Vinstri stjórnin og okkar "elskulega" króna

Tölu um atvinnuleysi er villandi. Þegar fólk flýr Ísland til ESB landa (ásamt Noreg)  þá minnkar atvinnuleysi.

Þegar menn hafa verið atvinnulaus í einhvern ex langan tíma þá fer hann frá því að vera atvinnulaus og niður á framferði sveitafélaga... þá minnkar atvinnuleysi.

 

Meðalfjöldi vinnustunda er besti mælikvarði á atvinnu í landinu og sú tafla sínir að raunatvinnuleysi hefur aldrei verið meira. Þrátt fyrir "góðu" verk vinstri stjórnarinnar og okkar "elskulegu" krónu.

 Hlítur að vera áfall fyrir NEI sinna

hvells

Tekjurnar lækkuðu um 432 milljarða

XB með allt niðrum sig

XB er að hindra byggingu Landsspítlans og er því að gefa skít í starfsfólk landsspítalans einsog læknanna. Þeir eru ósáttir og hafa ályktað um þetta alvarlega atriði.

Þetta mun síðan koma mest niður á sjúklingunum... þeirra sem minnst mega sín.

Svona starfar Framsóknarflokkurinn.

 

hvells

Læknar krefja stjórnvöld um spítala

ESB

MS má ekki flytja nema ákveðið magn til Evrópu. Ef við værum í ESB þá mundi MS mega flytja eins mikið og þeir vildu af þessu íslenskri vöru og skapa milljarða í gjaldeyristekjur og skapa þúsundir starfa.

http://www.ruv.is/frett/kvotar-vegna-skyrutflutnings-fullnyttir

Það er sorgleg afstaða NEI sinna að vilja ekki skapa þjóðinni betri lífskjör og meiri gjaldeyristekjur.

NEI sinnar eru þjóðinni stórskaðlegir.

 

já við ESB

hvells

Skyrið smellpassar við tíðarandann

Rugl loforðið

Ruglloforðið hjá XD og XB:

Afnema lágmarksútsvar.

Langflest sveitafélög eru að nýta sér hámarksútsvar!

Ekkert sveitafélag eru við lágmarksútsvarsmörkin. Ekki einu sinni Seltjarnarnes. Einungis Ásahreppur og Skorradalshreppur. Og þeir segja að það sé ekki svigrúm til frekari lækkana:

http://www.vb.is/frettir/84257/

"Davíð Pétursson, oddviti Skorradalshrepps, segir í samtali við vb.is að ekkert svigrúm sé til þess að lækka útsvarið þótt það verði heimilað.  "

og svo hitt:

Svipað svar var að fá frá Eydísi Þorbjörgu Indriðadóttur, oddvita Ásahrepps. „Það er ekki svigrúm til að lækka útsvarið hjá okkur miðað við þær fjárhagsáætlanir sem við erum að leggja upp með. Við erum búin að gera áætlun fyrir þetta ár og svo aðra fyrir næstu þrjú árin og miðað við þær er ekki svigrúm til að lækka útsvar, en það getur að sjálfsögðu breyst.“

 Þetta er rugl loforð til þess að fá fólk til að halda að þeir séu að lofa einhverju til fólksins.

 

 

Ef þeim væri alvara. Þá auðvitað hefðu þeir lækkað mörkin á  hámarksútsvari. Þá erum við að tala saman. Þá erum við að tala um skattalækkanir. En að sjálfsögðu eru þeir ekki í þeim pakka.

kv

Sleggjan

Álið er hagkvæmnt, arðbært og skapar störf og betrí lífskjör fyrir þjóðina

Álframleiðsla á Íslandi hófst árið 1969 þegar álverið í Straumsvík tók til starfa. Framleiðslan fyrsta árið var 33.000 tonn. Álverið í Straumsvík hefur síðan verið stækkað og framleiðslugeta þess aukin í 185 þúsund tonn. Á undanförnum árum hafa tvö önnur álver tekið til starfa, álver Norðuráls á Grundartanga árið 1998 og álver Alcoa Fjarðaáls á Reyðarfirði árið 2007. Samanlögð framleiðslugeta þessara 3ja álvera er nú rúm 800 þúsund tonn. Heimsframleiðsla á áli var um 45 milljónir tonna árið 2012 og er því hlutur Íslands tæp 2,0%.

