1948 til 1949. Það hernám er alveg jafn ólöglegt og hernámið eftir sex daga stríðið þó ekki hafa komið fram ályktanir frá Sameinuðu þjóðunum um að Ísraelum beri að skila því.

Sex daga stríðið var ekkert annað en árásarstríð Ísraela til þess gert að ræna meira landi frá Aröbum.

Hvað atburðurinn með Liberty varðar þá á hann vissulega erindi við okkur í dag í tengslum við þetta því hann sýnir svart á hvítu að það er aldrei hægt að treysta því að Ísraelar segi satt og rétt frá atburðum og að þeir beita öllum meðulum til að ná sínu fram sem er að ræna eins miklu landi af Aröbum og þeir geta.

Hvað varðar palestínska frlóttamenn erlendis þá eru þetta fórnarlömb grimmilegra þjóðernishreinsana stofnenda Ísraelsríkis og þeri eiga skilyrðislausan rétt á að fá að snúa aftur samkvæmt bæði alþjóðalögum og samþykktum Sameinuðu þjóðanna. Það er nákvæmlega ekkert sem réttlætir það að gerðir verði friðarsamningar sem ekki innifelur rétt þeirra til að snúa aftur til þeirra svæða sem þeir, foreldrar þeirra afar eða ömmjur voru hrakin frá.

Hvað landamærin varðar þá er ekkert sem réttlætir það að Ísraelar fái svo mikið sem fermillimeter af því landi sem Aröbum var úthlutað af Sameinuðu þjóðunum árið 1947. Hins vegar hafa Palestínumenn ljáð máls á því að notast við vopnahléslínuna frá 1949 til 1967 og gefa Ísraelum þar með helming lands síns til að ná fram friði en á það vilja Ísraelar ekki heyra minnst og hafa aldrei ljáð máls á neinni málamiðlum sem getur talist samningstilboð heldur aðeins komið fram með tilboð sem í besta falli getur talist niðurlægjandi uppgjafarskilmálar fyrir Palestínumenn.

 Það er því út í hött að gera kröfu til þess að Palestínumenn semji við Ísrala áður en þeir fá land sitt viðurkennt. Það setur Palestínumenn í þá stöðu að þurfa að samþykkja afarkosti Ísraela eða fá aldrei viðurkenningu á sálfstæði sínu ella. Með því að viðurkenna ríki þeirra strax og jafnvel taka upp stjórnmálasamband við það eru Palestínumenn settir allavega í átt til jafræðis við Ísraela við samningaborðið. Ef samræmis ætti að gæta í málflutningi þeirra ríkja sem sega að Palestínumenn verið að semja fyrst áður en ríki þeirra er viðurkenn þá ættu þau sömu ríki að slíta öllum tengslum við Ísralea þangað til þeir eru búnir að semja við Palestínumenn. Ef ekki er í lagi að Palestínumenn hafi sjálfstætt og fullvalda ríki áður en þeir eru búnir að semja við Ísraela þá er heldur ekki í lagi að Ísraelar hafi sjálfstætt og fullvalda ríki fyrr en þeir eru búnir að semja við Palestínumenn.

Hvað varðar landránsbyggðir Ísraela í Austur Jerúsalem þá er það einfaldlega bannað samkvæmt alþóðalögum að sölsa undir sig hernumið landsvæði og flytja eigin íbúa þangað. Þetta er líka einfaldlga þannig að Ísraelar eru að framkvæma þjóðernishreinsanir í Austur Jerúsalem með það í huga að hafa sterkara tilkall til borgarhlutans í friðarviðræðum. Þeri flytja sína þegna til Austur Jerúsalem á sama tíma og þeir banna allar nýbyggingar Palestínumanna þar. Markmiðið er að ná fram meirihluta meðal gyðinga í borgarhlutanum til að geta frekar sölsað hana undir sig (rænt) honum af Palestínumönnum. Það er því ekki við Abbas að sakast að friðarviðræðurnar hafi silgt í strand út af þessum gyðigabyggðum því þær eru með öllu óréttlætanlegar og því er það sök Ísraela að voga sér að gera þetta og ögra Palestínumönnum með þessum hætti í aðdraganda friðarviðræðna. Það er því sök Ísraela að friðarviðræðurnar komast ekki af stað. Þeir eiga einfaldlega að hypja sig brott af löllu hernumdu svæði og það strax. Það er ekkert sem réttlætir þessar landaránsbyggðir þeirra.

Á meðan Ísraelar loka landamærum Gasa og sprengja regluleg upp innviði samfélagsins þar meðal annars rafveitur þá er útilokað að byggja þar upp atvinnulíf og þá sérstaklega milliríkjaviðskipti. Það er því ekki við Palestínumenn að sakast að þar er ekki öflugt atvinnulíf og að þeir þurfi að lifa á styrkjum rétt eins og Ísraelar þurfa líka að gera enda myndi efnahagur Ísraels hrynja til grunna ef Bandaríkjamenn hættu að styrkja þá. Því er það einfaldlega svo að það eina sem Palestínumenn geta gert er að reyna að berjast gegn ólöglegu hernámi Ísraaela og til þess þarf vopnaframleiðslu. Reynsla síðustu áragua sýnir að það er útilokað að ná fram sanngjörnum friðasamningum við þá meðan þeir telja sig hafa ráð Palestínumanna í hendi sér.

Hermenn Egygpa eða Íraka voru vissulega ekki í sólbaði eða á ferðalagi. Þeir hafa væntanlega verið sendir til landamæranna af því Arabaríkin óttuðust árás frá Ísrael og sá ótti reyndist ekki ástæðulaus.

Það eru engir ráðamenn að heilaþvo Palestínumenn til að fá þá til að hata Ísraela. Ísraelar hafa margfaldlega unnið sér inn það hatur með sífelldum fjöldamorðum á Palestínumönnum, landráni og misskunarlausri kúgun á þeim í áratugi. Þeir hafa síðan uppskorið eins og þeir hafa sáð með árásum frá Palestínumönnum sem eru þó smámunir miðað við það sem Paelstínumenn hafa þurft að þola frá hendi Ísraela. Ef þú lemur einhvern nógu oft og nógu lengi þá endar með því að hann lemur á móti.

Vissulega hafa Pelstínumenn skotið eldflaugum á Ísraela en Ísraelar hafa skotið margfalt öflugri og nákvæmari eldflaugum á þá og drepið margfalt fleiri saklausa borgara með þeim. Að gagnrýna Palestínumenn fyrir sínar árásir en ekki Ísraela fyrir þeirra árásir er eins og að gagnrýna hóp manna fyrir að skjóta út teygjubyssum á hóp manna sem er að brytja þá niður með hríðskogabyssum.