Ísland stórgræðir á ESB aðild.

Þrátt fyrir að við verðum nettó greiðendur þá mun Ísland hagnast verulega á ESB aðild.

Í fyrsta lagi mun vaxtakostnaður ríkisins minnka stórlega sem hleypur af tugum milljarða á ári. Bara það mun margborga nettó aðildina.

Heimilin mun greiða mikið minna fyrir óverðtryggðu húsnæðislánin sín á lægri vöxtum og hafa þá meira á milli handanna til að eyða og það eitt skapar mikla atvinnu. (peningarnir fara í samfélagið, ekki bankana).

Vöruverð mun lækka verulega og tollar á vörum falla niður. Það mun gefa almenningi meiri ráðstöfunarfé sem skapa betri lífskjör.

Guðmundur Gunnarsson og fleiri sem tengjast atvinnulífinu hafa fullyrt að það skapast 4000-6000 störf á Íslandi við aðild vegna þess að fyrirtæki mun sjá sig fært að stækka innanlands og erlend fjárfesting mun aukast.

Fyrir utan það að flest fyrirtæki á Íslandi vilja ganga í ESB:

http://www.pressan.is/mpressanis/Lesa/ccp-ihugar-ad-flytja-ur-landi-vegna-kronunnar--esb-eina-leidin

http://www.forsaetisraduneyti.is/media/Evropumal/Marel.pdf

http://www.forsaetisraduneyti.is/media/Evropumal/Ossur.pdf

hvells

Ísland verði nettógreiðandi

Athugasemdir

[Gunnlaugur Ingvarsson (IP-tala skráð) 23.11.2011 kl. 23:32]

Þessar lofræður ykkar um ESB aðild Íslands passa ekki eða eru beinlínis rangar.

1. Ekkert segir það að vaxtakostnaður íslenska Ríkisins muni minnka, við ESB/EVRU aðild nema síður sé. Þvert á móti þá er vaxtakostnaður íslenska Ríkisins orðinn mjög viðráðanlegur og skuldatryggingarálag íslenska Ríkisins og íslenskra stórfyrirtækja eins og t.d. Landsvirkjunar hefur farið stórlækkandi á skuldabréfum og orðinn mun lægri en margra EVRU ríkjanna. Skuldatryggingarálag Ríkissjóðs Íslands er nú lægra en meðaltal Evru ríkjanna og Ísland hefur getað selt skuldabréf sín á almennum markaði án vandræða á viðráðanlegum og sjálfbærum vaxtakjörum.

2. Ekkert segir að verðtryggingin afnemist við ESB aðild og nýlega hefur komið fram að heildar kostnaður íslenskra fjölskyldna við húsnæðiskostnað er að meðaltali mun lægri emn hann er innan Evrópusambandsins. Vextir og skattar af húsnæði eru mjög misjafnir innan ESB. Sömuleiðis greiða ESB ríkin ekki vaxtabætur eins og tíðkast á Íslandi eins og hér tíðkast.

3. Þið segið að vöruverð muni lækka og tollar á vörum falla niður. Ekkert styður þessar fullyrðingar ykkar. Í sumum tilvikum mun vöruverð hækka og nýjir tollar eru að kröfu ESB lagðar á neysluvörur eins og sykur, banana og appelsínur og margar fleiri vörur sem eru í samkeppni við vörur af ESB svæðinu sem eru dýrari en þar sem við höfum keypt þær hingað til beint. Tollar á flestar landbúnaðarvörur munu lækka en það getum við alveg eins ákveðið sjálf án aðkomu Ráðstjórnarinnar í Brussel. Lífskjör eru á öllum skölum að meðaltali mun betri á Íslandi nú heldur en í flestum ríkjum ESB og að meðaltali líka. Þetta sanna nýlegar lífskjara tölur frá OECD.

4.Guðmundur Gunnarsson ASÍ elítumaður og sanntrúaður ESB aftaníossi er ekki marktækur. Atvinnuleysi er aðeins 5,6% á Íslandi þar af eru u.þ.b. næstum 2% stig af þeim Pólverjar frá ESB landinu Spáni. Atvinnuleysi hér hefur farið snar minnkandi meðan það eykst enn í ESB og EVRU svæðinu og er nú þar að meðaltali 10,2% á EVRU svæðinu eða meira en 80% hærra en það er á Íslandi í dag. Vissulega hafa einhverjir flutt búferlum eins og gerst hefur víða í Evrópu vegna kreppunnar. En þó hafa þeir búferlaflutningar verið mjög óverulegir miðað við það sem að spáð hafði verið og gert var ráð fyrir í upphafi kreppunnar. Hagvöxtur er nú meiri á Íslandi en í flestum ef nokkru landi ESB eða EVRU svæðisins.

5. Samkvæmt þeim skoðanakönnunum sem ég hef séð vill afgerandi meirihluti íslenskra atvinnurekenda, eins og þjóðarinnar í heild standa utan við ESB helsið og þau vandræði öll. Þannig að þessar fullyrðingar ykkar eins og aðrar hér að framan standast engan veginn !

ESB áróður ykkar er léttvægur fundinn og stemmir alls ekki við veruleikann eins og hann er !

EVRU svæðið allt nötrar nú og skelfur og riðar hreinlega til falls og óróleikinn og óvissu ástandið á mörkuðunum er að verða óviðráðanlegt.

Þá dettur ykkur í hug eins og bláeygir og sanntrúaðir ESB sinnar að skrifa þessa vitleysu hér og vitna svo í Guðmund í Rafmagninu af öllum mönnum eins og einhvern "Stóra Sannleika".

[Sleggjan og Hvellurinn, 24.11.2011 kl. 10:52]

Íslenska krónan er of lítil til að hægt verði að tryggja hér

stöðugleika sem dugir út ævina. Á meðan við höldum í hana

munu lífskjör rýrna þar sem fjármálakerfið verður dýrara í

rekstri og er það nógu dýrt fyrir. Við getum hins vegar stungið höfðinu í sandinn og talið okkur trú um að við getum afnumið verðtrygginguna og haldið í krónuna á sama tíma. Það er ekki hægt, verðtryggingin verður við lýði svo lengi sem krónan er þjóðargjaldmiðillinn

hvells

[Gunnlaugur Ingvarsson (IP-tala skráð) 25.11.2011 kl. 12:55]

Þið hafið rangt fyrir ykkur.

Nú er hagvöxtur á Íslandi um 2,5% eða meiri en í flestum ef ekki öllum ríkjum ESB og eða EVRU.

Samkvæmt nýrri 5 ára þjóðhagsspá Hagstofunnar mun hagvöxtur á Íslandi vaxa samfleytt næstu 5 árin og þjóðareframeleiðsla stóraukast.

Slíkar spár fyrir EVRU/ESB löndin líta allar, miklu verr út.

Enda er EVRU/ESB svæðið með lægstu hagvaxtarsvæðum heimsins og hefur verið svo um margra ára skeið.