Ljóst er að uppbygging stóriðju á Íslandi hefur umbreytt hagkerfinu hér á landi. Með auknum álútflutningi hefur tekist að draga úr hlutfallslegu vægi annarra útflutningsgreina og skjóta fleiri stoðum undir rekstur þjóðarbúsins. Tilkoma álútflutnings hefur verið til sveiflujöfnunar í hagkerfinu. Frá árinu 1969, þegar álverið í Straumsvík tók til starfa, hefur hlutur áls í vöruútflutningi tæplega fimmfaldast en hlutur sjávarútvegs nær helmingast. Árið 2012 námu útflutningsverðmæti áls tæplega fjórðungi af heildarverðmæti alls útflutnings í hagkerfinu.

Árið 2012 námu tekjur af útflutningi áls 226 milljörðum króna. Þetta svarar til um það bil 23% af útflutningstekjum þjóðarinnar. Til að framleiða þessi verðmæti þurfti að flytja inn súrál fyrir um 63 milljarða króna. Vöruskiptajöfnuður áliðnaðarins á síðasta ári nam um 120 milljörðum króna. Kostnaður sem fellur til vegna reksturs álveranna hér á landi nemur um 40% af heildartekjum þeirra. Á síðasta ári nam þessi kostnaður 100 milljörðum króna.

Sala raforku til áliðnaðar hefur verið með arðsömustu starfsemi raforkufyrirtækja hér á landi um árabil sbr. nýlegar upplýsingar OR og Landsvirkjunar. Sem dæmi má nefna að arðsemi eiginfjár Landsvirkjunar hefur að meðaltali verið um 15% á ári undanfarin 10 ár. Það er nokkru meiri arðsemi en að meðaltali hjá skráðum bandarískum orkufyrirtækjum á sama tímabili samkvæmt skýrslu sem unnin var fyrir fjármálaráðuneytið á síðasta ári. Um 80% af raforkusölu Landsvirkjunar er til stóriðju. Þá hefur Landsvirkjun gefið það út að félagið geti greitt upp allar skuldir sínar á 10-12 árum. Má hiklaust fullyrða að sala á orku til stórnotenda hafi verið forsenda þess að Íslendingar gátu ráðist í virkjun fallvatnanna og þar með nýtt sína helstu auðlind, þjóðinni til hagsbóta.

Því er stundum haldið fram að almenningur hafi niðurgreitt raforkuverð til stóriðju. Slíkt er fjarri  sanni. Stærra og hagkvæmara raforkukerfi með meiri sölu til orkufreks iðnaðar hefur þvert á móti leitt til lækkunar á raforku til almennings. Raforkuverð til heimila hefur að jafnaði lækkað um 25% að raunvirði frá árinu 1997, sem að stórum hluta má skýra með auknu umframafli frá orkufrekum iðnaði sem sinnir afltoppum á almenna markaðnum. Samkvæmt tölum sem birtar voru á ársfundi Landsvirkjunar árið 2010, er raforkuverð til almennings á Íslandi, hið lægsta í Evrópu og þótt víðar væri leitað.  Á fundinum kom einnig fram að ef borið er saman sambærilegt raforkuverð til stóriðju annars vegar og almennings hins vegar, greiða álverin að meðaltali um 70% þess verðs sem heimilin greiða. Nýtingartími álveranna er hins vegar mun meiri, eða 96% að jafnaði samanborið við um 56% hjá almennum notendum. Að teknu tilliti til þessa eru álverin að greiða 24% hærra verð fyrir uppsett afl en almennir notendur.

Landsvirkjun hefur á undanförnum árum byggt upp traust eiginfjárhlutfall án framlaga frá eigendum sínum og verið fær um að standa  undir afborgunum þeirra lána sem fyrirtækið hefur tekið.  Þar hafa skattgreiðendur ekki þurft að hlaupa  undir bagga.

Hjá fyrirtækjum í íslenskum áliðnaði starfa liðlega 2.100 manns. Samkvæmt mati Hagfræðistofnunar Háskóla Íslands má gera ráð fyrir að starfamargfaldari áliðnaðarins sé 1,4. Þannig má ætla að minnsta kosti um 5.000 manns hafi framfæri sitt af álframleiðslu með beinum hætti.

