Mín minning af 11 september 2001

Á morgun er 11 september.

 

Það eru nokkrir stórir heimsatburðir sem sitja fast i minninu á fólki. Mismunandi eftir kynslóðum. Eldri kynslóðin man hvar þau voru þegar þau heyrðu að Kennedy var skotinn.

Svo koma atburðir einsog: Þegar O.J. Simpson var sýknaður. Diana Prinsessa dó. Allt minnisstætt.

 

En svo er það Nine Eleven 2001.

 

Ég var á mínu öðru ári í hinum ágæta Fjölbrautaskóla Suðurnesja.

Það var eyða og ég sat í "Keflavíkurhorninu" eins kjánalega og það hljómar.

Á þessum tíma voru reyndar tvö Keflavíkurhorn (var alltaf eitt í gamla daga). Eitt fyrir 1983 og 1982 á þriðju hæðinni (þar sem ég var). Svo var 1981 og eldra, og svo busarnir (1984) á neðstu hæðinni. Svo var FS breytt 2004 og þá voru þessi "sófahorn" útrýmd til að koma í veg fyrir svona hópamyndum og bara einn stór matsalur fyrir lýðinn, gott eða slæmt, ekki dæmi ég um það.

Ég sat einn. Var að fikta í gemsanum mínum. Svo sá ég tvo busa hlaupa brosandi fram hjá mér. Það lá frekar á þeim. Þekkti þá ekki en þeir sögðu við mig að þeir fengu að fara úr tíma því það var verið að ráðast á Bandaríkin. Ég spurði , bíddu hver? , Þeir sögðust ekki vita en örugglega eitthvað land.Gleðin í andlitum þeirra var frekar furðuleg. Ég skynjaði ákveðna spennu og gleði. Þeim innst inni fannst kannski ágætt að Bandaríkjamenn "alheimslöggan" fengi smá á baukinn. En þegar dánartölurnar komu í ljós, og seinni flugvélin hitti turnana, þá er ég viss um að þetta var ekki grín lengur hjá þeim. Þeir hlupu og fylgdust með fréttum.

 Ég hraðaði mér að næsta sjónvarpi. Svo smátt og smátt fóru nemendum að fjölga fyrir framan sjónvarpið og tíminn ekki nærrum því búinn. Semsagt nemendur fengu að fara úr tíma. Og kennararnir væntanlega límdir við sjónvarpsskjáinn upp í kennaraaðstöðunni.

Þegar fyrri flugvél skall á  turnin var talað um að flugslys hafi orðið. En það var ekki lengi því önnur flugvél skall á turnana (svo auðvitað Pentagon sem gleymist oft í umræðunni).

Svona eftirá að hyggja þá minnti mig að á fyrsta klukkutímanum eftir árásina á seinni turninn þá var verið að renna yfir þær þjóðir sem voru líkleg til þess að standa á baki þessum árásum. Eins og þegar Japanir réðust á Pearl Harbour. Einhver óvinaþjóð hlaut að bera ábyrgð á þessu.

En svo kom í ljós að hryðjuverkasamtök og Osama báru ábyrgð á þessu, (eða inside job???!??)

Það var frekar óhugnarlegt að sjá flugvélina fara á seinni turnin í beinni útsendingu. Aldrei séð annað eins. 

Síðasti tími dagsins voru íþróttir. Ég var í búningsklefanum að klæða mig, man að ég heyrði 3 eldri menn tala um atburðinn. Allir voru að rífast um hver, af hverju o.s.frv. En svo greip einn frammí og sagði að sama hvaða ástæða og hver væru næstu skref, þá er eitt það merkilegasta við þessa árás að hún gerðist í beinni útsendingu þegar heimurinn var að horfa.

Ég get verið sammála því

 

Sleggjan.

Slæm áhrif á mannréttindi

Athugasemdir

[Óskar Arnórsson, 10.9.2011 kl. 17:06]

Þetta var hroðalegur aðtburður. Enn ef mannréttindi skerðast eingöngu vegna þess að fólk deyr í USA, enn ekki þegar fólk deyr af völdum USA, þá þarf að skoða ofbeldi eins og þetta í því ljósi...

[Sleggjan og Hvellurinn, 10.9.2011 kl. 17:58]

Já, mikið rétt. Einsog t.d. "hinn ellefti september" sem gerðist í Chili sem Chomsky benti á.

[Sleggjan og Hvellurinn, 10.9.2011 kl. 22:49]

góð grein góð grein

flott blogg

hvells