Í gegnum tíðina hafa álver á Íslandi almennt greitt hærri laun en almennir kjara-samningar kveða á um og álver hafa verið eftirsóttir vinnustaðir. Álverin hafa þannig haft tiltölulega greiðan aðgang að vinnuafli og þeim hefur jafnframt haldist vel á starfsfólki sínu. Á árinu 2009 voru heildarlaun starfsfólks í álverum að meðaltali 437.000 kr. á mánuði. Til samanburðar voru heildarlaun verkafólks 320.000 kr. að meðaltali, samkvæmt gögnum frá Hagstofunni. Á bak við heildarlaun verkafólks voru 44,5 vinnustundir á viku en 43,2 vinnustundir í álverum. Heildarlaunagreiðslur álfyrirtækjanna þriggja námu um 14,5 milljörðum króna árið 2012.

Erfitt er að fullyrða um nákvæm áhrif stóriðjuframkvæmda á búsetu og vinnumarkað viðkomandi svæða enda ástand á vinnumarkaði og sveigjanleiki vinnuaflsins afar mismunandi eftir svæðum. Hitt er vitað að uppbygging stóriðju skapar ýmis störf, bæði við virkjanaframkvæmdir, byggingu álvera og rekstur þeirra. Í sumum tilfellum er um að ræða sérhæfð störf, sem hefðu ella ekki  orðið til, í öðrum tilfellum almennari störf, t.d. við ýmis konar þjónustu.

Að auki ber að hafa í huga að þegar álver er byggt er ekki tjaldað til einnar nætur heldur miðast uppbyggingin við áratugalanga starfsemi. Tilkoma álvers er því góð kjölfesta fyrir atvinnulíf viðkomandi svæðis.

Unnin var vönduð úttekt á áhrifum af byggingu álvers Alcoa-Fjarðaáls á Norðausturlandi. Þar kemur meðal annars fram að íbúum á svæðinu fjölgaði um 22% á árunum 2002-2008. Að sama skapi hækkuðu laun marktækt meira á svæðinu en annars staðar á landsbyggðinni. Meðallaun á áhrifasvæði framkvæmdanna hafa verið þau hæstu á landsbyggðinni frá 2002.

Álver á Íslandi eru langstærstu orkukaupendur landsins og standa þar með að mestu undir þeim gríðarlegu fjárfestingum sem Landsvirkjun og önnur orkufyrirtæki hafa ráðist í. En þau kaupa einnig margvíslegar aðrar vörur og þjónustu. Þar má nefna þjónustu af verktökum, verkfræðistofum, bönkum, verkstæðum, sveitarfélögum og ýmsum opinberum aðilum. Þá er um að ræða mikil vörukaup og viðskipti vegna flutninga milli landa og innanlands.

Árið 2010 áttu íslensk álver viðskipti við um 700 innlend fyrirtæki af öllum stærðum og gerðum, fyrir samtals 24 milljarða króna. Þar eru orkukaup álveranna ekki innifalin.

Þegar ráðist er í uppbyggingu álvers kemur nýtt fé inn í viðkomandi sveitarfélag. Margir fá störf við bygginguna og þeir þurfa svo aftur á ýmis konar þjónustu að halda. Þessi margþættu áhrif sem leiða af uppbyggingunni hafa verið kölluð margfeldisáhrif og með því að líta einnig til þeirra má fá gleggri mynd af þeim áhrifum sem fjárfestingar á borð við byggingu álvers hafa í för með sér. Hluti af þessum margfeldisáhrifum kemur fram annars staðar en í heimabyggð. Til dæmis má gera ráð fyrir að umsvif á landsbyggðinni kalli á vinnu í stjórnsýslu og þjónustu á höfuðborgarsvæðinu.

Mörg fyrirtæki, lítil og meðalstór,  byggja afkomu sína að miklu leyti á viðskiptum við álverin og hafa jafnvel sérhæft sig á því sviði. Sem dæmi um þessi umsvif má nefna að árið 2009 unnu  320 manns á vegum verktaka á álverssvæðinu í  Reyðarfirði, eingöngu fyrir Fjarðaál og um 120 manns utan álversins í Straumsvík eingöngu fyrir Alcan á Íslandi hf. Í flestum tilfellum er um að ræða sérhæfð störf, sem hefðu ekki ella orðið til.

Ýmis starfsemi hefur vaxið og dafnað hér á landi vegna uppbyggingar áliðnaðar. Nærtækast er að nefna umfangsmikla starfsemi verkfræðistofa en hlutdeild innlendra verkfræðistofa í hönnun og verkefnastjórnun við byggingu álvera hefur aukist mjög á undanförnum árum. Stafar sú þróun helst af aukinni sérfræðiþekkingu og auknu bolmagni þessara fyrirtækja til að sinna stórframkvæmdum vegna þeirrar miklu uppbyggingar sem orðið hefur í áliðnaði og tengdum orkuframkvæmdum.

Einnig hafa fjölmörg sérhæfð þjónustufyrirtæki sprottið upp í tengslum við áliðnað. Dæmi eru um að slík fyrirtæki séu farin að flytja út þjónustu sína og þekkingu. Tilkoma áliðnaðar hefur stuðlað að fjölbreyttari uppbyggingu í atvinnulífi Íslendinga á undanförnum áratugum.

 

samal.is

 

hvells 

Leiðrétta misskilning ráðherra

jájá

Ég las fyrirsögnina "stjórnarlaun hækka" ég hugsaði fyrst. "það er nú gott, efnahagslífið komið í gang, sóknarhugur í fólki, bjartir tímar framundan"

"svo las ég Stapi lífeyrissjóður"....   jájá

Þá varð ég niðurlútur. Þetta er bara sjálftökulið sem er að gambla með peinga gamla fólksins.

 

hvells 

Stjórnarlaun hækka um tugi prósenta

Villandi umræða

Guðbjört er að færa umræðuna á forsendur sem hagnast hennar málflutningi.

Það er ekki slæmt ef mikil fjárfesting er á bakvið hvert starf. Það gefur hvert starf meiri framlegð. 
Svo er ríkið ekki að fjárfesta heldur er þetta erlend fjárfesting. Það skekkir allan samanburð.

Umræðan er svo langt frá því að vera a heilbrigðu plani hjá henni. Hún Guðbjört er að færa rök fyrir því að best væri að moka alla skurði með skólfu. Það skapar fleiri störf heldur en að hafa einn gröfukarl (20 á móti 1) svo er minni fjárfesting á bakvið hvern skóflukarl (1500kr per skófla) á móti gröfukarlinum (grafa kostar 15milljónir)

Ég vona að fólk hættir svo að slá ryki í augun almennings.

 

hvells 

„Eitthvað annað“ arðbærara en álið

Sannfærandi sigur Spurs, stórleikur í kvöld

Sigur San Antonio var mjög sannfærandi.

Memphis voru bara ekki nógu góðir. Enda voru þeir í 5 sæti í vesturdeildinni eftir alla deildarleikina.

Thunders, sem voru í öðru, glímdu við mikil meiðsli og náðu ekki langt. Ef allir hefðu verið heilir væru þeir líklega að spila við Spurs í spennandi viðureign.

Zach Randolph er lélegur leikmaður. Varð svolítið hissa þegar hann var titlaður sem stjarnan hjá Memphis.

 

Í nótt mætast Miami og Indiana.

Indiana hefur verið að veita þeim góða keppni. Þetta er hinn eiginlega úrslitaviðureign því ég tel Indiana vera að spila betur en Spurs (jább, I said it).

Ég þekkti ekki mikið til Indiana áður en úrslitakeppnin byrjaði en ég hef gaman af því að fylgjast með Roy Hibbert.

Hann er mjög seigur. Góða nýtingu. Spilar stöðu miðherja. 

Indiana þarf að spila meira inn á hann. Inni í teig. Miami er með sterka vörn en ég sé ákveðinn veikleika á málningunni.

Ef hann verður double teamaður þá sendir hann boltann á Hill sem neglir einum þrist.

 

Miami er þó líklega að fara vinna þessa seríu.

Lebron fáránlega góður. Bosh alltaf til staðar. Chris "birdman" Anderson er gaman að fylgjast með. Litríkur karakter.Hann er búinn að hitta úr 16 skotum í röð í síðustu fjórum leikjum sínum og er fyrsti maðurinn í sögu NBA sem klikkar ekki á skoti í fjóra leiki í röð með amk tvær skottilraunir.

 

Breiddin hjá Míami er svakaleg. Það er launaþak í NBA deildinni, maður spyr sig hvernig þeir eiga efni á þessu. Margir stjörnuleikmenn hafa greinilega sætt sig við lægri laun til þess að vinna titilinn.

 

Leikurinn er í kvöld. Byrjar hálf eitt í nótt. Hella uppá kaffi og vera ósofinn í vinnunni. Úrslitaveislan er bara einu sinni á ári.

kv

Sleggjan

San Antonio sópaði Memphis í sumarfrí

Skiljanlegt

Væntingin um hinn stóra tjékka.

Afskrift verðtryggða lána. Er ekki annars hægt að taka veð fyrir fyrirhugaðri afskrift?

 

Svo er ný ríkisstjórn tekin við og fólk bindur miklar vonir við hana.

Sleggjan óskar nýrri ríkisstjórn góðs gengis.

kv

Sleggjan

Íslendingar ekki bjartsýnni síðan 2008

Atvinnuvegaráðuneytið

Það hafa verið siptar skoðanir um að hafa sjávarútvegs og landbúnaðar og iðnaðar í eitt atvinnuvegaráðuneyti.

Ég hef verið fylgjandi því vegna þess að það er óásættanlegt að tvær greinar hafa heilt ráðuneyti og ráðherra í fullri vinnu fyrir að starfa að sínum hagsmunum. ÓKEYPIS!!!

SI var sammála mér

"Sameining ráðuneyta sem sinna málefnum atvinnulífsins er fagnaðarefni og í samræmi við stefnu Samtaka iðnaðarins til margra ára. Ekki er þó sama hvernig er að verki staðið og þar skortir talsvert á af hálfu ríkisstjórnarinnar.

„Það er fagnaðarefni að loks skuli stjórnvöld ákveðin í að stokka upp stjórnarráðið og færa til nútímans“ segir Jón Steindór Valdimarsson, framkvæmdastjóri SI."

Þetta sögðu þeir í SI árið 2010.

 http://www.si.is/forsidufrettir/nr/8857

Árið 2011 var komið annar hljómur í þessu.  

"Formaður Samtaka iðnaðarins leggst gegn fyrirhugaðri sameiningu nokkurra ráðuneyta í eitt atvinnuvegaráðuneyti og segir það langt í frá leiðina til farsældar. Þvert á móti framlengi sameining kreppuna enn frekar. Er þessi skoðun á skjön við stefnu samtakanna fyrir bankahrunið þegar slík breyting þótti nauðsynleg.

Viðurkennir formaðurinn, Helgi Magnússon, í pistli í Morgunblaðinu að um stefnubreytingu sé að ræða og segir skynsemi ráða þar för. Ástæðan sé að með fækkun atvinnuvegaráðuneyta í eitt sé allri tekjuöflun steypt í eitt ráðuneyti meðan eyðsluráðuneytin standi þá uppi öflugri en ella.

Eftir athugun á þessum málum er niðurstaða mín sú að við eigum ekki að fækka ráðuneytum þeirra atvinnugreina sem afla tekna. Hverjir afla einkum tekna á Íslandi: Sjávarútvegur, landbúnaður, iðnaður, ferðaþjónusta, verslun og þjónusta. Eigum við að steypa tekjuöfluninni í eitt ráðuneyti en hafa eyðsluráðuneytin því öflugri? Við segjum nei við því."

http://eyjan.pressan.is/frettir/2011/01/04/samtok-idnadar-leggjast-gegn-sameiningu-i-eitt-atvinnuvegaraduneyti/

 

Ég skil bæði rökin. Hef ekki gert upp hug minn. Kannski er eitthvað til í þessu. Fínt að hafa sem flest tekjuráðuneyti en ekki eyðsluráðuneyti.

 

hvells 

Fáar breytingar hjá ráðuneytinu